កីឡាជាតិ
ជាតិ
ក្លិប Manang Marshyangdi Club របស់ណេប៉ាល់ បំបាក់ស្វាយរៀង ៦-៣ នៅម៉ុងហ្គោលី
អ្នកចាំទី អាំ សុវណ្ណរ៉ាត់ របស់ស្វាយរៀង មិនអាចសង្គ្រោះបាល់បានឡើយ។ រូបថត goalnepal.com
×![]()
ដោយ: រួបរួម
ការបង្ហាញខ្លួនរបស់ក្លិបស្វាយរៀងជាលើកដំបូងនៅក្នុងព្រឹត្តិការណ៍ប្រកួតជម្រុះ AFC President’s Cup មិនទទួលបានលទ្ធផលគួរជាទីគាប់ចិត្តឡើយ ដោយម្ចាស់ការពារតំណែងជើងឯកក្របខណ្ឌមិត្តហ្វូនខេមបូឌានលីកមួយនេះ ត្រូវបានក្លិប Manang Marshyangdi Club (MMC) របស់ណេប៉ាល់ បំបាក់ក្នុងលទ្ធផល ៦-៣ នាជំនួបក្នុងពូល C នៅលើទីលាន MFF Football ground ទីក្រុង Ulan Bator ប្រទេសម៉ុងហ្គោលី កាលពីរសៀលថ្ងៃព្រហស្បតិ៍ ទី១ ខែឧសភា ឆ្នាំ២០១៤ ។
គ្រាប់បាល់បញ្ចូលទីរបស់ក្លិប MMC គឺធ្វើបានសម្រេចដោយខ្សែប្រយុទ្ធ Dipak Rai ចំនួនពីរគ្រាប់ (នាទី៦ និងនាទី៦៣ ) ខ្សែការពារ Azeez Saheed មួយគ្រាប់ក្នុងនាទី២៤ ខ្សែប្រយុទ្ធបម្រុង Nirajan Malla (នាទី៨៣ ) ហើយមួយគ្រាប់ទៀតនោះ គឺជាការភ្លាត់ស្នៀតធ្វើឲ្យចូលទីខ្លួនឯងរបស់ខ្សែការពារ មូល ដារ៉ាវ័ន្ត នៃក្លិបស្វាយរៀងនៅក្នុងនាទី ទី៨ ។
ក្លិបស្វាយរៀងក្រោមការដឹកនាំរបស់លោក សំ វ៉ាន់ដេត មានការខិតខំប្រឹងប្រែងយ៉ាងខ្លាំងដើម្បីធ្វើការវាយបក ប៉ុន្តែពួកគេធ្វើបានសម្រេចតែបីគ្រាប់ប៉ុណ្ណោះ ដែលក្នុងនោះ មួយគ្រាប់រកបានដោយខ្សែបម្រើ សួន វាសនា នៅក្នុងនាទី ទី៣៦ និងពីរគ្រាប់ទៀតគឺជាសមិទ្ធផលរបស់ខ្សែប្រយុទ្ធវ័យក្មេង ណុប តុលា ក្នុងនាទី ទី៥៦ និង៨៥ ។
សម្រាប់ការប្រកួតក្នុងពូល C នៅក្នុងប្រទេសម៉ុងហ្គោលីនេះ ក្រុមដែលចូលរួមមានតែបីប៉ុណ្ណោះ។ ម្ចាស់ផ្ទះ Erchim ត្រូវប៉ះស្វាយរៀងនៅថ្ងៃទី៣ ខែឧសភា ពោលគឺពីរថ្ងៃមុនជំនួបជាមួយ MMC របស់ណេប៉ាល់ដោយពីរក្រុមកំពូលនឹងឈានទៅកាន់វគ្គបន្ត៕
រូបថតទាំងអស់៖ www.goalnepal.com
គ្រាប់បាល់បញ្ចូលទីរបស់ក្លិប MMC គឺធ្វើបានសម្រេចដោយខ្សែប្រយុទ្ធ Dipak Rai ចំនួនពីរគ្រាប់ (នាទី៦ និងនាទី៦៣ ) ខ្សែការពារ Azeez Saheed មួយគ្រាប់ក្នុងនាទី២៤ ខ្សែប្រយុទ្ធបម្រុង Nirajan Malla (នាទី៨៣ ) ហើយមួយគ្រាប់ទៀតនោះ គឺជាការភ្លាត់ស្នៀតធ្វើឲ្យចូលទីខ្លួនឯងរបស់ខ្សែការពារ មូល ដារ៉ាវ័ន្ត នៃក្លិបស្វាយរៀងនៅក្នុងនាទី ទី៨ ។
ក្លិបស្វាយរៀងក្រោមការដឹកនាំរបស់លោក សំ វ៉ាន់ដេត មានការខិតខំប្រឹងប្រែងយ៉ាងខ្លាំងដើម្បីធ្វើការវាយបក ប៉ុន្តែពួកគេធ្វើបានសម្រេចតែបីគ្រាប់ប៉ុណ្ណោះ ដែលក្នុងនោះ មួយគ្រាប់រកបានដោយខ្សែបម្រើ សួន វាសនា នៅក្នុងនាទី ទី៣៦ និងពីរគ្រាប់ទៀតគឺជាសមិទ្ធផលរបស់ខ្សែប្រយុទ្ធវ័យក្មេង ណុប តុលា ក្នុងនាទី ទី៥៦ និង៨៥ ។
សម្រាប់ការប្រកួតក្នុងពូល C នៅក្នុងប្រទេសម៉ុងហ្គោលីនេះ ក្រុមដែលចូលរួមមានតែបីប៉ុណ្ណោះ។ ម្ចាស់ផ្ទះ Erchim ត្រូវប៉ះស្វាយរៀងនៅថ្ងៃទី៣ ខែឧសភា ពោលគឺពីរថ្ងៃមុនជំនួបជាមួយ MMC របស់ណេប៉ាល់ដោយពីរក្រុមកំពូលនឹងឈានទៅកាន់វគ្គបន្ត៕
រូបថតទាំងអស់៖ www.goalnepal.com
© រក្សាសិទ្ធិដោយ thmeythmey.com
