កីឡាជាតិ
ជាតិ
ភ្នំពេញក្រោនស្វែងរកការនាំមុខគេ៥ពិន្ទុ បន្ទាប់ពីបឹងកេតបញ្ចប់ត្រឹមលទ្ធផលស្មើ ខ្សែបម្រើ ប៊ិន ចន្ថាធារី (ទីពីររាប់ពីស្តាំ) របស់ភ្នំពេញក្រោនឈានដល់អាយុ២៣ឆ្នាំនៅថ្ងៃនេះ
× នៅល្ងាចថ្ងៃអាទិត្យនេះ ភ្នំពេញក្រោនសម្លឹងរកការនាំមុខគេ៥ពិន្ទុលើតារាងនៃក្របខណ្ឌមិត្តហ្វូនខេមបូឌានលីក ខណៈពួកគេត្រូវប៉ះជាមួយគិរីវង់សុខសែនជ័យដែលនៅកៀកនឹងតំបន់គ្រោះថ្នាក់។ ដោយឡែក ក្រសួងការពារជាតិ និងវេស្ទើនយូនីអែហ្វស៊ី សុទ្ធចង់លុបលាងការខកចិត្តរៀងៗកាលពីសប្តាហ៍កន្លងមក។
ឱកាសនាំមុខ៥ពិន្ទុរបស់ភ្នំពេញក្រោន កើតឡើងដោយសារតែចម្ការកៅស៊ូបឹងកេតដែលជាក្រុមចំណាត់ថ្នាក់លេខ២ បានបញ្ចប់ការប្រកួតដោយគ្មានការស៊ុតបាល់បញ្ចូលទីនាជំនួបជាមួយអគ្គស្នងការដ្ឋាននគរបាលជាតិកាលពីថ្ងៃសៅរ៍។ ដោយឡែក ក្រុមដែលដឹកនាំដោយគ្រូបង្វឹកជនជាតិជប៉ុនទាំងពីរ គឺត្រាយអាស៊ីភ្នំពេញ និង Albirex Niigata Phnom Penh បានបញ្ចប់ក្នុងលទ្ធផលស្មើ ១-១ ផងដែរ។
កម្មវិធីប្រកួតនៅថ្ងៃអាទិត្យនេះនៅពហុកីឡដ្ឋានជាតិ៖
ម៉ោង ៣ និង៣០នាទី៖ ក្រសួងការពារជាតិ ជួប វេស្ទើនយូនីអែហ្វស៊ី
ម៉ោង៦ល្ងាច៖ គិរីវង់សុខសែនជ័យ ជួប ភ្នំពេញក្រោន
© រក្សាសិទ្ធិដោយ thmeythmey.com