លោក ហ៊ុន ម៉ានី ប្រធានសសយក បានចាត់ទុកការបំបែកឯតទគ្គកម្មការរាំម៉ាឌីហ្សុនជាថ្មីម្ដងទៀតនេះ គឺប្រាប់ទៅពិភពលោកពីសាមគ្គីភាព សមត្ថភាព និងលទ្ធភាពរបស់កម្ពុជាដែលមានការរីកចម្រើនពីមួយថ្ងៃទៅមួយថ្ងៃក្រោមពាក្យស្លោកថា “ខ្មែរធ្វើបាន”។

 

«លើសពីការបំបែកឯតទគ្គកម្មពិភពលោក បំណងមួយបន្ថែមទៀត គឺជាការបង្កើតកម្មវិធីដែលនាំមកនូវប្រជាពលរដ្ឋគ្រប់ទិសទី គ្រប់កោសិកាសង្គម គ្រប់វ័យ ឬអាចនិយាយថា ការនាំភាពខុសគ្នា មករួមគ្នា ក្នុងចំណុចដូចគ្នា លះបង់ជាមួយគ្នា ក្នុងគោលដៅតែមួយ»។ នេះជាការលើកឡើងរបស់លោក ហ៊ុន ម៉ានី ក្នុងសេចក្ដីប្រកាសព័ត៌មាននាថ្ងៃទី១៥ មេសា។

 

គួរបញ្ជាក់ថាកំណត់ត្រានាពេលនេះ  បានបំបែកលើចំនួនដែលកម្ពុជាខ្លួនឯង បានរៀបចំ ក្នុងព្រឹត្តិការណ៍អង្គរសង្ក្រាន្តឆ្នាំ២០១៥ ដែលមានអ្នករាំ ២០១៥នាក់៕