កីឡាប្រណាំងកង់គក់បុរសចម្ងាយផ្លូវជាង១៥០គីឡូម៉ែត្រ បានចាប់ផ្តើមនាវេលាម៉ោង៩ព្រឹក នាថ្ងៃទី១២ ឧសភា នៅបរិវេណខាងមុខប្រាសាទអង្គរវត្ត។ កីឡាករទាំងអស់បានជិះជុំវិញផ្លូវវង់ធំចំនួន៦ជុំ ដែលមួយជុំចំណាយពេលប្រមាណ៣០នាទី។ 

 

ទោះមានភ្លៀងធ្លាក់បន្ដិច នៅជុំ៤ និងជុំទី៥ តែមិនបង្កការរំខានច្រើនទេដល់កីឡាករប្រណាំង។ ជ័យជំនះ បានទៅលើកីឡាករម៉ាឡេស៊ី ដែលទទួលបានមេដាយមាស ឥណ្ឌូនេស៊ីតាមបានមេដាយប្រាក់ និងហ្វីលីពីន ប្រឹងតាមបានមេដាយសំរឹទ្ធ។ 

 

គួរបញ្ជាក់ថា ការប្រណាំងកង់ផ្នែកបុរសនេះមានប្រទេស៨ចូលរួម អវត្តមានប្រទេសព្រុយណេ មីយ៉ាន់ម៉ា និងទីម័រខាងកើត ដោយមានអត្តពលិកចូលរួម ៣៨រូប ក្នុងកម្ពុជាមានកីឡាករចូលរួម៤រូប៕