ជាតិ
Mercedes-Benz ប្រភេទW114 និងW115 ជាឡានអាយុលើស៤០ឆ្នាំដែលមានច្រើនជាងគេនៅកម្ពុជា
×![]()
ដោយ: នាយយ៉ាន
កណ្តាល៖ នៅយានដ្ឋានមួយកន្លែងដែលស្ថិតនៅបណ្តោយផ្លូវ១១៥ នៅក្រុងតាខ្មៅ ខេត្តកណ្ដាល មាន រថយន្ដម៉ាក MERCEDES-BENZ ប្រភេទ W114 ម៉ូឌែល 250 ពណ៌ពងមាន់ ផលិតឆ្នាំ១៩៧១ មួយគ្រឿង។ វាត្រូវការជួសជុលម៉ាស៊ីន ក៏ប៉ុន្តែទោះបីជាមានអាយុកាលជាង៥០ឆ្នាំ ក៏វានៅតែស្អាតមិនគួរឱ្យជឿ ជាពិសេសខាងក្នុងវាស្អាតដូចពីដើម។ ក្រៅពីរថយន្ដយោធា M151 ម៉ូឌែល A2 MERCEDES-BENZ W114 និង W115 អាចនិយាយបានថា ជាប្រភេទឡានបុរាណ លើសពី៤០ឆ្នាំ ដែលមានច្រើនជាងគេក្នុងប្រទេសកម្ពុជា។
ដើម្បីជ្រាបច្បាស់ សូមអញ្ជើញទស្សនាវីដេអូខាងក្រោមនេះ៖
MERCEDES-BENZ W114 និង W115 ខុសគ្នាតែម៉ាស៊ីនប៉ុណ្ណោះ។ MERCEDES-BENZ W114 250 ជំនាន់ទី១ មានលេខកូដក្រុមហ៊ុន W114.010 រហូតដល់ឆ្នាំ១៩៧០ និង W114.011 រហូតដល់ឆ្នាំ១៩៧៣។ លេខ 250 មកពីម៉ាស៊ីនមានចំណុះ ២៥០០ សង់ទីម៉ែត្រគីប។ ប៉ុន្តែមានលេខកូដខុសគ្នា ពីព្រោះចាប់ពីឆ្នាំ១៩៧០ ត្រូវដំឡើងម៉ាស៊ីន ២៨០០ សង់ទីម៉ែត្រគីបវិញ។ ត្រូវបានផលិត MERCEDES-BENZ W114 ជំនាន់ទី១ ចំនួន ១០០ ៩២៧ គ្រឿង ពីឆ្នាំ១៩៦៨ ដល់ឆ្នាំ១៩៧៣ និង MERCEDES-BENZ W114 ជំនាន់ទី២ (ជំនាន់ចុងក្រោយ) ចំនួន ១១ ៤៣៧ គ្រឿង ពីឆ្នាំ១៩៧៣ ដល់ឆ្នាំ១៩៧៦។
MERCEDES-BENZ W114 និង W115 មានម៉ាស៊ីនខ្លាំង ព្រោះរថយន្ដប្រភេទនេះមានទម្ងន់ធ្ងន់ដែរ : ១ ៣០០គីឡូក្រាម។ វាស៊ីសាំងច្រើន : ១៥លីត្រ ក្នុង១០០គីឡូម៉ែត្រ។ ពីដើម អាចជិះបានដល់ល្បឿនអតិបរិមា ១៣៥គីឡូម៉ែត្រក្នុង១ម៉ោង។ MERCEDES-BENZ W114 និង W115 ត្រូវបានផលិតពីឆ្នាំ១៩៦៨ ដល់ឆ្នាំ១៩៧៦ ចំនួនសរុប ១ ៩១៩ ០៥៦ គ្រឿង។ ប្រភេទ W114 មានម៉ាស៊ីន ៦ស៊ីឡាំង ហើយអាស្រ័យតាមម៉ូឌែល ប្រភេទ W115 មានម៉ាស៊ីន ៥ស៊ីឡាំង ឬ៤ស៊ីឡាំង។
អត្ថបទទាក់ទង
MERCEDES-BENZ ជាក្រុមហ៊ុនអាល្លឺម៉ង់ ដែលបច្ចុប្បន្នស្ថិតនៅក្នុងក្រុមសម្ព័ន្ធ DAIMLERCHRYSLER ។ ក្រុមហ៊ុននេះត្រូវបានបង្កើតឡើង ឆ្នាំ១៩២៦ ដោយលោក DAIMLER Paul លោក BENZ Carl និងលោក JELLINEK Emil ដែលកូនស្រីឈ្មោះ Mercédès ៕
Tag:
យានយន្ត
រថយន្ត
ឡានបុរាណ
យានយន្តបុរាណ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
