លោក សាន គីមហុង នឹងជួសជុលឡាន ROLLS-ROYCE អាយុជាង៤០ឆ្នាំ ឱ្យអាចជិះបាន

ជាតិ

រថយន្ត

15, Apr 2023 , 10:29 pm

រូបភាព

សៀមរាប៖ ម្ចាស់ហាងវត្ថុបុរាណ Antique នៅក្រុងសៀមរាប លោក សាន គីមហុង បាននាំចូលរថយន្ដម៉ាក ROLLS-ROYCE ប្រភេទ Silver ម៉ូឌែល Shadow ពណ៌ស ផលិតឆ្នាំ១៩៧៦ មួយគ្រឿង ពីសហរដ្ឋអាម៉េរិកមក។ អាជីវកម្មរបស់គាត់គឺទិញលក់វត្ថុចាស់ៗ។ ភាគច្រើន គាត់ទិញពីប្រទេសជប៉ុនមក ក៏ប៉ុន្តែឡានបុរាណវិញ គាត់ទិញក្នុងស្រុក ឬទិញពីសហរដ្ឋអាម៉េរិកមក។ ជាពិសេស លោក គីមហុង ទិញរថយន្ដកញ្ចាស់ ដែលជិះមិនកើតទេ តម្លៃធូរថ្លៃ ហើយធ្វើទំនើបកម្ម ដើម្បីលក់ចំណេញ។ ROLLS-ROYCE Silver Shadow នេះបានមកដល់ប្រទេសកម្ពុជា នៅខែមេសា ឆ្នាំ២០២២ ដោយជិះមិនកើតទេ។ តែគាត់សង្ឃឹមថា ថ្ងៃណាមួយ អាចធ្វើឱ្យវាជិះបាន។ ROLLS-ROYCE នេះមានគ្រឿងដើមស្ទើរតែបានទាំងអស់។ សូមបញ្ចាក់ថា នៅសៀមរាប មានឡាន ROLLS-ROYCE Silver Shadow ផលិតឆ្នាំ១៩៧៦ ដូចគ្នា ១គ្រឿងទៀត ! គឺជាកម្មសិទ្ធិរបស់សណ្ឋាគារ វិរតន៍។

ដើម្បីជ្រាបច្បាស់ សូមទស្សនាវីដេអូខាងក្រោមនេះ៖

ROLLS-ROYCE Silver Shadow ត្រូវបានផលិតអស់ ៣១ ១៧៥ គ្រឿង ពីឆ្នាំ១៩៦៥ ដល់ឆ្នាំ១៩៨០ ក្នុងរោងចក្រតែមួយស្ថិតនៅឃុំ Crewe ប្រទេសអង់គ្លេស។ ROLLS-ROYCE Silver ត្រូវបានផលិតរយៈពេលផ្សេងៗដាច់ពីគ្នាមិនទៀងទាត់ ពីឆ្នាំ១៩០៧ រហូតដល់ឆ្នាំ២០០២។ ក្រុមហ៊ុនអង់គ្លេស ROLLS-ROYCE ត្រូវបានបង្កើតឡើងនៅឆ្នាំ១៩០៦ ដោយលោក ROLLS Charles និងលោក ROYCE Henry ៕

អត្ថបទទាក់ទង

សណ្ឋាគារមួយនៅសៀមរាប យក Rolls-Royce ផលិតឆ្នាំ១៩៧៦ សម្រាប់ដឹកភ្ញៀវទៅ-មកព្រលានយន្តហោះ