ជាតិ
រថយន្ត
ពលរដ្ឋបារាំងម្នាក់បន្តប្រើរថយន្ដម៉ាក CITROËN ចំណាស់ជិត៣៥ឆ្នាំរបស់ខ្លួន ដឹកទំនិញ
× ប្រទេស បារាំង៖ ជាទូទៅនៅទ្វីបអឺរ៉ុប រថយន្ដមួយគេប្រើប្រាស់រយៈពេលយ៉ាងយូរ ២០ តែក៏មានឡានខ្លះ គេប្រើយូរជាងនេះ ឬត្រូវបានប្រើប្រាស់រហូតដល់វាក្លាយទៅជាបុរាណតែម្ដង។ ការប្រើប្រាស់យានយន្ដដែលមានអាយុកាលលើសពី៣០ឆ្នាំ ជាប្រចាំ វាកម្រណាស់នៅអឺរ៉ុប។ ពីព្រោះចាប់ពី៣០ឆ្នាំឡើងទៅ គេទុកជាយានបុរាណ ដែលយូរៗគេប្រើម្ដង និងដែលគេថែទាំឱ្យបានល្អបំផុត។ នៅឯប្រទេសបារាំង ប្រហែលដោយសារខ្វះថវិកា ម្ចាស់រថយន្ដម៉ាក CITROËN ប្រភេទ C25 ម៉ឌែល D ម៉ាស៊ីន 1400 ម្នាក់ នៅតែប្រើរថយន្តរបស់ខ្លួនជាប្រចាំថ្ងៃ ខណៈវាមានអាយុកាលជិត៣៥ឆ្នាំហើយ។ ពីដើមមក គឺជាឡានដឹកអ្នកដំណើរ ប៉ុន្តែឥឡូវនេះគាត់ប្រើប្រាស់ C25D ពណ៌សនេះ ដើម្បីដឹកទំនិញវិញ ដោយ បានដកកៅអីក្រោយចេញទាំងអស់។
សូមអញ្ជើញលោកអ្នកនាង ទស្សនាវីដេអូខាងក្រោមនេះ៖
C25 ត្រូវបានផលិតចំនួន ១ ០៨៥ ១៣៦គ្រឿង ពីឆ្នាំ១៩៨១ រហូតដល់១៩៩៣។ ជំនាន់ទី១ត្រូវបានផលិតរយៈពេល១០ឆ្នាំ ហើយជំនាន់ទី២ ត្រូវបានផលិត២ឆ្នាំចុងក្រោយប៉ុណ្ណោះ។ តាមពិតអក្សរ C មាននៃថា CITROËN តែម្ដង។ ក្រៅពីម៉ូឌែល D មានម៉ូឌែលផ្សេងៗ ដូចជា រថយន្ដដឹកទំនិញ រថយន្ដធំមានបែនអាចលើកបានខាងក្រោយ រថយន្ដធំមានបែនធម្មតាខាងក្រោយ។ ដោយសារការសហការគ្នា រវាងក្រុមហ៊ុនបារាំង CITROËN PEUGEOT និង TALBOT ដែលស្ថិតនៅក្នុងក្រុមសម្ព័ន្ធ PSA ជាមួយគ្នា ក្រុមហ៊ុនទាំង២ បានផលិតរថយន្ដមួយប្រភេទនេះរួមគ្នា ដោយមានឈ្មោះ PEUGEOT J5 និង TALBOT Express ។ លើសពីនេះទៅទៀត ក្រុមហ៊ុនអ៊ីតាលី FIAT និង ALFA ROMEO ក៏បានផលិតរថយន្ដនេះ ក្នុងរោងចក្រដូចគ្នា ដែលស្ថិតនៅប្រទេសអ៊ីតាលី ដែលវាមានឈ្មោះ FIAT Ducato I និង ALFA ROMEO AR6 ។
ក្រុមហ៊ុន CITROËN ត្រូវបានបង្កើតឡើងនាឆ្នាំ១៩១៩ នៅប្រទេសបារាំង ដោយលោក CITROËN André ។ សព្វថ្ងៃនេះ PSA ស្ថិតនៅក្នុងកម្មវិធីសម្ព័ន្ធភាពបារាំងអ៊ីតាលីអាម៉េរិក STELLANTIS ៕
Tag:
រថយន្ត
យានយន្ត
រថយន្តបុរាណ
ឡានបុរាណ
© រក្សាសិទ្ធិដោយ thmeythmey.com