កីឡាជាតិ
U-16 ភ្នំពេញក្រោនចាញ់ក្រុមម្ចាស់ផ្ទះ Frenz United Malaysia ទាំងមិនអស់ចិត្ត
×![]()
ដោយ: រួបរួម
កាលពីល្ងាចថ្ងៃសៅរ៍ ទី២៤ ខែឧសភា ក្រុមយុវជនថ្នាលភ្នំពេញក្រោន បានរងនូវការខកចិត្តក្នុងព្រឹត្តិការណ៍ Asia Champions Trophy U-16 ឆ្នាំ២០១៤ ដោយពួកគេត្រូវបានម្ចាស់ផ្ទះ Frenz United Malaysia យកឈ្នះក្នុងលទ្ធផល ៣-២ នៅនាទីបន្ថែម នាជំនួបនៅលើទីលាន Frenz Stadium ក្រុង Pahang ប្រទេសម៉ាឡេស៊ី។
ដំបូងឡើងការប្រកួតត្រូវបានគ្រោងរៀបចំឡើងនាវេលាម៉ោង៤ និង៣០នាទី (ម៉ោងនៅកម្ពុជា) ប៉ុន្តែដោយសារបញ្ហាអាកាសធាតុ ជាពិសេសភ្លៀងធ្លាក់យ៉ាងជោគជាំនៅលើទីលាននោះ ការប្រកួតដែលស្ថិតនៅក្រោមការកាត់ក្តីរបស់អាជ្ញាកណ្តាលប្រ៊ុយណេ លោក Endy Vyzunny bin Haji Zainudin ត្រូវបានពន្យារហូតដល់ល្ងាចម៉ោង៧ និង៤៥នាទី។
កីឡាករ Akhmal បានរកគ្រាប់បាល់បញ្ចូលទីនាំមុខសម្រាប់ក្រុមម្ចាស់ផ្ទះ Frenz United Malaysia នៅត្រឹមនាទី ទី៨ ប៉ុន្តែនៅក្នុងនាទី ទី២០ ឈួត សេងទៀង បានវាយបកតាមស្មើវិញសម្រាប់ភ្នំពេញក្រោន។ ៥នាទីមុននឹងបញ្ចប់តង់ទីមួយ ក្រុមម្ចាស់ផ្ទះបានបាត់បង់សមាជិកម្នាក់ ហើយឱកាសនេះ បានធ្វើឲ្យមានឱកាសនាំមុខក្នុងលទ្ធផល ២-១ នៅមុនសម្រាកតង់ ដែលជាការសម្រេចផលរបស់កីឡាករ ស្រៀង ទិតឈី។
ក្រុមម្ចាស់ផ្ទះបានបើកការវាយលុយយ៉ាងខ្លាំងនៅក្នុងតង់ទីមួយ ហើយកីឡាកររបស់ភ្នំពេញក្រោនជាច្រើនបានរងរបួសយ៉ាងដំណំដោយសារតែការវាយលុកទាំងនេះ។ នៅក្នុងនាទី ទី៧៥ កីឡាករ Hafizi តាមបានលទ្ធផលស្មើ ២-២ ខណៈដែលភ្នំពេញក្រោនមានការផ្លាស់ប្តូរកីឡាករជាច្រើនដោយសារតែបញ្ហារបួស។ នៅក្នុងនាទីបន្ថែមទី៦លើម៉ោងធម្មតា កីឡាករបម្រុង Fareez បានតែតបាល់បញ្ចូលទីដើម្បីនាំឲ្យក្រុមម្ចាស់ផ្ទះទទួលបានបីពិន្ទុពីការប្រកួតដ៏ស្វិតស្វាញនេះ។
បរាជ័យដ៏គួរឲ្យខកចិត្តនេះ បាននាំឲ្យក្រុម U-16 ភ្នំពេញក្រោន ក្រោមការដឹកនាំបង្វឹករបស់លោក ប៊ួយ ដារី រក្សា៣ពិន្ទុក្នុងដៃ បន្ទាប់ពីពួកគេបានឈ្នះម្ចាស់ផ្ទះ Guangdong FA របស់ចិន កាលពីសប្តាហ៍កន្លងមក។ ដោយឡែក ក្រុម Chonburi របស់ថៃ ឡើងឈរលើកំពូលតារាងប្រចាំពូល B នេះ បន្ទាប់ពីពួកគេបានយកឈ្នះ LAO Toyota FC របស់ឡាវនៅមុនជំនួបរវាងភ្នំពេញក្រោន និង Frenz United Malaysia។
ក្រុម U-16 ភ្នំពេញក្រោននឹងធ្វើជាម្ចាស់ផ្ទះទទួលក្រុមឡាវ Lao Toyota FC នៅពហុកីឡដ្ឋានជាតិនាថ្ងៃទី៣១ ខែឧសភា ខាងមុខនេះ៕
ដំបូងឡើងការប្រកួតត្រូវបានគ្រោងរៀបចំឡើងនាវេលាម៉ោង៤ និង៣០នាទី (ម៉ោងនៅកម្ពុជា) ប៉ុន្តែដោយសារបញ្ហាអាកាសធាតុ ជាពិសេសភ្លៀងធ្លាក់យ៉ាងជោគជាំនៅលើទីលាននោះ ការប្រកួតដែលស្ថិតនៅក្រោមការកាត់ក្តីរបស់អាជ្ញាកណ្តាលប្រ៊ុយណេ លោក Endy Vyzunny bin Haji Zainudin ត្រូវបានពន្យារហូតដល់ល្ងាចម៉ោង៧ និង៤៥នាទី។
កីឡាករ Akhmal បានរកគ្រាប់បាល់បញ្ចូលទីនាំមុខសម្រាប់ក្រុមម្ចាស់ផ្ទះ Frenz United Malaysia នៅត្រឹមនាទី ទី៨ ប៉ុន្តែនៅក្នុងនាទី ទី២០ ឈួត សេងទៀង បានវាយបកតាមស្មើវិញសម្រាប់ភ្នំពេញក្រោន។ ៥នាទីមុននឹងបញ្ចប់តង់ទីមួយ ក្រុមម្ចាស់ផ្ទះបានបាត់បង់សមាជិកម្នាក់ ហើយឱកាសនេះ បានធ្វើឲ្យមានឱកាសនាំមុខក្នុងលទ្ធផល ២-១ នៅមុនសម្រាកតង់ ដែលជាការសម្រេចផលរបស់កីឡាករ ស្រៀង ទិតឈី។
ក្រុមម្ចាស់ផ្ទះបានបើកការវាយលុយយ៉ាងខ្លាំងនៅក្នុងតង់ទីមួយ ហើយកីឡាកររបស់ភ្នំពេញក្រោនជាច្រើនបានរងរបួសយ៉ាងដំណំដោយសារតែការវាយលុកទាំងនេះ។ នៅក្នុងនាទី ទី៧៥ កីឡាករ Hafizi តាមបានលទ្ធផលស្មើ ២-២ ខណៈដែលភ្នំពេញក្រោនមានការផ្លាស់ប្តូរកីឡាករជាច្រើនដោយសារតែបញ្ហារបួស។ នៅក្នុងនាទីបន្ថែមទី៦លើម៉ោងធម្មតា កីឡាករបម្រុង Fareez បានតែតបាល់បញ្ចូលទីដើម្បីនាំឲ្យក្រុមម្ចាស់ផ្ទះទទួលបានបីពិន្ទុពីការប្រកួតដ៏ស្វិតស្វាញនេះ។
បរាជ័យដ៏គួរឲ្យខកចិត្តនេះ បាននាំឲ្យក្រុម U-16 ភ្នំពេញក្រោន ក្រោមការដឹកនាំបង្វឹករបស់លោក ប៊ួយ ដារី រក្សា៣ពិន្ទុក្នុងដៃ បន្ទាប់ពីពួកគេបានឈ្នះម្ចាស់ផ្ទះ Guangdong FA របស់ចិន កាលពីសប្តាហ៍កន្លងមក។ ដោយឡែក ក្រុម Chonburi របស់ថៃ ឡើងឈរលើកំពូលតារាងប្រចាំពូល B នេះ បន្ទាប់ពីពួកគេបានយកឈ្នះ LAO Toyota FC របស់ឡាវនៅមុនជំនួបរវាងភ្នំពេញក្រោន និង Frenz United Malaysia។
ក្រុម U-16 ភ្នំពេញក្រោននឹងធ្វើជាម្ចាស់ផ្ទះទទួលក្រុមឡាវ Lao Toyota FC នៅពហុកីឡដ្ឋានជាតិនាថ្ងៃទី៣១ ខែឧសភា ខាងមុខនេះ៕
© រក្សាសិទ្ធិដោយ thmeythmey.com
