ជាតិ
សេវាកម្មថតរូបផ្ញើតាមតេឡេក្រាម មានការពេញនិយមខ្លាំង
× ភ្នំពេញ៖សេវាកម្មថតរូបទេសចរផ្ញើជាហ្វាល់តាមតេឡេក្រាមមានការពេញនិយមខ្លាំងនៅរមណីដ្ឋានអង្គរ។ការផ្ញើរូបភាពជាហ្វាល់តាមតេឡេក្រាមបែបនេះមានភាពងាយស្រួលសម្រាប់ភ្ញៀវទេសចរនិង អ្នកថតរូប។
សូមលោកអ្នកទស្សនាវីដេអូខាងក្រោម៖
ក្នុងព្រឹត្តិការណ៍អង្គរសង្គ្រាន្តពីមុខប្រាសាទអង្គរវត្តមានការពេញនិយមយ៉ាងខ្លាំងក្នុងការថតរូបផ្ញើជាហ្វាល់។ ការថតរូបផ្ញើជាហ្វាល់នេះមានភាពងាយស្រួលខ្លាំងសម្រាប់ភ្ញៀវទេសចរ និងអ្នកថតរូប។
លោក មួក ចាន់ហៀង ជាអ្នកថតរូបនៅព្រឹត្តិការណ៍អង្គរសង្គ្រាន្តបាននិយាយថា៖«ភ្ញៀវជាតិ និងភ្ញៀវបរទេស ចូលចិត្តថតរូបផ្ញើជាហ្វាល់ ព្រោះមានភាពងាយស្រួល។ ពិសេសអាចដាក់ក្នុងទូរស័ព្ទ ងាយស្រួលក្នុងការមើល។ ភ្ញៀវអាចរើសរូបដែលខ្លួនស្រលាញ់ ទាំងរូប edit និងរូបមិនទាន់ edit »។
លោកបានបន្តថា ការថតផ្ញើជាហ្វាល់ងាយស្រួល និងចំណាយពេលតិចតាមរូបថតតិច ឬរូបច្រើន។ តាំងពីសម័យកូវីដ១៩មកការពេញនិយមថតរូបផ្ញើជាហ្វាល់ខ្លាំងរហូតមកដល់ សព្វថ្ងៃ។
មិនខុសពីគ្នាពីលោក មួក ចាន់ហៀងប៉ុណ្ណានទេ លោកកាយ លីកា បានបញ្ជាក់ថា៖« ភ្ញៀវទេសចរមួយចំនួននៅតែចង់បានរូបថតជាសន្លឹក និងភ្ញៀវមួយចំនួនចូលចិត្តថតជាហ្វាល់ តាមចំណូលចិត្តរបស់ភ្ញៀវ។ បើចំពោះការថតរូបផ្តិតចម្ងាយពេលយូរ ព្រោះត្រូវចម្ងាយពេលយកទៅផ្តិតនៅហាង»។
ចំពោះតម្លៃវិញ ការថតជាហ្វាល់មិនទាន់ edit មានតម្លៃ ២ ០០០រៀល និងការថតជាហ្វាល់ edit ហើយមានតម្លៃ ៣ ០០០រៀល៕
© រក្សាសិទ្ធិដោយ thmeythmey.com