កម្ពុជាក្នុងនាមជាម្ចាស់ផ្ទះនៃព្រឹត្តិការណ៍កីឡាស៊ីហ្គេមលើកទី៣២ បានសម្រេចគោលដៅរបស់ខ្លួនក្នុងការដណ្តើមយកមេដាយមាស២ខ្ទង់ បើគិតចាប់តាំងពីឆ្នាំ១៩៧១មក។ គិតមកដល់ពេលនេះ កម្ពុជាឈ្នះមេដាយមាសចំនួន ១០ហើយ។

 

ក្នុងកំណត់ត្រា កម្ពុជាទទួលបានមេដាយមាសច្រើនបំផុតចំនួន១៧នាព្រឹត្តិការណ៍កីឡាស៊ីហ្គេម កាលពីឆ្នាំ១៩៧១ ហើយការសម្រេចបានមេដាយមាស២ខ្ទង់មួយលើកទៀតនោះ គឺក្នុងឆ្នាំ១៩៦៥ នៅគូឡាឡាំពួរ ប្រទេសម៉ាឡេស៊ី ដដែល។

 

សម្រាប់មេដាយមាសដែលគិតមកត្រឹមវេលាម៉ោង១ និង៤៥នាទីរសៀលនេះ កម្ពុជាទទួលបានមេដាយមាស៤ពីគុនល្បុក្កតោ, ១ពីជឺជិតស៊ូ, ១ពីទ្រីយ៉ាត្លុង, ១ពីកីឡាអេឡិចត្រូនិក, ១ពីសូហ្វតេន្និស, ១ពីវ៉ូវីណាម និង១ពីអុកចត្រង្គ៕