កីឡាអន្តរជាតិ
អន្តរជាតិ
ម្ចាស់ផ្ទះប្រេស៊ីលទម្លាក់កូឡុំប៊ីដើម្បីឡើងទៅជួបអាល្លឺម៉ង់នៅវគ្គ១/២ផ្តាច់ព្រ័ត្រ
×![]()
ដោយ: រួបរួម
ម្ចាស់ផ្ទះប្រេស៊ីល បានរក្សាក្តីសង្ឃឹមរបស់ខ្លួនក្នុងការឈ្នះពានរង្វាន់ World Cup ជាលើកទី៦ បន្ទាប់ពីពួកគេបានយកឈ្នះកូឡុំប៊ីដែលស្ថិតនៅតំបន់អាមេរិកខាងត្បូងដូចគ្នាក្នុងលទ្ធផល ២-១ ដើម្បីឡើងទៅជួបអាល្លឺម៉ង់នៅវគ្គពាក់កណ្តាលផ្តាច់ព្រ័ត្រ។
ក្នុងជំនួបដ៏តឹងតែងនៅលើទីលាន Estadio Castelao រដ្ឋ Fortaleza នាព្រឹកថ្ងៃសៅរ៍នេះ ប្រធានក្រុម Thiago Silva បាននាំម្ចាស់ផ្ទះរកគ្រាប់បាល់បើកឆាកនៅក្នុងនាទី ទី៧ ហើយខ្សែការពារ David Luiz បន្ថែមគ្រាប់ទីពីរនៅក្នុងនាទី ទី៦៩ ។ ខ្សែប្រយុទ្ធកូឡុំប៊ី James Rodriguez បានទាត់បាល់ប៉េណាល់ទីតាមពីក្រោយមួយគ្រាប់នៅក្នុងនាទី ទី៨០ ។
យោងតាមកំណត់ត្រារបស់ FIFA នេះជាការប្រកួតដែលមានការប្រព្រឹត្តិកំហុសដែលច្រើនបំផុតនៅក្នុង World Cup ឆ្នាំ២០១៤នេះ ដោយអាជ្ញាកណ្តាលបានផ្លុំកញ្ចែពិន័យរហូតដល់ទៅជាង៥០លើក។ ខណៈដែល Luiz ជាប់ជាកីឡាករឆ្នើមប្រចាំការប្រកួត Thiago Silva ក៏បានក្លាយជាប្រធានក្រុមទីមួយផងដែររបស់ប្រេស៊ីលដែលបានស៊ុតបាល់បញ្ចូលទីក្នុង World Cup បន្ទាប់ពីការសម្រេចបានរបស់ កីឡាករ Rai នាជំនួបជាមួយរុស្ស៊ី កាលពីឆ្នាំ១៩៩៤ ហើយនៅឆ្នាំនោះប្រេស៊ីលបានឈ្នះ World Cup។
ដោយឡែក ខ្សែប្រយុទ្ធកូឡុំប៊ី James Rodriguez វិញ គេបានក្លាយជាកីឡាករទីមួយដែលបានស៊ុតបាល់បញ្ចូលទីទាំង៥ប្រកួតនៅក្នុង World Cup បន្ទាប់ពី Rivaldo របស់ប្រេស៊ីល ធ្វើបានដូចគ្នានេះ កាលពីឆ្នាំ២០០២ ។ បើគិតពីព្រឹត្តិការណ៍ World Cup ៩លើកចុងក្រោយ ដោយលើកលែងឆ្នាំ២០០២ ការស៊ុតបាល់បញ្ចូលទីចំនួន៦គ្រាប់ អាចក្លាយជាម្ចាស់ស្បែកជើងមាស ហើយបច្ចុប្បន្ន James Rodriguez បានបង្កើតគន្លាតនាំមុខ Messi, Thomas Muller និង Neymar ចំនួនពីរគ្រាប់ជាបណ្តោះអាសន្ន។
រីឯខ្សែប្រយុទ្ធឆ្នើម Neymar ត្រូវបានបញ្ជូនទៅកាន់មន្ទីរពេទ្យ បន្ទាប់ពីររូបគេមានបញ្ហារបួសខ្នងក្រោយការប៉ះទង្គិចជាមួយកីឡាករ Juan Camillo Zuniga របស់កូឡុំប៊ីនៅក្នុងនាទី ទី៨៧។
ម្ចាស់ផ្ទះប្រេស៊ីលប៉ះអាល្លឺម៉ង់នៅវគ្គពាក់កណ្តាលផ្តាច់ព្រ័ត្រនៅថ្ងៃទី៨ ខែកក្កដា នៅកីឡដ្ឋាន Estádio Mineirão ក្រុង Belo Horizonte ដែលកាលពីថ្ងៃព្រហស្បតិ៍ផ្លូវស្ពានអាកាសឈានទៅកាន់កីឡដ្ឋានមួយនេះ បានបាក់ស្រុត ហើយបណ្តាលឲ្យមនុស្សពីរនាក់ស្លាប់ និងច្រើននាក់រងរបួស៕
ក្នុងជំនួបដ៏តឹងតែងនៅលើទីលាន Estadio Castelao រដ្ឋ Fortaleza នាព្រឹកថ្ងៃសៅរ៍នេះ ប្រធានក្រុម Thiago Silva បាននាំម្ចាស់ផ្ទះរកគ្រាប់បាល់បើកឆាកនៅក្នុងនាទី ទី៧ ហើយខ្សែការពារ David Luiz បន្ថែមគ្រាប់ទីពីរនៅក្នុងនាទី ទី៦៩ ។ ខ្សែប្រយុទ្ធកូឡុំប៊ី James Rodriguez បានទាត់បាល់ប៉េណាល់ទីតាមពីក្រោយមួយគ្រាប់នៅក្នុងនាទី ទី៨០ ។
យោងតាមកំណត់ត្រារបស់ FIFA នេះជាការប្រកួតដែលមានការប្រព្រឹត្តិកំហុសដែលច្រើនបំផុតនៅក្នុង World Cup ឆ្នាំ២០១៤នេះ ដោយអាជ្ញាកណ្តាលបានផ្លុំកញ្ចែពិន័យរហូតដល់ទៅជាង៥០លើក។ ខណៈដែល Luiz ជាប់ជាកីឡាករឆ្នើមប្រចាំការប្រកួត Thiago Silva ក៏បានក្លាយជាប្រធានក្រុមទីមួយផងដែររបស់ប្រេស៊ីលដែលបានស៊ុតបាល់បញ្ចូលទីក្នុង World Cup បន្ទាប់ពីការសម្រេចបានរបស់ កីឡាករ Rai នាជំនួបជាមួយរុស្ស៊ី កាលពីឆ្នាំ១៩៩៤ ហើយនៅឆ្នាំនោះប្រេស៊ីលបានឈ្នះ World Cup។
ដោយឡែក ខ្សែប្រយុទ្ធកូឡុំប៊ី James Rodriguez វិញ គេបានក្លាយជាកីឡាករទីមួយដែលបានស៊ុតបាល់បញ្ចូលទីទាំង៥ប្រកួតនៅក្នុង World Cup បន្ទាប់ពី Rivaldo របស់ប្រេស៊ីល ធ្វើបានដូចគ្នានេះ កាលពីឆ្នាំ២០០២ ។ បើគិតពីព្រឹត្តិការណ៍ World Cup ៩លើកចុងក្រោយ ដោយលើកលែងឆ្នាំ២០០២ ការស៊ុតបាល់បញ្ចូលទីចំនួន៦គ្រាប់ អាចក្លាយជាម្ចាស់ស្បែកជើងមាស ហើយបច្ចុប្បន្ន James Rodriguez បានបង្កើតគន្លាតនាំមុខ Messi, Thomas Muller និង Neymar ចំនួនពីរគ្រាប់ជាបណ្តោះអាសន្ន។
រីឯខ្សែប្រយុទ្ធឆ្នើម Neymar ត្រូវបានបញ្ជូនទៅកាន់មន្ទីរពេទ្យ បន្ទាប់ពីររូបគេមានបញ្ហារបួសខ្នងក្រោយការប៉ះទង្គិចជាមួយកីឡាករ Juan Camillo Zuniga របស់កូឡុំប៊ីនៅក្នុងនាទី ទី៨៧។
ម្ចាស់ផ្ទះប្រេស៊ីលប៉ះអាល្លឺម៉ង់នៅវគ្គពាក់កណ្តាលផ្តាច់ព្រ័ត្រនៅថ្ងៃទី៨ ខែកក្កដា នៅកីឡដ្ឋាន Estádio Mineirão ក្រុង Belo Horizonte ដែលកាលពីថ្ងៃព្រហស្បតិ៍ផ្លូវស្ពានអាកាសឈានទៅកាន់កីឡដ្ឋានមួយនេះ បានបាក់ស្រុត ហើយបណ្តាលឲ្យមនុស្សពីរនាក់ស្លាប់ និងច្រើននាក់រងរបួស៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
