កីឡាជាតិ
ជាតិ
ស៊ីហ្គេម២០២៣
កីឡាឧបសគ្គស៊ីហ្គេម៖ ក្រុមនារីបណ្តាក់ និងឯកត្តជនបុរស ឈានទៅដណ្ដើមមេដាយសំរឹទ្ធិ ក្រុមកីឡាករ កីឡាការិនី ឧបសគ្គកម្ពុជា។
× ភ្នំពេញ៖ ក្រុមកីឡាការិនីឧបសគ្គ វិញ្ញាសាបណ្ដាក់១០០ម៉ែត្រ មាន១២ឧបសគ្គ និងកីឡាករ អុល សៅហៀង វិញ្ញាសាឯកត្តជនបុរស ១០០ម៉ែត្រ ១២ឧបសគ្គ ឡើងទៅដណ្ដើមមេដាយសំរឹទ្ធិ នៃកីឡាស៊ីហ្គេមលើកទី៣២ ឆ្នាំ២០២៣។ ការប្រកួតវគ្គផ្ដាច់ព្រ័ត្រ នឹងធ្វើឡើងនៅទីលាន OCIC ជ្រោយចង្វារ នាថ្ងៃទី៦និងទី៧ ខែឧសភា។
ទោះចាញ់ពីរជុំ តែក្រុមកីឡាឧបសគ្គនារីកម្ពុជា វិញ្ញាសាបណ្តាក់ ១០០ម៉ែត្រ ១២ឧបសគ្គ នៅតែអាចឈានទៅវគ្គ៤ក្រុមចុងក្រោយ ដោយត្រូវប្រជែងមេដាយសំរឹទ្ធិ ជាមួយម៉ាឡេស៊ី នៅថ្ងៃទី៧ ខែឧសភា។ ក្រុមនារីកម្ពុជាបានទៅដណ្ដើមមេដាយសំរឹទ្ធិនេះ ដោយបញ្ចប់ក្នុងចំណាត់ថ្នាក់ទី៤ ក្នុងវគ្គជម្រុះ ចំណោម៤ប្រទេសចូលរួម រួមមាន ម៉ាឡេស៊ី ឥណ្ឌូណេស៊ី និងហ្វីលីពីន។ ក្រុមបណ្ដាក់នារី ហ្វីលីពីន ត្រូវប្រជែងមេដាយមាស ជាមួយឥណ្ឌូណេស៊ី។
ដោយឡែក កីឡាករ អុល សៅហៀង ដែលទទួលបានចំណាត់ថ្នាក់ទី៣ ក្នុងវគ្គជម្រុះ វិញ្ញាសាឯកត្តជនបុរស ១០០ម៉ែត្រ ១២ឧបសគ្គ ក៏ត្រូវឡើងទៅដណ្តើមមេដាយសំរិទ្ធិជាមួយកីឡាវ Deuanepheng Chandavong នៅទីតាំង OCIC ជ្រោយចង្វា ថ្ងៃទី៦ ខែឧសភា។ កីឡាវ Deuanepheng Chandavong បញ្ចប់ក្នុងចំណាត់ថ្នាក់ទី៤ នៅវគ្គជម្រុះ ក្នុងចំណោម៤ប្រទេសចូលរួម ក្នុងនោះរួមមាន ម្ចាស់ផ្ទះកម្ពុជា ឡាវ ព្រុយណេ និងហ្វីលីពីន។ កីឡាករបុរសហ្វីលីពីនពីររូប ត្រូវឡើងប្រជែងយកមេដាយមាស៕
© រក្សាសិទ្ធិដោយ thmeythmey.com