កីឡាអន្តរជាតិ
អន្តរជាតិ
ស្វ៊ីស និងអាមេរិក ត្រូវការប្រឹងប្រែងខ្ពស់ក្នុងជំនួបជាមួយអាហ្សង់ទីន និងបែលហ្ស៊ិក នៅរាត្រីនេះ
×![]()
ដោយ: ថ្មីៗ
ក្រុមបាល់ទាត់ជម្រើសជាតិស្វ៊ីស កំពុងតែសង្ឃឹមថា ការប្រកួត World Cup វគ្គ១៦ក្រុមចុងក្រោយនៅរាត្រីនេះ នឹងក្លាយជា «ការប្រកួតលើទឹកដីខ្លួនឯង» សម្រាប់ពួកគេ ខណៈដែលពួកគេសម្លឹងរកការទទួលជ័យជម្នះជាប្រវត្តិសាស្ត្រលើក្រុមជម្រើសជាតិអាហ្សង់ទីន និងរារាំងតារាឆ្នើម Lionel Messi។ ដោយឡែក ក្រុមអាមេរិកពីត្រៀមខ្លួនធ្វើការវាយសម្រុកយ៉ាងខ្លាំងក្លាសម្រាប់ជំនួបជាមួយក្រុមមិនស្គាល់ចាញ់បែលហ្ស៊ិក នារាត្រីនេះផងដែរ។
ស្វ៊ីសស្វែងរកជ័យជម្នះលើកដំបូងលើអាហ្សង់ទីន
ក្នុងទីក្រុង Sao Pauloស្វ៊ីស ត្រូវប្រមាញ់រកជ័យជម្នះជាលើកទី១លើអាហ្សង់ទីនក្នុងការព្យាយាមជាលើកទី៧ក្រោយពីបានរងបរាជ័យ៤លើក និងស្មើ២លើក។ ក្នុងជំនួបចុងក្រោយបំផុតរបស់ពួកគេ ស្វ៊ីសបានបញ្ចប់ក្នុងលទ្ធផលស្មើ ១-១ កាលពីខែមិថុនា ឆ្នាំ២០០៧ ក្នុងទីក្រុង Basel បន្ទាប់មកបានរងបរាជ័យ ៣-១ ក្នុងទីក្រុង Bern កាលពីខែកុម្ភៈ ឆ្នាំ២០១២ អំឡុងពេលការប្រកួតមិត្តភាពអន្តរជាតិ។
កាលពីពីរឆ្នាំកន្លងទៅ ការប្រកួតនេះបានស្ថិតក្នុងលទ្ធផលស្មើ ១-១ នៅមុនពេល Messi ដែលជាកីឡាករឆ្នើមប្រចាំឆ្នាំរបស់ពិភពលោកចំនួន៤សម័យកាល បានស៊ុតបាល់បញ្ចូលទីពីរគ្រាប់នៅជិតបញ្ចប់ការប្រកួតដើម្បីបំពេញការរកគ្រាប់បាល់ចំនួនបីគ្រាប់ក្នុងការប្រកួតអន្តរជាតិជាលើកទី១របស់គេក្នុងមួយប្រកួត។
អ្នកចាំទីអន្តរជាតិស្វ៊ីស Diego Benaglio បាននិយាយថា ខណៈដែលពួកគេដឹងយ៉ាងច្បាស់ពីការគំរាមរបស់ Messi ការស្គាល់ក្រុមនេះយ៉ាងច្បាស់នឹងមានតម្លៃសម្រាប់ការប្រកួតនៅរាត្រីនេះ។ Benaglio បានឲ្យដឹងថា៖ «យើងត្រៀមលក្ខណៈខ្លួនយើងដើម្បីជួបជាមួយ Messi ក៏ដូចជាកីឡាករផ្សេងៗទៀត ប៉ុន្តែ ពិតណាស់ រូបគេមានសមត្ថភាពក្នុងការកាត់សេចក្តីការប្រកួតជាច្រើន។ វានឹងពិតជាលំបាកណាស់ក្នុងការរារាំងរូបគេ ប៉ុន្តែ គេមិនមែនជាកីឡាករដ៏គ្រោះថ្នាក់តែម្នាក់នៅក្នុងក្រុមខ្លាំងមួយឡើយ»។
អាមេរិកព្យាយាមបើកការវាយសម្រុកលើបែលហ្ស៊ិក
បែលហ្ស៊ិកបានឆ្លងផុតវគ្គប្រកួតតាមពូលជាមួយនឹងការទទួលជ័យជម្នះ៣លើកពីបីប្រកួតនៅពេលជួបជាមួយអាល់ហ្សេរី រុស្ស៊ី និងកូរ៉េខាងត្បូង ប៉ុន្តែ មិនបានបង្ហាញពីទម្រង់លេងដ៏រំភើប និងគួរឲ្យចាប់អារម្មណ៍របស់ពួកគេដូចទៅនឹងការរំពឹងទុកឡើយ។ ប៉ុន្តែ ទោះបីជាយ៉ាងណា ជាមួយនឹងការមានកីឡាករឆ្នើមៗដូចជា Eden Hazard, Kevin De BruyneនិងRomeluLukaku វាដល់ហើយក្នុងការបង្ហាញពីទម្រង់លេងដែលមានការផ្លាស់ប្តូរនោះ ហើយក្រុមជើងខ្លាំងរបស់អឺរ៉ុបមួយនេះ នឹងក្លាយជាគូប្រជែងដ៏ខ្លាំងសម្រាប់អាមេរិក ដែលបានធ្វើឲ្យមានការភ្ញាក់ផ្អើលយ៉ាងខ្លាំងតាមរយៈការផ្តួលហ្គាណា និងព័រទុយហ្គាល់របស់ខ្សែប្រយុទ្ធ Cristiano Ronaldo ដើម្បីឈានទៅវគ្គបន្តរួមជាមួយអាល្លឺម៉ង់។
ការច្របាច់បញ្ចូលទីជាក្រុមួយ និងភាពរឹងមាំលើផ្នែកសារពាង្គកាយរបស់ក្រុមជម្រើសជាតិអាមេរិក ត្រូវបានធ្វើឲ្យឡើយប្រសើរឡើងដោយលោកគ្រូបង្វឹក JurgenKlinsmann ដែលផ្តោតទៅលើការបញ្ជូនបាល់រហ័ស ហើយបច្ចេកទេសនេះ ធ្វើឲ្យតំបន់ប្រយុទ្ធរបស់ពួកគេមានភាពមុតស្រួចដ៏គួរឲ្យកត់សម្គាល់។ មិនតែប៉ុណ្ណោះ វាក៏បង្ហាញពីថាមពលដ៏ខ្លាំងមួយដែលអាចនឹងទប់ទល់ជាមួយនឹងក្រុមបែលហ្ស៊ិកបានផងដែរ។
លោក Marc Wilmots គ្រូបង្វឹកនៃក្រុមបាល់ទាត់ជម្រើសជាតិបែលហ្ស៊ិក បានប្រាប់អ្នកយកព័ត៌មានថា៖ «ពួកគេពិតជាមានភាពរឹងមាំនៅពេលនេះ។ យើងកំពុងតែត្រៀមសម្រាប់ការប្រកួតដ៏ស្វិតស្វាញមួយ»។ ការចាប់ផ្តើមដ៏រហ័សមួយអាចនឹងក្លាយជាកូនសោសម្រាប់ការទៅវគ្គរបស់អាមេរិក ដែលកត់សម្គាល់ថា ក្រុមបែលហ្ស៊ិកបានចំណាយពេលយ៉ាងហោចណាស់រហូតដល់៧០នាទីក្នុងការស៊ុតបាល់បញ្ចូលទីក្នុងរាល់ការប្រកួតទាំងបីលើកក្នុងពូល។
បែលហ្ស៊ិកបានទទួលជ័យជម្នះ៤លើកក្នុងចំណោមជំនួប៥លើករបស់ពួកគេជាមួយនឹងអាមេរិក ក្នុងនោះរាប់បញ្ចូលទាំងការទទួលជ័យជម្នះ ៤-២ ក្នុងទីក្រុង Cleveland កាលពីខែឧសភា ឆ្នាំមុនផងដែរ។ ការទទួលជ័យជម្នះតែមួយលើកសម្រាប់អាមេរិក បានកើតឡើងក្នុងការប្រកួត World Cup ឆ្នាំ១៩៣០ ៕
ប្រែសម្រួលដោយ ផេង សំណាង
ស្វ៊ីសស្វែងរកជ័យជម្នះលើកដំបូងលើអាហ្សង់ទីន
ក្នុងទីក្រុង Sao Pauloស្វ៊ីស ត្រូវប្រមាញ់រកជ័យជម្នះជាលើកទី១លើអាហ្សង់ទីនក្នុងការព្យាយាមជាលើកទី៧ក្រោយពីបានរងបរាជ័យ៤លើក និងស្មើ២លើក។ ក្នុងជំនួបចុងក្រោយបំផុតរបស់ពួកគេ ស្វ៊ីសបានបញ្ចប់ក្នុងលទ្ធផលស្មើ ១-១ កាលពីខែមិថុនា ឆ្នាំ២០០៧ ក្នុងទីក្រុង Basel បន្ទាប់មកបានរងបរាជ័យ ៣-១ ក្នុងទីក្រុង Bern កាលពីខែកុម្ភៈ ឆ្នាំ២០១២ អំឡុងពេលការប្រកួតមិត្តភាពអន្តរជាតិ។
កាលពីពីរឆ្នាំកន្លងទៅ ការប្រកួតនេះបានស្ថិតក្នុងលទ្ធផលស្មើ ១-១ នៅមុនពេល Messi ដែលជាកីឡាករឆ្នើមប្រចាំឆ្នាំរបស់ពិភពលោកចំនួន៤សម័យកាល បានស៊ុតបាល់បញ្ចូលទីពីរគ្រាប់នៅជិតបញ្ចប់ការប្រកួតដើម្បីបំពេញការរកគ្រាប់បាល់ចំនួនបីគ្រាប់ក្នុងការប្រកួតអន្តរជាតិជាលើកទី១របស់គេក្នុងមួយប្រកួត។
អ្នកចាំទីអន្តរជាតិស្វ៊ីស Diego Benaglio បាននិយាយថា ខណៈដែលពួកគេដឹងយ៉ាងច្បាស់ពីការគំរាមរបស់ Messi ការស្គាល់ក្រុមនេះយ៉ាងច្បាស់នឹងមានតម្លៃសម្រាប់ការប្រកួតនៅរាត្រីនេះ។ Benaglio បានឲ្យដឹងថា៖ «យើងត្រៀមលក្ខណៈខ្លួនយើងដើម្បីជួបជាមួយ Messi ក៏ដូចជាកីឡាករផ្សេងៗទៀត ប៉ុន្តែ ពិតណាស់ រូបគេមានសមត្ថភាពក្នុងការកាត់សេចក្តីការប្រកួតជាច្រើន។ វានឹងពិតជាលំបាកណាស់ក្នុងការរារាំងរូបគេ ប៉ុន្តែ គេមិនមែនជាកីឡាករដ៏គ្រោះថ្នាក់តែម្នាក់នៅក្នុងក្រុមខ្លាំងមួយឡើយ»។
អាមេរិកព្យាយាមបើកការវាយសម្រុកលើបែលហ្ស៊ិក
បែលហ្ស៊ិកបានឆ្លងផុតវគ្គប្រកួតតាមពូលជាមួយនឹងការទទួលជ័យជម្នះ៣លើកពីបីប្រកួតនៅពេលជួបជាមួយអាល់ហ្សេរី រុស្ស៊ី និងកូរ៉េខាងត្បូង ប៉ុន្តែ មិនបានបង្ហាញពីទម្រង់លេងដ៏រំភើប និងគួរឲ្យចាប់អារម្មណ៍របស់ពួកគេដូចទៅនឹងការរំពឹងទុកឡើយ។ ប៉ុន្តែ ទោះបីជាយ៉ាងណា ជាមួយនឹងការមានកីឡាករឆ្នើមៗដូចជា Eden Hazard, Kevin De BruyneនិងRomeluLukaku វាដល់ហើយក្នុងការបង្ហាញពីទម្រង់លេងដែលមានការផ្លាស់ប្តូរនោះ ហើយក្រុមជើងខ្លាំងរបស់អឺរ៉ុបមួយនេះ នឹងក្លាយជាគូប្រជែងដ៏ខ្លាំងសម្រាប់អាមេរិក ដែលបានធ្វើឲ្យមានការភ្ញាក់ផ្អើលយ៉ាងខ្លាំងតាមរយៈការផ្តួលហ្គាណា និងព័រទុយហ្គាល់របស់ខ្សែប្រយុទ្ធ Cristiano Ronaldo ដើម្បីឈានទៅវគ្គបន្តរួមជាមួយអាល្លឺម៉ង់។
ការច្របាច់បញ្ចូលទីជាក្រុមួយ និងភាពរឹងមាំលើផ្នែកសារពាង្គកាយរបស់ក្រុមជម្រើសជាតិអាមេរិក ត្រូវបានធ្វើឲ្យឡើយប្រសើរឡើងដោយលោកគ្រូបង្វឹក JurgenKlinsmann ដែលផ្តោតទៅលើការបញ្ជូនបាល់រហ័ស ហើយបច្ចេកទេសនេះ ធ្វើឲ្យតំបន់ប្រយុទ្ធរបស់ពួកគេមានភាពមុតស្រួចដ៏គួរឲ្យកត់សម្គាល់។ មិនតែប៉ុណ្ណោះ វាក៏បង្ហាញពីថាមពលដ៏ខ្លាំងមួយដែលអាចនឹងទប់ទល់ជាមួយនឹងក្រុមបែលហ្ស៊ិកបានផងដែរ។
លោក Marc Wilmots គ្រូបង្វឹកនៃក្រុមបាល់ទាត់ជម្រើសជាតិបែលហ្ស៊ិក បានប្រាប់អ្នកយកព័ត៌មានថា៖ «ពួកគេពិតជាមានភាពរឹងមាំនៅពេលនេះ។ យើងកំពុងតែត្រៀមសម្រាប់ការប្រកួតដ៏ស្វិតស្វាញមួយ»។ ការចាប់ផ្តើមដ៏រហ័សមួយអាចនឹងក្លាយជាកូនសោសម្រាប់ការទៅវគ្គរបស់អាមេរិក ដែលកត់សម្គាល់ថា ក្រុមបែលហ្ស៊ិកបានចំណាយពេលយ៉ាងហោចណាស់រហូតដល់៧០នាទីក្នុងការស៊ុតបាល់បញ្ចូលទីក្នុងរាល់ការប្រកួតទាំងបីលើកក្នុងពូល។
បែលហ្ស៊ិកបានទទួលជ័យជម្នះ៤លើកក្នុងចំណោមជំនួប៥លើករបស់ពួកគេជាមួយនឹងអាមេរិក ក្នុងនោះរាប់បញ្ចូលទាំងការទទួលជ័យជម្នះ ៤-២ ក្នុងទីក្រុង Cleveland កាលពីខែឧសភា ឆ្នាំមុនផងដែរ។ ការទទួលជ័យជម្នះតែមួយលើកសម្រាប់អាមេរិក បានកើតឡើងក្នុងការប្រកួត World Cup ឆ្នាំ១៩៣០ ៕
ប្រែសម្រួលដោយ ផេង សំណាង
© រក្សាសិទ្ធិដោយ thmeythmey.com
