«សុំឱ្យបងប្អូនយើងទាំងអស់យកចិត្តទុកដាក់គាំទ្រកីឡាពិការ ដែលជាការលើកទឹកចិត្តដ៏ធំមួយសម្រាប់ពិការភាព»។ សម្តេច ហ៊ុន សែន មានប្រសាសន៍បែបនេះ ស្របពេលព្រឹត្តិការណ៍កីឡាអាស៊ានប៉ារ៉ាហ្គេមលើកទី១២ នឹងមកដល់ នៅថ្ងៃទី៣ ខែមិថុនា ។ សម្តេច បន្តថា ក្នុងនាមជាម្ចាស់ផ្ទះ ត្រូវធ្វើយ៉ាងណាទទួលភ្ញៀវឱ្យបានល្អ ដូចកាលទទួលភ្ញៀវស៊ីហ្គេមកន្លងទៅ។

 

សម្តេច ហ៊ុន សែន មានប្រសាសន៍ថា៖«ស៊ីហ្គេមគឺទទួលបានល្អហើយ ធ្វើបានល្អហើយ នៅសល់ប៉ារ៉ាហ្គេមដែលជាកីឡាជនពិការគឺយើងត្រូវតែធ្វើឱ្យល្អទៀត»។ សម្តេច បញ្ជាក់បន្ថែមថា ពិធីបើក និងបិទព្រឹត្តិការណ៍អាស៊ានប៉ារ៉ាហ្គេម មិនចាញ់ពិធីបើក-បិទស៊ីហ្គេមឡើយ។

 

គួរបញ្ជាក់ថា ព្រឹត្តិការណ៍កីឡាអាស៊ានប៉ារ៉ាហ្គេមលើកទី១២ ឆ្នាំ២០២៣ នឹងប្រព្រឹត្តទៅពីថ្ងៃទី៣ ដល់ទី៩ ខែមិថុនា ឆ្នាំ២០២៣ ៕