អន្តរជាតិ
រូបឯកសារ៖ ប្រធានាធិបតីកូរ៉េខាងត្បូង Yoon Suk Yeol និងនាយករដ្ឋមន្ត្រីជប៉ុនលោក Fumio Kishida ចាប់ដៃគ្នា នៅក្នុងអំឡុងសន្និសីទសារព័ត៌មានមយយ នៅទីក្រុងសេអ៊ូល ប្រទេសកូរ៉េខាងត្បូង កាលពីថ្ងៃទី ៧ ខែឧសភា ឆ្នាំ ២០២៣។
×![]()
ដោយ: VOA
មេដឹកនាំជប៉ុន និងកូរ៉េខាងត្បូង នឹងព្យាយាមរក្សាសន្ទុះឆ្ពោះទៅរកការពង្រឹងចំណងទាក់ទងគ្នា នៅពេលដែលពួកគេជួបគ្នានៅក្រៅកិច្ចប្រជុំកំពូលនៃក្រុមប្រទេស G7 ដែលនឹងចាប់ផ្តើមនៅថ្ងៃសុក្រ នៅទីក្រុង Hiroshima។
លោកនាយករដ្ឋមន្ត្រីជប៉ុន Fumio Kishida នឹងជួបជាមួយលោកប្រធានាធិបតីកូរ៉េខាងត្បូង Yoon Suk Yeol នៅថ្ងៃអាទិត្យ ដែលជាថ្ងៃចុងក្រោយនៃកិច្ចប្រជុំកំពូល៣ថ្ងៃ។ នេះបើតាមក្រុមមន្ត្រីកូរ៉េខាងត្បូង។
កូរ៉េខាងត្បូងមិនមែនជាសមាជិកនៃក្រុមប្រទេស G7 ទេ ប៉ុន្តែត្រូវបានលោក Kishida អញ្ជើញឱ្យមកចូលរួមក្នុងនាមជាអ្នកសង្កេតការណ៍ ជាមួយនឹងមេដឹកនាំនៃប្រទេសមួយចំនួនទៀត ដែលមិនមែនជាសមាជិកនៃក្រុមប្រទេស G7។
ទំនាក់ទំនងរវាងជប៉ុននិងកូរ៉េខាងត្បូង បានធ្លាក់ចុះដោយសារការខ្វែងគំនិតគ្នា ទាក់ទិននឹងការកាន់កាប់យ៉ាងយង់ឃ្នងរបស់ជប៉ុនលើប្រទេសកូរ៉េខាងត្បូង ពីឆ្នាំ ១៩១០ ដល់ឆ្នាំ ១៩៤៥។
ទំនាក់ទំនងរវាងប្រទេសទាំងពីរមានសារៈសំខាន់ណាស់។ ចំណងទាក់ទងរឹងមាំ រវាងជប៉ុននិងកូរ៉េខាងត្បូង ដែលសុទ្ធសឹងតែជាសម្ព័ន្ធមិត្តរបស់សហរដ្ឋអាមេរិកនោះ អាចធ្វើឱ្យប្រែប្រួលដល់ទិដ្ឋភាពសន្តិសុខនៅអាស៊ីឦសាន នៅពេលដែលមានការព្រួយបារម្ភកាន់តែច្រើនឡើង អំពីឥរិយាដ៏គឃើ្លនកាន់តែកើនឡើងរបស់ចិន និងការពង្រីកឃ្លាំងអាវុធបរមាណូរបស់កូរ៉េខាងជើង៕
© រក្សាសិទ្ធិដោយ thmeythmey.com
