បើទោះនៅសល់ ១ប្រកួតបង្គ្រប់ចុងក្រោយ Real Sociedad ជាក្រុមស្ថិតនៅចំណាត់ថ្នាក់លេខ ៤ រកបានចំនួន ៦៨ពិន្ទុ និងនាំមុខលើ Villarreal ចំនួន ៥ពិន្ទុ ដែលឈរលេខ ៥។

Real Sociedad នឹងចូលរួមជាមួយក្រុម Atletico Madrid, Real Madrid, និងម្ចាស់ជើងឯក La Liga ក្រុម Barcelona ក្នុងពានរង្វាន់កំពូលតំបន់អឺរ៉ុប UEFA Champions League រដូវកាលបន្ទាប់។
 

Atletico Madrid រកបានជ័យជម្នះដោយលទ្ធផល ២-១ ។ កីឡាករ Antoine Griezmann ស៊ុតគ្រាប់បាល់ដំបូងនៅនាទី ៣៧ និងកីឡាករ Nahuel Molina រកបានគ្រាប់បាល់ទីពីរនៅនាទី៧៣ មុនពេលកីឡាករ Alexander Sorloth របស់ Sociedad ស៊ុតបាន ១គ្រាប់មកវិញនៅនាទី៨៨ ។ ប៉ុន្តែពួកគេមិនអាចរកគ្រាប់តាមស្មើវិញបាន។
 

ដោយឡែកក្រុម Espanyol បានរួមជាមួយនឹងក្រុមដែលត្រូវបានកាត់ចោលរួចរាល់ រួមមានក្រុម Elche នៅក្នុងលីគលំដាប់ទីពីរ ។ Espanyol បានប្រកួតស្មើ ២-២ ទល់ក្រុម Valencia៕