កីឡាអន្តរជាតិ
អន្តរជាតិ
អាល្លឺម៉ង់ និងបារាំងទៅជួបគ្នានៅវគ្គបន្ត បន្ទាប់ពីយកឈ្នះគូប្រជែងពីទ្វីបអាហ្វ្រិកទាំងលំបាក
×![]()
ដោយ: ថ្មីៗ
ការប្រកួតវគ្គ១៦ក្រុមចុងក្រោយនៃព្រឹត្តិការណ៍ World Cup ឆ្នាំ២០១៤ កាលពីរាត្រីថ្ងៃចន្ទ ឈានចូលថ្ងៃអាទិត្យ ក្រុមនៅតំបន់អឺរ៉ុប អាល្លឺម៉ង់ និងបារាំង បានយកឈ្នះគូប្រជែងដែលមកពីតំបន់អាហ្វ្រិកទាំងលំបាក។ អាល្លឺម៉ង់មិនអាចធ្វើអ្វីបានឡើយលើអាល់ហ្សេរីសម្រាប់ការប្រកួត៩០នាទីពេញ ប៉ុន្តែពួកគេនៅតែអាចដណ្តើមបានជ័យជម្នះ ២-១ នាអំឡុងនៃការបន្ថែម១៥នាទី ពីរដង។ រីឯជំនួបគូទីមួយ បារាំង បានយកឈ្នះនីហ្សេរីយ៉ា ២-០ នារយៈពេល១០នាទីចុងក្រោយ។ ដូច្នេះអាល្លឺម៉ង់ និងបារាំង ត្រូវប៉ះគ្នានៅវគ្គ១/៤ផ្តាច់ព្រ័ត្រ ខណៈអាល់ហ្សេរី និងនីហ្សេរីយ៉ា ត្រូវត្រឡប់ទៅផ្ទះវិញ។
គ្រាប់បាល់ស៊ុតបញ្ចូលទីនៅនាទីបន្ថែមពីសំណាក់កីឡាករបម្រុង Andre Schuerrle និងខ្សែបម្រើ Mesut Ozil បានជួយឲ្យក្រុមបាល់ទាត់ជម្រើសជាតិអាល្លឺម៉ង់ទទួលជ័យជម្នះ ២-០ លើក្រុមជម្រើសជាតិអាល់ហ្សេរីក្នុងការប្រកួតវគ្គ១៦ក្រុមចុងក្រោយកាលពីថ្ងៃចន្ទ និងបានធ្វើឲ្យក្រុមម្ចាស់ជើងឯកបីសម័យកាលមួយនេះឈានទៅប្រកួតជាមួយនឹងក្រុមជម្រើសជាតិបារាំងក្នុងវគ្គ៨ក្រុមចុងក្រោយនៃយុទ្ធនាការ World Cup។
ខ្សែបម្រើ Mesut Ozil របស់អាល្លឺម៉ង់ស៊ុតបាល់បញ្ចូលទីគ្រាប់ទីពីរ លើអាល់ហ្សេរី
ជ័យជម្នះនៅឯកីឡដ្ឋាន Beira-Rio ក្នុងទីក្រុង Porto Alegre នេះ គឺជាការទទួលជ័យជម្នះជាលើកទី១របស់អាល្លឺម៉ង់លើក្រុមជម្រើសជាតិអាល់ហ្សេរីក្នុងចំណោមការជួបគ្នាបីលើក ប៉ុន្តែ ក្រុមអាល្លឺម៉ង់មិនបានបង្ហាញពីទម្រង់លេងដ៏គួរឲ្យចាប់អារម្មណ៍ឡើយក្នុងរយៈពេល១២០នាទី។ ការឆ្កឹះបាល់បញ្ចូលទីនៅនាទី ទី៩២របស់ Schuerrle បន្ទាប់មកការស៊ុតបាល់បំប៉ោងសំណាញនៅនាទី ទី១១៩ របស់ Ozil គ្រប់គ្រាន់ក្នុងការជួយឲ្យក្រុមអាល្លឺម៉ង់របស់លោក Joachim Loew ឈានទៅប្រកួតក្នុងវគ្គ៨ក្រុមចុងក្រោយនៅថ្ងៃសុក្រនេះនៅឯកីឡដ្ឋាន Maracana ក្នុងទីក្រុង Rio de Janeiro ជាមួយនឹងក្រុមបាល់ទាត់ជម្រើសជាតិបារាំង។
ខោរបស់កីឡាករអាល់ហ្សេរី Yacine Brahimi ត្រូវបានកីឡាករអាល្លឺម៉ង់ទាញ
ក្រុមជម្រើសជាតិអាល់ហ្សេរី បានរកគ្រាប់បាល់លួងចិត្តមួយគ្រាប់សម្រាប់ការវាយសម្រុកដ៏ខ្លាំងក្លា នៅមុននេះសំឡេងកញ្ចែចុងក្រោយ ខណៈដែលកីឡាករ Abdelmoumene Djabou បានរកគ្រាប់បាល់ទី២ក្នុងយុទ្ធនាការ World Cup មួយនេះ។ លទ្ធផលនេះបង្ហាញថា ក្រុមជម្រើសជាតិអាល្លឺម៉ង់ មានឱកាសស៊ុតបាល់សំដៅទីច្រើនជាងអាល់ហ្សេរីត្រឹមតែ៣លើកប៉ុណ្ណោះ ហើយការខ្វះសមត្ថភាពក្នុងការរកគ្រាប់បាល់បញ្ចូលទីរបស់ពួកគេ នឹងក្លាយជាកង្វល់មួយសម្រាប់លោក Loew។
ខ្សែបម្រើវ័យក្មេង Paul Pogba រកបានគ្រាប់ទីមួយឲ្យបារាំង
រីឯជំនួបមួយគូទៀត គ្រាប់បាល់តែតបញ្ចូលទីរបស់ខ្សែបម្រើ Paul Pogba និងការធ្វើឲ្យបាល់ចូលទីខ្លួនឯងរបស់កីឡាករ Joseph Yobo បានជួយឲ្យក្រុមបាល់ទាត់ជម្រើសជាតិបារាំងទទួលជ័យជម្នះលើក្រុមនីហ្សេរីយ៉ា ២-០ ក្នុងទីក្រុង Brasilia កាលពីថ្ងៃចន្ទដើម្បីឈានទៅវគ្គ១/៤ផ្តាច់ព្រ័ត្រនៃយុទ្ធនាការ World Cup។
លោក Stephen Keshi គ្រូបង្វឹកនីហ្សេរីយ៉ាបានលាលែងពីតំណែងក្រោយហាលអាវ
Pogba បានបំបែកពងមាន់នៅនាទី ទី៧៩ តាមរយៈការតែតបាល់បញ្ចូលទីយ៉ាងល្អ ក្រោយពីអ្នកចាំទី Vincent Enyeama ដែលលេងឲ្យក្លិប Lille របស់បារាំង មិនអាចចាប់បាល់បានពីការទាត់ចេញពីជ្រុង។ វាបានក្លាយជាពេលវេលាដ៏ស្វិតស្វាញមួយសម្រាប់ Enyeama ប៉ុន្តែ បានសង្គ្រោះបាល់ពីការដាក់សម្ពាធរបស់បារាំងជាច្រើនមុននឹងកីឡាករ Antoine Griezmann បានធ្វើឲ្យ Yobo ទាត់បាល់ចូលទីខ្លួនឯងនៅជិតបញ្ចប់ការប្រកួត៕
ប្រែសម្រួលដោយ ផេង សំណាង
រូបថត fifa.com
គ្រាប់បាល់ស៊ុតបញ្ចូលទីនៅនាទីបន្ថែមពីសំណាក់កីឡាករបម្រុង Andre Schuerrle និងខ្សែបម្រើ Mesut Ozil បានជួយឲ្យក្រុមបាល់ទាត់ជម្រើសជាតិអាល្លឺម៉ង់ទទួលជ័យជម្នះ ២-០ លើក្រុមជម្រើសជាតិអាល់ហ្សេរីក្នុងការប្រកួតវគ្គ១៦ក្រុមចុងក្រោយកាលពីថ្ងៃចន្ទ និងបានធ្វើឲ្យក្រុមម្ចាស់ជើងឯកបីសម័យកាលមួយនេះឈានទៅប្រកួតជាមួយនឹងក្រុមជម្រើសជាតិបារាំងក្នុងវគ្គ៨ក្រុមចុងក្រោយនៃយុទ្ធនាការ World Cup។
ខ្សែបម្រើ Mesut Ozil របស់អាល្លឺម៉ង់ស៊ុតបាល់បញ្ចូលទីគ្រាប់ទីពីរ លើអាល់ហ្សេរី ជ័យជម្នះនៅឯកីឡដ្ឋាន Beira-Rio ក្នុងទីក្រុង Porto Alegre នេះ គឺជាការទទួលជ័យជម្នះជាលើកទី១របស់អាល្លឺម៉ង់លើក្រុមជម្រើសជាតិអាល់ហ្សេរីក្នុងចំណោមការជួបគ្នាបីលើក ប៉ុន្តែ ក្រុមអាល្លឺម៉ង់មិនបានបង្ហាញពីទម្រង់លេងដ៏គួរឲ្យចាប់អារម្មណ៍ឡើយក្នុងរយៈពេល១២០នាទី។ ការឆ្កឹះបាល់បញ្ចូលទីនៅនាទី ទី៩២របស់ Schuerrle បន្ទាប់មកការស៊ុតបាល់បំប៉ោងសំណាញនៅនាទី ទី១១៩ របស់ Ozil គ្រប់គ្រាន់ក្នុងការជួយឲ្យក្រុមអាល្លឺម៉ង់របស់លោក Joachim Loew ឈានទៅប្រកួតក្នុងវគ្គ៨ក្រុមចុងក្រោយនៅថ្ងៃសុក្រនេះនៅឯកីឡដ្ឋាន Maracana ក្នុងទីក្រុង Rio de Janeiro ជាមួយនឹងក្រុមបាល់ទាត់ជម្រើសជាតិបារាំង។
ខោរបស់កីឡាករអាល់ហ្សេរី Yacine Brahimi ត្រូវបានកីឡាករអាល្លឺម៉ង់ទាញ ក្រុមជម្រើសជាតិអាល់ហ្សេរី បានរកគ្រាប់បាល់លួងចិត្តមួយគ្រាប់សម្រាប់ការវាយសម្រុកដ៏ខ្លាំងក្លា នៅមុននេះសំឡេងកញ្ចែចុងក្រោយ ខណៈដែលកីឡាករ Abdelmoumene Djabou បានរកគ្រាប់បាល់ទី២ក្នុងយុទ្ធនាការ World Cup មួយនេះ។ លទ្ធផលនេះបង្ហាញថា ក្រុមជម្រើសជាតិអាល្លឺម៉ង់ មានឱកាសស៊ុតបាល់សំដៅទីច្រើនជាងអាល់ហ្សេរីត្រឹមតែ៣លើកប៉ុណ្ណោះ ហើយការខ្វះសមត្ថភាពក្នុងការរកគ្រាប់បាល់បញ្ចូលទីរបស់ពួកគេ នឹងក្លាយជាកង្វល់មួយសម្រាប់លោក Loew។
ខ្សែបម្រើវ័យក្មេង Paul Pogba រកបានគ្រាប់ទីមួយឲ្យបារាំង រីឯជំនួបមួយគូទៀត គ្រាប់បាល់តែតបញ្ចូលទីរបស់ខ្សែបម្រើ Paul Pogba និងការធ្វើឲ្យបាល់ចូលទីខ្លួនឯងរបស់កីឡាករ Joseph Yobo បានជួយឲ្យក្រុមបាល់ទាត់ជម្រើសជាតិបារាំងទទួលជ័យជម្នះលើក្រុមនីហ្សេរីយ៉ា ២-០ ក្នុងទីក្រុង Brasilia កាលពីថ្ងៃចន្ទដើម្បីឈានទៅវគ្គ១/៤ផ្តាច់ព្រ័ត្រនៃយុទ្ធនាការ World Cup។
លោក Stephen Keshi គ្រូបង្វឹកនីហ្សេរីយ៉ាបានលាលែងពីតំណែងក្រោយហាលអាវ Pogba បានបំបែកពងមាន់នៅនាទី ទី៧៩ តាមរយៈការតែតបាល់បញ្ចូលទីយ៉ាងល្អ ក្រោយពីអ្នកចាំទី Vincent Enyeama ដែលលេងឲ្យក្លិប Lille របស់បារាំង មិនអាចចាប់បាល់បានពីការទាត់ចេញពីជ្រុង។ វាបានក្លាយជាពេលវេលាដ៏ស្វិតស្វាញមួយសម្រាប់ Enyeama ប៉ុន្តែ បានសង្គ្រោះបាល់ពីការដាក់សម្ពាធរបស់បារាំងជាច្រើនមុននឹងកីឡាករ Antoine Griezmann បានធ្វើឲ្យ Yobo ទាត់បាល់ចូលទីខ្លួនឯងនៅជិតបញ្ចប់ការប្រកួត៕
ប្រែសម្រួលដោយ ផេង សំណាង
រូបថត fifa.com
© រក្សាសិទ្ធិដោយ thmeythmey.com
