កិច្ចប្រជុំកំពូលអាស៊ានលើកទី៤២ បានប្រព្រឹត្តទៅពីថ្ងៃទី១០ ដល់ថ្ងៃទី១១ ខែឧសភា នៅប្រទេសឥណ្ឌូណេស៊ី ដែលជាប្រធានអាស៊ានឆ្នាំ២០២៣នេះ។ ខ្លឹមសារអំពីកិច្ចប្រជុំ និងប្រសាសន៍របស់សម្តេច ហ៊ុន សែន ដែលលើកឡើងក្នុងកិច្ចប្រជុំនេះ ត្រូវបានផ្សព្វផ្សាយតាមរយៈសេចក្តីប្រកាសព័ត៌មានរបស់ក្រសួងការបរទេសកម្ពុជា។ 
 

សម្តេចនាយករដ្ឋមន្រ្តី នៅមានពាក្យពីរបីមាត់ទៀត ពាក់ព័ន្ធនឹងវិបត្តិនៅមីយ៉ាន់ម៉ា។ មេដឹកនាំកម្ពុជា ថ្លែងថា ការអនុវត្តឲ្យមានប្រសិទ្ធភាពនូវកិច្ចព្រមព្រៀងទាំង៥ចំណុច និងសេចក្តីសម្រេចផ្សេងទៀត ដែលប្រមុខដឹកនាំអាស៊ានអនុម័តកន្លងមក គឺមានសារសំខាន់ចំពោះមីយ៉ាន់ម៉ា។ 
 

សូមរម្លឹកខ្លីថា មីយ៉ាន់ម៉ា ចាប់ផ្តើមជួបវិបត្តិតាំងពីពេលមានរដ្ឋប្រហារទម្លាក់ អ្នកស្រី អ៊ុងសាន ស៊ូជី ពីអំណាច នៅដើមឆ្នាំ២០២១។ បច្ចុប្បន្ន ប្រទេសជាសមាជិកអាស៊ានមួយនេះ ត្រូវបានគ្រប់គ្រងដោយរបបយោធា៕