កីឡាអន្តរជាតិ
អន្តរជាតិ
×![]()
ក្រុមកីឡាបាល់ទាត់ជម្រើសជាតិនៅតំបន់អាមេរិកឡាទីនចំនួន៤ និងតំបន់អឺរ៉ុបខាងលិចចំនួន៤ ត្រូវចាប់ផ្តើមប្រជែងគ្នាក្នុងការប្រកួតវគ្គមួយភាគបួនផ្តាច់ព្រ័ត្រនៃយុទ្ធនាការដណ្តើមពានរង្វាន់ពិភពលោក (FIFA World Cup) ឆ្នាំ២០១៤ នៅប្រទេសប្រេស៊ីល នារាត្រីថ្ងៃសុក្រនេះ។ វានឹងក្លាយជាការប្រកួតប្រជែងដ៏តឹងតែងបំផុត ពីព្រោះក្រុមទាំង៨សុទ្ធតែជាក្រុមដែលទទួលបានចំណាត់ថ្នាក់លេខមួយពីការប្រកួតជម្រុះតាមពូលកន្លងមក។ 
កំណត់ត្រាថ្មីមួយបានកើតឡើងនៅក្នុងព្រឹត្តិការណ៍ប្រកួតកីឡាបាល់ទាត់ដណ្តើមពានរង្វាន់ពិភពលោកឆ្នាំ២០១៤នេះ ដោយក្រុមទាំង៨ដែលបានបញ្ចប់ចំណាត់ថ្នាក់លេខមួយពីការប្រកួតជម្រុះតាមពូល សុទ្ធបានបន្តជ័យជម្នះរបស់ខ្លួននៅវគ្គ១៦ក្រុមចុងក្រោយ ខណៈ៥ប្រកួតក្នុងចំណោម៨ប្រកួតឈានទៅដល់ការបន្ថែមម៉ោង១៥នាទី ពីរដង។
វគ្គមួយភាគបួនផ្តាច់ព្រ័ត្រ ឬ៨ក្រុមចុងក្រោយដែលចាប់ផ្តើមនៅថ្ងៃសុក្រនេះ គឺជាការតទល់គ្នារវាងក្រុមនៅទ្វីបអាមេរិក និងក្រុមនៅទ្វីបអឺរ៉ុប ហើយបើគិតតាមភូមិសាស្ត្រ វាជាជំនួបរវាងក្រុមនៅតំបន់អាមេរិកឡាទីន និងក្រុមនៅតំបន់អឺរ៉ុបខាងលិច។ សម្រាប់តំបន់អាមេរិកឡាទីន បីក្រុមស្ថិតនៅភាគអាមេរិកខាងត្បូង ដែលរួមមានម្ចាស់ផ្ទះប្រេស៊ីល អាហ្សង់ទីន និងកូឡុំប៊ី រីឯកូស្តារីកាស្ថិតនៅអាមេរិកកណ្តាល។ ក្រុមតំណាងឲ្យទ្វីបអឺរ៉ុប ឬអឺរ៉ុបខាងលិចតែម្តងនោះ មានបារាំង អាល្លឺម៉ង់ ហូឡង់ និងបែលហ្ស៊ិក។ វាក៏ជាលើកទីមួយផងដែរ បើគិតចាប់តាំងពីឆ្នាំ១៩៦២មក ដែលវគ្គ១/៤ផ្តាច់ព្រ័ត្រនេះ គ្មានវត្តមានក្រុមនៅតំបន់អឺរ៉ុបខាងត្បូង ដូចជាអ៊ីតាលី អេស្ប៉ាញ ព័រទុយហ្គាល់ និងប្រទេសនានាដែលបំបែកចេញពីអតីតយូហ្គោស្លាវី។
ក្នុងដំណើរឈានទៅកាន់វគ្គពាក់កណ្តាលផ្តាច់ព្រ័ត្រ ក្រុមមកពីទ្វីបអឺរ៉ុប និងអាមេរិក សុទ្ធតែបានកក់កៅអីម្ខាងមួយរួចទៅហើយ ពីព្រោះនៅរាត្រីថ្ងៃសុក្រនេះ បារាំងត្រូវប៉ះអាល្លឺម៉ង់ មុនជំនួបរវាងម្ចាស់ផ្ទះប្រេស៊ីល និងកូឡុំប៊ី ដោយឡែកនៅថ្ងៃសៅរ៍ អាហ្សង់ទីន ប៉ះបែលហ្ស៊ិក មុនជំនួបរវាងហូឡង់ និងកូស្តារីកា។
បារាំង និងអាល្លឺម៉ង់ នឹងក្លាយជាជំនួបត៏តឹងតែងមួយនៅក្នុងទីក្រុង Rio de Janeiro ដោយក្រុមនៅតំបន់អឺរ៉ុបខាងលិចទាំងពីរនេះ មានប្រវត្តិប៉ះគ្នា២៥លើកហើយ រាប់បញ្ចូលទាំងបីលើកនៅក្នុង World Cup។ កាលពីឆ្នាំ១៩៥៨ បារាំងឈ្នះអាល្លឺម៉ង់ខាងលិច ៦-៣ ដើម្បីដណ្តើមយកចំណាត់ថ្នាក់លេខបី ប៉ុន្តែអាល្លឺម៉ង់ខាងលិចបានយកឈ្នះវិញនាជំនួបវគ្គពាក់កណ្តាលផ្តាច់ព្រ័ត្រក្នុងឆ្នាំ១៩៨២ និងឆ្នាំ១៩៨៦ ។
សម្រាប់ម្ចាស់ផ្ទះប្រេស៊ីល និងកូឡុំប៊ីដែលជាប្រទេសជិតខាងរបស់ខ្លួន ពួកគេធ្លាប់មានប្រវត្តិជួបគ្នាចំនួន២៥ លើក មក ប៉ុន្តែវានឹងក្លាយជាការប្រឈមមុខដាក់គ្នាលើកដំបូងរបស់ពួកគេនៅក្នុងព្រឹត្តិការណ៍ World Cup ។ នេះក៏ជាវត្តមានលើកដំបូងផងដែររបស់កូឡុំប៊ីនៅក្នុងវគ្គ១/៤ផ្តាច់ព្រ័ត្រ។
ចំពោះអាហ្សង់ទីន និងបែលហ្ស៊ិក ក្រុមទាំងពីរធ្លាប់ជួបគ្នាចំនួន៤លើក រួមបញ្ចូលពីរលើកនៅក្នុងព្រឹត្តិការណ៍ World Cup ដោយបែលហ្ស៊ិកបានយកឈ្នះ ១-០ នៅវគ្គជម្រុះតាមពូលក្នុងឆ្នាំ១៩៨២ ហើយអាហ្សង់ទីន បានសងសឹកក្នុងលទ្ធផល ២-០ វិញនៅវគ្គពាក់កណ្តាលផ្តាច់ព្រ័ត្រនៅឆ្នាំ១៩៨៦ ។
ដោយឡែក ហូឡង់ និងកូស្តារីកា មិនដែលធ្លាប់មានប្រវត្តិជួបគ្នាឡើយ ខណៈកូស្តារីកាដែលស្ថិតនៅតំបន់អាមេរិកកណ្តាល បានឈានមកដល់វគ្គ១/៤ផ្តាច់ព្រ័ត្រជាលើកដំបូងក្នុងប្រវត្តិសាស្ត្ររបស់ខ្លួន។
ដោយសារអេស្ប៉ាញ អ៊ីតាលី អង់គ្លេស បានហាលអាវនៅវគ្គជម្រុះតាមពូល ហើយអ៊ុយរូហ្គាយធ្លាក់នៅវគ្គ១៦ក្រុមចុងក្រោយនោះ ម្ចាស់ផ្ទះប្រេស៊ីល អាល្លឺម៉ង់ អាហ្សង់ទីន និងបារាំង ស្វែងរកឱកាសក្នុងការដណ្តើមយកពានសារជាថ្មីម្តងទៀត ដោយប្រេស៊ីលធ្លាប់ឈ្នះចំនួន៥លើក អាល្លឺម៉ង់៣លើក អាហ្សង់ទីន២លើក និងបារាំង១លើក។
ហូឡង់ត្រៀមស្តារការខកចិត្តរបស់ខ្លួន ខណៈការឈានទៅដល់វគ្គផ្តាច់ព្រ័ត្រចំនួនបីលើករបស់ពួកគេសុទ្ធតែទទួលរងនូវការបរាជ័យ។ ងាកក្រុមជម្រើសជាតិបែលហ្ស៊ិកវិញ ពួកគេធ្លាប់ឈានដល់វគ្គនេះចំនួនពីរលើក ហើយក្នុងឆ្នាំ១៩៨៦ ពួកគេទទួលបានចំណាត់ថ្នាក់លេខបួន។ ដោយឡែក កូឡុំប៊ី និងកូស្តារីកា ពួកគេនឹងប្រឹងសាងកំណត់ត្រាបន្ថែមទៀត បន្ថែមពីលើការឈានមកវគ្គ១/៤ផ្តាច់ព្រ័ត្រនេះ។
ក្រុមដែលឈ្នះការប្រកួតនឹងត្រូវឈានទៅកាន់វគ្គពាក់កណ្តាលផ្តាច់ព្រ័ត្រនាថ្ងៃទី៨ និងទី៩ ខែកក្កដា ហើយការប្រកួតដណ្តើមយកចំណាត់ថ្នាក់លេខបីនឹងប្រព្រឹត្តិទៅមួយថ្ងៃមុនជំនួបវគ្គផ្តាច់ព្រ័ត្រនៅកីឡដ្ឋាន Maracana ក្រុង Rio de Janeiro នាថ្ងៃទី១៣ ខែកក្កដា ខាងមុខនេះ។
ដោយឡែក កាលពីថ្ងៃម្សិលមិញ មនុស្ស២នាក់បានស្លាប់ និងប្រមាណ២០នាក់ទៀតរងរបួស ហើយរថយន្តជាច្រើនបានខ្ទេចខ្ទីក្នុងហេតុការណ៍បាក់ផ្លូវស្ពានអាកាសចូលទៅកាន់កីឡដ្ឋាន Mineirao។ នេះជារឿងរ៉ាវដ៏សោកសៅមួយបន្ថែមទៀតសម្រាប់ក្រុមម្ចាស់ផ្ទះប្រេស៊ីល ពីព្រោះមនុស្សជាច្រើននាក់ហើយបានរងគ្រោះថ្នាក់ដោយសារសំណង់មិនរឹងមាំ។ កីឡដ្ឋាន Mineiro ដែលជាកីឡដ្ឋានដ៏ធំបំផុតប្រចាំរដ្ឋ Minas Gerais បានទទួលការរៀបចំការប្រកួត World Cup ចំនួន៥ប្រកួតកន្លងមក ហើយត្រៀមខ្លួនទទួលវគ្គពាក់កណ្តាលផ្តាច់ព្រ័ត្រមួយប្រកួតទៀត៕
កំណត់ត្រាថ្មីមួយបានកើតឡើងនៅក្នុងព្រឹត្តិការណ៍ប្រកួតកីឡាបាល់ទាត់ដណ្តើមពានរង្វាន់ពិភពលោកឆ្នាំ២០១៤នេះ ដោយក្រុមទាំង៨ដែលបានបញ្ចប់ចំណាត់ថ្នាក់លេខមួយពីការប្រកួតជម្រុះតាមពូល សុទ្ធបានបន្តជ័យជម្នះរបស់ខ្លួននៅវគ្គ១៦ក្រុមចុងក្រោយ ខណៈ៥ប្រកួតក្នុងចំណោម៨ប្រកួតឈានទៅដល់ការបន្ថែមម៉ោង១៥នាទី ពីរដង។
វគ្គមួយភាគបួនផ្តាច់ព្រ័ត្រ ឬ៨ក្រុមចុងក្រោយដែលចាប់ផ្តើមនៅថ្ងៃសុក្រនេះ គឺជាការតទល់គ្នារវាងក្រុមនៅទ្វីបអាមេរិក និងក្រុមនៅទ្វីបអឺរ៉ុប ហើយបើគិតតាមភូមិសាស្ត្រ វាជាជំនួបរវាងក្រុមនៅតំបន់អាមេរិកឡាទីន និងក្រុមនៅតំបន់អឺរ៉ុបខាងលិច។ សម្រាប់តំបន់អាមេរិកឡាទីន បីក្រុមស្ថិតនៅភាគអាមេរិកខាងត្បូង ដែលរួមមានម្ចាស់ផ្ទះប្រេស៊ីល អាហ្សង់ទីន និងកូឡុំប៊ី រីឯកូស្តារីកាស្ថិតនៅអាមេរិកកណ្តាល។ ក្រុមតំណាងឲ្យទ្វីបអឺរ៉ុប ឬអឺរ៉ុបខាងលិចតែម្តងនោះ មានបារាំង អាល្លឺម៉ង់ ហូឡង់ និងបែលហ្ស៊ិក។ វាក៏ជាលើកទីមួយផងដែរ បើគិតចាប់តាំងពីឆ្នាំ១៩៦២មក ដែលវគ្គ១/៤ផ្តាច់ព្រ័ត្រនេះ គ្មានវត្តមានក្រុមនៅតំបន់អឺរ៉ុបខាងត្បូង ដូចជាអ៊ីតាលី អេស្ប៉ាញ ព័រទុយហ្គាល់ និងប្រទេសនានាដែលបំបែកចេញពីអតីតយូហ្គោស្លាវី។
ក្នុងដំណើរឈានទៅកាន់វគ្គពាក់កណ្តាលផ្តាច់ព្រ័ត្រ ក្រុមមកពីទ្វីបអឺរ៉ុប និងអាមេរិក សុទ្ធតែបានកក់កៅអីម្ខាងមួយរួចទៅហើយ ពីព្រោះនៅរាត្រីថ្ងៃសុក្រនេះ បារាំងត្រូវប៉ះអាល្លឺម៉ង់ មុនជំនួបរវាងម្ចាស់ផ្ទះប្រេស៊ីល និងកូឡុំប៊ី ដោយឡែកនៅថ្ងៃសៅរ៍ អាហ្សង់ទីន ប៉ះបែលហ្ស៊ិក មុនជំនួបរវាងហូឡង់ និងកូស្តារីកា។
បារាំង និងអាល្លឺម៉ង់ នឹងក្លាយជាជំនួបត៏តឹងតែងមួយនៅក្នុងទីក្រុង Rio de Janeiro ដោយក្រុមនៅតំបន់អឺរ៉ុបខាងលិចទាំងពីរនេះ មានប្រវត្តិប៉ះគ្នា២៥លើកហើយ រាប់បញ្ចូលទាំងបីលើកនៅក្នុង World Cup។ កាលពីឆ្នាំ១៩៥៨ បារាំងឈ្នះអាល្លឺម៉ង់ខាងលិច ៦-៣ ដើម្បីដណ្តើមយកចំណាត់ថ្នាក់លេខបី ប៉ុន្តែអាល្លឺម៉ង់ខាងលិចបានយកឈ្នះវិញនាជំនួបវគ្គពាក់កណ្តាលផ្តាច់ព្រ័ត្រក្នុងឆ្នាំ១៩៨២ និងឆ្នាំ១៩៨៦ ។
សម្រាប់ម្ចាស់ផ្ទះប្រេស៊ីល និងកូឡុំប៊ីដែលជាប្រទេសជិតខាងរបស់ខ្លួន ពួកគេធ្លាប់មានប្រវត្តិជួបគ្នាចំនួន២៥ លើក មក ប៉ុន្តែវានឹងក្លាយជាការប្រឈមមុខដាក់គ្នាលើកដំបូងរបស់ពួកគេនៅក្នុងព្រឹត្តិការណ៍ World Cup ។ នេះក៏ជាវត្តមានលើកដំបូងផងដែររបស់កូឡុំប៊ីនៅក្នុងវគ្គ១/៤ផ្តាច់ព្រ័ត្រ។
ចំពោះអាហ្សង់ទីន និងបែលហ្ស៊ិក ក្រុមទាំងពីរធ្លាប់ជួបគ្នាចំនួន៤លើក រួមបញ្ចូលពីរលើកនៅក្នុងព្រឹត្តិការណ៍ World Cup ដោយបែលហ្ស៊ិកបានយកឈ្នះ ១-០ នៅវគ្គជម្រុះតាមពូលក្នុងឆ្នាំ១៩៨២ ហើយអាហ្សង់ទីន បានសងសឹកក្នុងលទ្ធផល ២-០ វិញនៅវគ្គពាក់កណ្តាលផ្តាច់ព្រ័ត្រនៅឆ្នាំ១៩៨៦ ។
ដោយឡែក ហូឡង់ និងកូស្តារីកា មិនដែលធ្លាប់មានប្រវត្តិជួបគ្នាឡើយ ខណៈកូស្តារីកាដែលស្ថិតនៅតំបន់អាមេរិកកណ្តាល បានឈានមកដល់វគ្គ១/៤ផ្តាច់ព្រ័ត្រជាលើកដំបូងក្នុងប្រវត្តិសាស្ត្ររបស់ខ្លួន។
ដោយសារអេស្ប៉ាញ អ៊ីតាលី អង់គ្លេស បានហាលអាវនៅវគ្គជម្រុះតាមពូល ហើយអ៊ុយរូហ្គាយធ្លាក់នៅវគ្គ១៦ក្រុមចុងក្រោយនោះ ម្ចាស់ផ្ទះប្រេស៊ីល អាល្លឺម៉ង់ អាហ្សង់ទីន និងបារាំង ស្វែងរកឱកាសក្នុងការដណ្តើមយកពានសារជាថ្មីម្តងទៀត ដោយប្រេស៊ីលធ្លាប់ឈ្នះចំនួន៥លើក អាល្លឺម៉ង់៣លើក អាហ្សង់ទីន២លើក និងបារាំង១លើក។
ហូឡង់ត្រៀមស្តារការខកចិត្តរបស់ខ្លួន ខណៈការឈានទៅដល់វគ្គផ្តាច់ព្រ័ត្រចំនួនបីលើករបស់ពួកគេសុទ្ធតែទទួលរងនូវការបរាជ័យ។ ងាកក្រុមជម្រើសជាតិបែលហ្ស៊ិកវិញ ពួកគេធ្លាប់ឈានដល់វគ្គនេះចំនួនពីរលើក ហើយក្នុងឆ្នាំ១៩៨៦ ពួកគេទទួលបានចំណាត់ថ្នាក់លេខបួន។ ដោយឡែក កូឡុំប៊ី និងកូស្តារីកា ពួកគេនឹងប្រឹងសាងកំណត់ត្រាបន្ថែមទៀត បន្ថែមពីលើការឈានមកវគ្គ១/៤ផ្តាច់ព្រ័ត្រនេះ។
ក្រុមដែលឈ្នះការប្រកួតនឹងត្រូវឈានទៅកាន់វគ្គពាក់កណ្តាលផ្តាច់ព្រ័ត្រនាថ្ងៃទី៨ និងទី៩ ខែកក្កដា ហើយការប្រកួតដណ្តើមយកចំណាត់ថ្នាក់លេខបីនឹងប្រព្រឹត្តិទៅមួយថ្ងៃមុនជំនួបវគ្គផ្តាច់ព្រ័ត្រនៅកីឡដ្ឋាន Maracana ក្រុង Rio de Janeiro នាថ្ងៃទី១៣ ខែកក្កដា ខាងមុខនេះ។
ដោយឡែក កាលពីថ្ងៃម្សិលមិញ មនុស្ស២នាក់បានស្លាប់ និងប្រមាណ២០នាក់ទៀតរងរបួស ហើយរថយន្តជាច្រើនបានខ្ទេចខ្ទីក្នុងហេតុការណ៍បាក់ផ្លូវស្ពានអាកាសចូលទៅកាន់កីឡដ្ឋាន Mineirao។ នេះជារឿងរ៉ាវដ៏សោកសៅមួយបន្ថែមទៀតសម្រាប់ក្រុមម្ចាស់ផ្ទះប្រេស៊ីល ពីព្រោះមនុស្សជាច្រើននាក់ហើយបានរងគ្រោះថ្នាក់ដោយសារសំណង់មិនរឹងមាំ។ កីឡដ្ឋាន Mineiro ដែលជាកីឡដ្ឋានដ៏ធំបំផុតប្រចាំរដ្ឋ Minas Gerais បានទទួលការរៀបចំការប្រកួត World Cup ចំនួន៥ប្រកួតកន្លងមក ហើយត្រៀមខ្លួនទទួលវគ្គពាក់កណ្តាលផ្តាច់ព្រ័ត្រមួយប្រកួតទៀត៕
© រក្សាសិទ្ធិដោយ thmeythmey.com
