ផ្ទាំងទស្សនីយភាពនេះ បង្ហាញពីសម័យកាលដ៏យូរលង់នៅលើទឹកដីដ៏ចំណាស់មួយ ដែលមានតែ មហាសមុទ្រដ៏ធំធេងល្វឹងល្វើយ។ តាមរយៈការសម្តែងនេះ គេ ឃើញដីគោកតូចមួយ បានលេចចេញពីផ្ទៃសមុទ្រ និងធ្លកមួយដើមបានដុះឡើង ព្រមទាំងបរិយាយពី ទឹកសមុទ្រ ដែលស្រករីងបន្តិចម្តងៗធ្វើឲ្យដីគោករីកធំឡើងរហូតក្លាយជាកោះមួយ ហៅថា «កោះគោកធ្លក»។ 

 

ការសម្តែងនេះទៀតសោត ក៏មានតួអង្គ នាងនាគ បុត្រីស្តេចភូជង្គនាគ ដែលមកកម្សាន្តលើកោះនោះ បានជួប ព្រះថោង និងទទួលយកធ្វើជាស្វាមី។ អំណឹះតមក នាងនាគ និង ព្រះថោង ដែលជាបុព្វការីនៃជនជាតិខ្មែរ បានរស់នៅលើដីគោកប្រកបដោយជីជាតិ ដែលមានឈ្មោះ​​​​​​​​​​​​​​​ថា «នគរគោកធ្លក» ៕