កីឡាជាតិ
ជាតិ
ភ្នំពេញក្រោន រក្សាតំណែងកំពូលតារាងក្រោយឈ្នះបៀលប្រាយ ៣ ទល់ ១ ខ្សែប្រយុទ្ធនីហ្សេរីយ៉ា Bisan George រកបានបីគ្រាប់ឲ្យភ្នំពេញក្រោន
× ក្រុមបាល់ទាត់ជើងឯក៤ សម័យកាលក្នុងពានរង្វាន់លីកកម្ពុជា ភ្នំពេញក្រោន នៅតែរក្សាតំណែងកំពូលតារាងបណ្តោះអាសន្នបន្តទៀត ក្រោយយកឈ្នះក្រុមបៀលប្រាយ ដោយលទ្ធផល ៣ ទល់ ១ ម្សិលមិញ នៅទីលានបាល់ទាត់ពហុកីឡដ្ឋានជាតិ។
៣ គ្រាប់របស់ ភ្នំពេញក្រោន រកបានដោយខ្សែប្រយុទ្ធមកពីទ្វីបអាហ្រ្វិកទាំង ៣ គឺ Bisan Goerge ខណៈ គួច សុកុម្ភៈ និង Adriano Pellegrino ជាអ្នកបោះបាល់ឱ្យ។ ចំណែក ១ គ្រាប់របស់បៀលប្រាយ រកបានកីឡាករ រ៉ឹង ប៊ុនហៀង ដោយទាត់បាល់ពិន័យ ១១ ម៉ែត្រ។
លោក Sam Schweingruber គ្រូបង្វឹកក្រុមភ្នំពេញក្រោន បានដាក់ខ្សែបម្រើខ្មែរ-បារាំង ដែលមានប្រជាប្រិយភាព ធារី ចន្ថាប៊ីន ឱ្យចូលលេងនៅក្នុងតង់ទី២ ក្រោយរបួសជើងក្នុងរយៈពេលយូ ស្របពេលអ្នកចាំទី ស៊ូ យ៉ាទី បង្ហាញថាខ្លួនឈឺដៃឆ្វេង ក្រោយហក់សង្រ្គោះបាល់ រ៉ឹង ហ៊ុនហៀង នៅ ១០ នាទីចុងក្រោយនៃការប្រកួត។
លទ្ធផលសរុបប្រចាំសប្ដាហ៍នេះមាន៖
• ស្វាយរៀង ២ – ៣ ត្រាយអាស៊ី
• វេស្ទើន ៣ – ០ គីរីវង់សុខសែនជ័យ
• ណាហ្គាខប ០ – ២ បឹងកេត
• ក្រសួងការពារជាតិ ៣ – ៣ អាស៊ីអឺរ៉ុប
• បៀលប្រាយ ១ – ៣ ភ្នំពេញក្រោន
• អគ្គស្នងការដ្ឋាននគរបាលជាតិ ២ – ២ Albirex Niigata PP
តារាងចំណាត់ថ្នាក់បណ្ដោះអាសន្នសប្ដាហ៍ទី ១៥ ៖
១.ភ្នំពេញក្រោន ៣៦ពិន្ទុ(+២៩)
២. ចម្ការកៅស៊ូបឹងកេត ៣៤ពិន្ទុ(+១៩)
៣. ណាហ្គាខប ២៧ពិន្ទុ(+១៦)
៤. អគ្គស្នងការដ្ឋាននគរបាលជាតិ ២២ពិន្ទុ(+៩)
៥. ភ្នំពេញត្រាយអាស៊ី ២១ពិន្ទុ(+៥)
៦. បៀលប្រាយយូណាយធីត ២០ពិន្ទុ(-៧)
៧. ក្រសួងការពារជាតិ ១៨ពិន្ទុ(-៤)
៨. សាកលវិទ្យាល័យអាស៊ីអឺរ៉ុប១៨ពិន្ទុ(-៩)
៩. ស្វាយរៀង ១៦ពិន្ទុ(+៧)
១០.វេស្ទើនយូនីអែហ្វស៊ី ១២ពិន្ទុ(-១២)
១១.គិរីវង់សុខសែនជ័យ ១០ពិន្ទុ(-២០)
១២. Albirex Niigata Phnom Penh ៥ពិន្ទុ(-៣៣)
© រក្សាសិទ្ធិដោយ thmeythmey.com