កីឡាជាតិ
ជាតិ
ទ្រីយ៉ាត្លុងកំពុងត្រៀមខ្លួនយ៉ាងខ្លាំងក្លាសម្រាប់ព្រឹត្តិការណ៍កីឡាស៊ីហ្គេមនៅសិង្ហបុរី
លោក គង់ រិទ្ធីជព្វ ទទួលបណ្ណសរសើរពីលោក ខៀវ កាញារីទ្ធ រដ្ឋមន្ត្រីក្រសួងព័ត៌មាន
×![]()
ទ្រីយ៉ាត្លុងស្ថិតក្នុងចំណោមកីឡា៣៦ប្រភេទដែលម្ចាស់ផ្ទះសិង្ហបុរីដាក់បញ្ចូលសម្រាប់ព្រឹត្តិការណ៍ប្រកួតកីឡាស៊ីហ្គេមលើកទី២៨ នាឆ្នាំ២០១៥ ខាងមុខនេះ។ បច្ចុប្បន្ន សហព័ន្ធទ្រីយ៉ាត្លុងកម្ពុជាកំពុងមានការមមាញឹកយ៉ាងខ្លាំងលើការរៀបចំព្រឹត្តិការណ៍ប្រកួតនានា និងការកំណត់ផែនការហ្វឹកហាត់ច្បាស់លាស់ ខណៈកម្ពុជាត្រូវបញ្ចូនកីឡាប្រភេទនេះឲ្យទៅប្រកួតដណ្តើមយកមេដាយជាលើកដំបូងនៅក្នុងក្របខណ្ឌប្រកួតថ្នាក់តំបន់។
សូមស្តាប់សេចក្តីរាយការណ៍របស់លោក អ៊ឹង ចំរើន
សហព័ន្ធកីឡាទ្រីយ៉ាត្លុងកម្ពុជាត្រូវបានបង្កើតឡើងនៅឆ្នាំ២០០៩ ហើយពីរឆ្នាំក្រោយមកមានការទទួលស្គាល់ជាផ្លូវការពីសហភាពកីឡាទ្រីយ៉ាត្លុងអន្តរជាតិ (ITU) និងសហព័ន្ធកីឡាទ្រីយ៉ាត្លុងអាស៊ី (ASTC)។ ប៉ុន្តែរហូតមកដល់បច្ចុប្បន្ន កីឡាបែបទំនើប និងដ៏ក្មេងខ្ចីរបស់កម្ពុជាមួយនេះ មិនទាន់មានសកម្មភាពប្រកួតនៅលើឆាកអន្តរជាតិឡើយ។
សកម្មភាពប្រកួតដែលសហព័ន្ធកីឡាទ្រីយ៉ាត្លុងកម្ពុជាបានរៀបចំកន្លងមករួមមាន ការប្រកួតកីឡាទ្រីយ៉ាត្លុង ឌូអាត្លុង និងអាគ័រត្លុង។ កីឡាទ្រីយ៉ាត្លុងមានសកម្មភាពប្រកួតលើវិញ្ញាសារកីឡាបីប្រភេទរួមគ្នា គឺហែលទឹក ជិះកង់ និងរត់ប្រណាំង ចំណែកកីឡាឌូអាត្លុងមានការរត់ប្រណាំង ជិះកង់ និងរត់ប្រណាំងម្តងទៀត ខណៈកីឡាអាគ័រត្លុងមានសកម្មភាពហែលទឹក និងរត់ប្រណាំង។
ការដាក់បញ្ចូលប្រភេទកីឡាទ្រីយ៉ាត្លុងទៅក្នុងព្រឹត្តិការណ៍កីឡាស៊ីហ្គេមនៅប្រទេសសិង្ហបុរីនាឆ្នាំក្រោយនេះ បានបើកផ្លូវឲ្យកម្ពុជាមានឱកាសបង្ហាញសមត្ថភាពរបស់ខ្លួនជាលើកដំបូង បើទោះបីជាឱកាសដណ្តើមយកមេដាយហាក់ដូចជានៅឆ្ងាយក៏ដោយ។
បើតាមលោក គង់ រិទ្ធីជព្វ ប្រធានសហព័ន្ធកីឡាទ្រីយ៉ាត្លុងកម្ពុជាដែលហៅកាត់ថា CTF កីឡាទ្រីយ៉ាត្លុងកំពុងមានសក្តានុពលយ៉ាងខ្លាំងនៅក្នុងបណ្តាប្រទេសជាច្រើន ហើយកីឡាប្រភេទ Out Door មួយនេះ ក៏បានចូលរួមបំផុសវិស័យទេសចរណ៍ផងដែរ។
ទោះបីជាយ៉ាងណាក៏ដោយ លោក គង់ រិទ្ធីជព្វ បានទទួលស្គាល់ថា កម្ពុជាមានភាពក្មេងខ្ចីនៅឡើយ ដូច្នេះការរំពឹងដណ្តើមមេដាយពីព្រឹត្តិការណ៍កីឡាស៊ីហ្គេមនាពេលខាងមុខនោះ គឺជារឿងមួយដ៏លំបាកបំផុត។ ប្រធានសហព័ន្ធរូបនេះ បានបញ្ជាក់ប្រាប់គេហទំព័រថ្មីៗថា ការចូលរួមលើកដំបូងក្នុងព្រឹត្តិការណ៍កីឡាស៊ីហ្គេមរបស់អត្តពលិកទ្រីយ៉ាត្លុងកម្ពុជានឹងសំដៅស្វែងរកបទពិសោធន៍ជាសំខាន់ ប៉ុន្តែក៏ត្រូវទទួលបានលទ្ធផលល្អផងដែរ ហើយអាចឈានទៅដល់ការដណ្តើមបានយ៉ាងហោចណាស់មេដាយសំរិទ្ធក៏ថាបាន។
នៅក្នុងតំបន់អាស៊ាន ថៃ និងសិង្ហបុរី គឺជាប្រទេសដែលឈានមុខគេលើកីឡាប្រភេទនេះ ខណៈវៀតណាម ឡាវ មីយ៉ាន់ម៉ា និងប្រ៊ុយណេ មិនបានបញ្ជូនអត្តពលិករបស់ខ្លួនឲ្យចូលរួមប្រកួតនោះឡើយ។ លោក គង់ រិទ្ធីជព្វ បានអះអាងផងដែរថា សហព័ន្ធកីឡាទ្រីយ៉ាត្លុងកម្ពុជារើសបានកីឡាករជម្រើសជាតិចំនួនបួននាក់ហើយ ដោយបច្ចុប្បន្ន សហព័ន្ធនៅតែបន្តយុទ្ធនាការស្វែងរកអត្តពលិកបន្ថែមទៀត តាមរយៈការប្រកួតព្រឹត្តិការណ៍នានា និងការទាក់ទងកីឡាករខ្មែរដែលមានមូលដ្ឋាននៅក្រៅប្រទេស។
នៅឆ្នាំ២០១៤នេះ សហព័ន្ធកីឡាទ្រីយ៉ាត្លុងកម្ពុជាបានរៀបចំកម្មវិធីប្រកួតរហូតដល់ទៅបួនព្រឹត្តិការណ៍ផ្សេងៗគ្នា ដូចជាព្រឹត្តិការណ៍ប្រកួតកីឡាអាគ័រត្លុងលើកទីបីនៅមជ្ឈមណ្ឌលកីឡា CCC កាលពីដើមខែមេសា និងព្រឹត្តិការណ៍បីជាបន្តបន្ទាប់ទៀត គឺការប្រកួតកីឡាភ្នំពេញអន្តរជាតិឌូអាត្លុង ពានរង្វាន់សម្តេច ហ៊ុន សែន នៅថ្ងៃទី១ ខែមិថុនា ការប្រកួតជើងឯកថ្នាក់ជាតិក្រោមការរៀបចំរបស់ក្រសួងអប់រំ យុវជន និងកីឡា នាខែតុលា និងការប្រកួតកីឡាទ្រីយ៉ាត្លុងក្នុងកម្មវិធីបុណ្យសមុទ្រនៅខេត្តកោះកុងនាខែធ្នូ ចុងឆ្នាំ។
ចំពោះព្រឹត្តិការណ៍ឌូអាត្លុងដណ្តើមពានរង្វាន់សម្តេច ហ៊ុន សែន នាថ្ងៃទី១ ខែមិថុនា នៅមជ្ឈមណ្ឌលកោះពេជ្យនោះ ត្រូវបានលោក ងិន សុបញ្ញា អគ្គលេខាធិការសហព័ន្ធ អះអាងថា នឹងមានការចូលរួមពីអត្តពលិកប្រមាណ៦០០នាក់ ដោយ៣០០នាក់ជាអត្តពលិកដែលត្រូវប្រកួតប្រជែង និង៣០០នាក់ទៀតជាអត្តពលិកកិត្តិយស។
លោក ងិន សុបញ្ញា បានលើកឡើងថា សម្រាប់ប្រភេទកីឡាទ្រីយ៉ាត្លុងនេះ សិង្ហបុរីដែលជាម្ចាស់ផ្ទះកីឡាស៊ីហ្គេមនាពេលខាងមុខ មិនទាន់ចេញសេចក្តីសម្រេចទាក់ទងនឹងវិញ្ញាសាដែលត្រូវប្រកួតនោះឡើយ ហេតុដូច្នេះ កម្ពុជាត្រូវតែមានការរៀបចំជើងព្រួលគ្រប់បែបយ៉ាង ទាំងវិញ្ញាសាទ្រីយ៉ាត្លុង ឌូអាត្លុង និងអាគ័រត្លុង។ ក្រៅពីពង្រឹងការហ្វឹកហាត់នៅក្នុងប្រទស និងការស្វែងរកកីឡាករពីក្រៅប្រទេស សហព័ន្ធកីឡាទ្រីយ៉ាត្លុងក៏មានគម្រោងបញ្ជូនអត្តពលិកទៅធ្វើការហ្វឹកហាត់នៅប្រទេសថៃ សិង្ហបុរី និងចិនផងដែរនៅមុនព្រឹត្តិការណ៍កីឡាស៊ីហ្គេម។
កីឡាទ្រីយ៉ាត្លុងមានការប្រកួតជាផ្លូវការចាប់តាំងពីអំឡុងឆ្នាំ១៩២០មក ហើយវាត្រូវបានបញ្ចូលទៅក្នុងកម្មវិធីប្រកួតកីឡាអូឡាំពិកចាប់តាំងពីឆ្នាំ២០០០ ។ កីឡាប្រភេទនេះ ប្រមូលផ្តុំដោយកីឡាបែបអត្តពលកម្មជាច្រើនដែលមានជាង១០ប្រភេទ ខណៈទ្រីយ៉ាត្លុងកម្ពុជាដែលត្រូវបានបង្កើតឡើងអស់រយៈពេលប្រមាណ៥ឆ្នាំកន្លងមកនេះ មានតែប្រភេទវិញ្ញាសាទ្រីយ៉ាត្លុង ឌូអាត្លុង និងអាគ័រត្លុងតែប៉ុណ្ណោះ៕
សូមស្តាប់សេចក្តីរាយការណ៍របស់លោក អ៊ឹង ចំរើន
សហព័ន្ធកីឡាទ្រីយ៉ាត្លុងកម្ពុជាត្រូវបានបង្កើតឡើងនៅឆ្នាំ២០០៩ ហើយពីរឆ្នាំក្រោយមកមានការទទួលស្គាល់ជាផ្លូវការពីសហភាពកីឡាទ្រីយ៉ាត្លុងអន្តរជាតិ (ITU) និងសហព័ន្ធកីឡាទ្រីយ៉ាត្លុងអាស៊ី (ASTC)។ ប៉ុន្តែរហូតមកដល់បច្ចុប្បន្ន កីឡាបែបទំនើប និងដ៏ក្មេងខ្ចីរបស់កម្ពុជាមួយនេះ មិនទាន់មានសកម្មភាពប្រកួតនៅលើឆាកអន្តរជាតិឡើយ។
សកម្មភាពប្រកួតដែលសហព័ន្ធកីឡាទ្រីយ៉ាត្លុងកម្ពុជាបានរៀបចំកន្លងមករួមមាន ការប្រកួតកីឡាទ្រីយ៉ាត្លុង ឌូអាត្លុង និងអាគ័រត្លុង។ កីឡាទ្រីយ៉ាត្លុងមានសកម្មភាពប្រកួតលើវិញ្ញាសារកីឡាបីប្រភេទរួមគ្នា គឺហែលទឹក ជិះកង់ និងរត់ប្រណាំង ចំណែកកីឡាឌូអាត្លុងមានការរត់ប្រណាំង ជិះកង់ និងរត់ប្រណាំងម្តងទៀត ខណៈកីឡាអាគ័រត្លុងមានសកម្មភាពហែលទឹក និងរត់ប្រណាំង។
ការដាក់បញ្ចូលប្រភេទកីឡាទ្រីយ៉ាត្លុងទៅក្នុងព្រឹត្តិការណ៍កីឡាស៊ីហ្គេមនៅប្រទេសសិង្ហបុរីនាឆ្នាំក្រោយនេះ បានបើកផ្លូវឲ្យកម្ពុជាមានឱកាសបង្ហាញសមត្ថភាពរបស់ខ្លួនជាលើកដំបូង បើទោះបីជាឱកាសដណ្តើមយកមេដាយហាក់ដូចជានៅឆ្ងាយក៏ដោយ។
បើតាមលោក គង់ រិទ្ធីជព្វ ប្រធានសហព័ន្ធកីឡាទ្រីយ៉ាត្លុងកម្ពុជាដែលហៅកាត់ថា CTF កីឡាទ្រីយ៉ាត្លុងកំពុងមានសក្តានុពលយ៉ាងខ្លាំងនៅក្នុងបណ្តាប្រទេសជាច្រើន ហើយកីឡាប្រភេទ Out Door មួយនេះ ក៏បានចូលរួមបំផុសវិស័យទេសចរណ៍ផងដែរ។
ទោះបីជាយ៉ាងណាក៏ដោយ លោក គង់ រិទ្ធីជព្វ បានទទួលស្គាល់ថា កម្ពុជាមានភាពក្មេងខ្ចីនៅឡើយ ដូច្នេះការរំពឹងដណ្តើមមេដាយពីព្រឹត្តិការណ៍កីឡាស៊ីហ្គេមនាពេលខាងមុខនោះ គឺជារឿងមួយដ៏លំបាកបំផុត។ ប្រធានសហព័ន្ធរូបនេះ បានបញ្ជាក់ប្រាប់គេហទំព័រថ្មីៗថា ការចូលរួមលើកដំបូងក្នុងព្រឹត្តិការណ៍កីឡាស៊ីហ្គេមរបស់អត្តពលិកទ្រីយ៉ាត្លុងកម្ពុជានឹងសំដៅស្វែងរកបទពិសោធន៍ជាសំខាន់ ប៉ុន្តែក៏ត្រូវទទួលបានលទ្ធផលល្អផងដែរ ហើយអាចឈានទៅដល់ការដណ្តើមបានយ៉ាងហោចណាស់មេដាយសំរិទ្ធក៏ថាបាន។នៅក្នុងតំបន់អាស៊ាន ថៃ និងសិង្ហបុរី គឺជាប្រទេសដែលឈានមុខគេលើកីឡាប្រភេទនេះ ខណៈវៀតណាម ឡាវ មីយ៉ាន់ម៉ា និងប្រ៊ុយណេ មិនបានបញ្ជូនអត្តពលិករបស់ខ្លួនឲ្យចូលរួមប្រកួតនោះឡើយ។ លោក គង់ រិទ្ធីជព្វ បានអះអាងផងដែរថា សហព័ន្ធកីឡាទ្រីយ៉ាត្លុងកម្ពុជារើសបានកីឡាករជម្រើសជាតិចំនួនបួននាក់ហើយ ដោយបច្ចុប្បន្ន សហព័ន្ធនៅតែបន្តយុទ្ធនាការស្វែងរកអត្តពលិកបន្ថែមទៀត តាមរយៈការប្រកួតព្រឹត្តិការណ៍នានា និងការទាក់ទងកីឡាករខ្មែរដែលមានមូលដ្ឋាននៅក្រៅប្រទេស។
នៅឆ្នាំ២០១៤នេះ សហព័ន្ធកីឡាទ្រីយ៉ាត្លុងកម្ពុជាបានរៀបចំកម្មវិធីប្រកួតរហូតដល់ទៅបួនព្រឹត្តិការណ៍ផ្សេងៗគ្នា ដូចជាព្រឹត្តិការណ៍ប្រកួតកីឡាអាគ័រត្លុងលើកទីបីនៅមជ្ឈមណ្ឌលកីឡា CCC កាលពីដើមខែមេសា និងព្រឹត្តិការណ៍បីជាបន្តបន្ទាប់ទៀត គឺការប្រកួតកីឡាភ្នំពេញអន្តរជាតិឌូអាត្លុង ពានរង្វាន់សម្តេច ហ៊ុន សែន នៅថ្ងៃទី១ ខែមិថុនា ការប្រកួតជើងឯកថ្នាក់ជាតិក្រោមការរៀបចំរបស់ក្រសួងអប់រំ យុវជន និងកីឡា នាខែតុលា និងការប្រកួតកីឡាទ្រីយ៉ាត្លុងក្នុងកម្មវិធីបុណ្យសមុទ្រនៅខេត្តកោះកុងនាខែធ្នូ ចុងឆ្នាំ។
ចំពោះព្រឹត្តិការណ៍ឌូអាត្លុងដណ្តើមពានរង្វាន់សម្តេច ហ៊ុន សែន នាថ្ងៃទី១ ខែមិថុនា នៅមជ្ឈមណ្ឌលកោះពេជ្យនោះ ត្រូវបានលោក ងិន សុបញ្ញា អគ្គលេខាធិការសហព័ន្ធ អះអាងថា នឹងមានការចូលរួមពីអត្តពលិកប្រមាណ៦០០នាក់ ដោយ៣០០នាក់ជាអត្តពលិកដែលត្រូវប្រកួតប្រជែង និង៣០០នាក់ទៀតជាអត្តពលិកកិត្តិយស។
លោក ងិន សុបញ្ញា បានលើកឡើងថា សម្រាប់ប្រភេទកីឡាទ្រីយ៉ាត្លុងនេះ សិង្ហបុរីដែលជាម្ចាស់ផ្ទះកីឡាស៊ីហ្គេមនាពេលខាងមុខ មិនទាន់ចេញសេចក្តីសម្រេចទាក់ទងនឹងវិញ្ញាសាដែលត្រូវប្រកួតនោះឡើយ ហេតុដូច្នេះ កម្ពុជាត្រូវតែមានការរៀបចំជើងព្រួលគ្រប់បែបយ៉ាង ទាំងវិញ្ញាសាទ្រីយ៉ាត្លុង ឌូអាត្លុង និងអាគ័រត្លុង។ ក្រៅពីពង្រឹងការហ្វឹកហាត់នៅក្នុងប្រទស និងការស្វែងរកកីឡាករពីក្រៅប្រទេស សហព័ន្ធកីឡាទ្រីយ៉ាត្លុងក៏មានគម្រោងបញ្ជូនអត្តពលិកទៅធ្វើការហ្វឹកហាត់នៅប្រទេសថៃ សិង្ហបុរី និងចិនផងដែរនៅមុនព្រឹត្តិការណ៍កីឡាស៊ីហ្គេម។
កីឡាទ្រីយ៉ាត្លុងមានការប្រកួតជាផ្លូវការចាប់តាំងពីអំឡុងឆ្នាំ១៩២០មក ហើយវាត្រូវបានបញ្ចូលទៅក្នុងកម្មវិធីប្រកួតកីឡាអូឡាំពិកចាប់តាំងពីឆ្នាំ២០០០ ។ កីឡាប្រភេទនេះ ប្រមូលផ្តុំដោយកីឡាបែបអត្តពលកម្មជាច្រើនដែលមានជាង១០ប្រភេទ ខណៈទ្រីយ៉ាត្លុងកម្ពុជាដែលត្រូវបានបង្កើតឡើងអស់រយៈពេលប្រមាណ៥ឆ្នាំកន្លងមកនេះ មានតែប្រភេទវិញ្ញាសាទ្រីយ៉ាត្លុង ឌូអាត្លុង និងអាគ័រត្លុងតែប៉ុណ្ណោះ៕
© រក្សាសិទ្ធិដោយ thmeythmey.com
