វិទ្យាសាស្រ្ត និង បច្ចេកវិទ្យា
អន្តរជាតិ
ព្រលានយន្តហោះមួយចំនួននៅអាមេរិកហាមឃាត់ទូរសព្ទនិងកុំព្យូទ័រដែលមិនបានសាកថ្ម
×![]()
ដោយ: ថ្មីៗ
រដ្ឋបាលសន្តិសុខដឹកជញ្ជូនសហរដ្ឋអាមេរិក (TSA) បានបញ្ជាក់ថា សន្តិសុខ សុវត្ថិភាពត្រូវបានបង្កើនឡើងនៅលើជើងហោះហើរមួយចំនួនដែលចូលទៅកាន់ទឹកដីមហាអំណាចមួយនេះ។ ពួកគេបានណែនាំដល់អ្នកដំណើរដាក់ថាមពលឲ្យបានពេញទៅលើឧបករណ៍ប្រើប្រាស់ ដូចជា ទូរសព្ទ ឬកុំព្យូទ័រយួរដៃ ជាដើម បើមិនដូច្នោះទេ ពួកគេអាចដកហូតឧបករណ៍ទាំងនោះ។
រដ្ឋបាលសន្តិសុខដឹកជញ្ជូនរបស់សហរដ្ឋអាមេរិក បានបញ្ជាក់ក្នុងសេចក្តីថ្លែងការណ៍របស់ខ្លួនកាលពីថ្ងៃអាទិត្យកន្លងមកថា ពួកគេនឹងធ្វើការហាមឃាត់នូវសម្ភារអេឡិចត្រូនិច ជាពិសេសទូរសព្ទនិងកុំព្យូទ័រយួរដៃ នៅតាមយន្តហោះមួយចំនួន ប្រសិនបើវាមិនមានការសាកថ្មបញ្ចូលឲ្យបានពេញទេនោះ។
រដ្ឋមន្ត្រីក្រសួងសន្តិសុខជាតិអាមេរិក បាននិយាយនៅក្នុងសេចក្តីថ្លែងការណ៍មួយថា នេះជាវិធានការថ្មីក្នុងការរឹតបន្តឹង និងលើកកម្ពស់សុវត្ថិភាពផ្នែកហោះហើរ។
មិនមានបញ្ជីជាផ្លូវការទាក់ទងនឹងអាកាសយាន្តដ្ឋានដែលត្រូវអនុវត្តសេចក្តីសម្រេចនេះឡើយ ប៉ុន្តែបើយោងតាមការផ្សាយរបស់ BBC ព្រលានយន្តហោះ London’s Heathrow ស្ថិតនៅក្នុងបញ្ជីដែលត្រូវអនុវត្តវិធានការថ្មីនេះ។
យោងតាមរបាយការណ៍នានា វិធានការនោះ គឺប្រហែលជាដើម្បីឆ្លើយតបទៅនឹងព័ត៌មានដែលក្រុមភេរវករក្នុងប្រទេសស៊ីរី និងយេមែន បានកែច្នៃគ្រាប់បែកដែលគេចពីអេក្រង់តាមដាន។
សេចក្តីថ្លែងការណ៍ TSA បានលើកឡើងថា៖ «នៅពេលត្រួតពិនិត្យសុវត្ថិភាព មន្ត្រីយើងអាចស្នើសុំឲ្យម្ចាស់ឧបករណ៍ទាំងអស់ធ្វើការសាកថ្មីឲ្យបានពេញ។ របស់ដែលមិនមានឋាមពលនឹងមិនត្រូវបានអនុញ្ញតិឲ្យដាក់លើយន្តហោះឡើយ»។
ទូរទស្សន៍ Britain’s Channel 4 បានបញ្ជាក់ផងដែរថា ទូរសព្ទ iPhone និង Samsung Galaxy ក៏ត្រូវបានគេធ្វើការត្រួតពិនិត្យផងដែរនៅតាមអាកាសយានដ្ឋានមួយចំនួននៅតំបន់អឺរ៉ុប មជ្ឈឹមបូពារ និងអាហ្វ្រិក៕
ប្រែសម្រួលដោយ អ៊ឹង ចំរុង
រដ្ឋបាលសន្តិសុខដឹកជញ្ជូនរបស់សហរដ្ឋអាមេរិក បានបញ្ជាក់ក្នុងសេចក្តីថ្លែងការណ៍របស់ខ្លួនកាលពីថ្ងៃអាទិត្យកន្លងមកថា ពួកគេនឹងធ្វើការហាមឃាត់នូវសម្ភារអេឡិចត្រូនិច ជាពិសេសទូរសព្ទនិងកុំព្យូទ័រយួរដៃ នៅតាមយន្តហោះមួយចំនួន ប្រសិនបើវាមិនមានការសាកថ្មបញ្ចូលឲ្យបានពេញទេនោះ។
រដ្ឋមន្ត្រីក្រសួងសន្តិសុខជាតិអាមេរិក បាននិយាយនៅក្នុងសេចក្តីថ្លែងការណ៍មួយថា នេះជាវិធានការថ្មីក្នុងការរឹតបន្តឹង និងលើកកម្ពស់សុវត្ថិភាពផ្នែកហោះហើរ។
មិនមានបញ្ជីជាផ្លូវការទាក់ទងនឹងអាកាសយាន្តដ្ឋានដែលត្រូវអនុវត្តសេចក្តីសម្រេចនេះឡើយ ប៉ុន្តែបើយោងតាមការផ្សាយរបស់ BBC ព្រលានយន្តហោះ London’s Heathrow ស្ថិតនៅក្នុងបញ្ជីដែលត្រូវអនុវត្តវិធានការថ្មីនេះ។
យោងតាមរបាយការណ៍នានា វិធានការនោះ គឺប្រហែលជាដើម្បីឆ្លើយតបទៅនឹងព័ត៌មានដែលក្រុមភេរវករក្នុងប្រទេសស៊ីរី និងយេមែន បានកែច្នៃគ្រាប់បែកដែលគេចពីអេក្រង់តាមដាន។
សេចក្តីថ្លែងការណ៍ TSA បានលើកឡើងថា៖ «នៅពេលត្រួតពិនិត្យសុវត្ថិភាព មន្ត្រីយើងអាចស្នើសុំឲ្យម្ចាស់ឧបករណ៍ទាំងអស់ធ្វើការសាកថ្មីឲ្យបានពេញ។ របស់ដែលមិនមានឋាមពលនឹងមិនត្រូវបានអនុញ្ញតិឲ្យដាក់លើយន្តហោះឡើយ»។
ទូរទស្សន៍ Britain’s Channel 4 បានបញ្ជាក់ផងដែរថា ទូរសព្ទ iPhone និង Samsung Galaxy ក៏ត្រូវបានគេធ្វើការត្រួតពិនិត្យផងដែរនៅតាមអាកាសយានដ្ឋានមួយចំនួននៅតំបន់អឺរ៉ុប មជ្ឈឹមបូពារ និងអាហ្វ្រិក៕
ប្រែសម្រួលដោយ អ៊ឹង ចំរុង
© រក្សាសិទ្ធិដោយ thmeythmey.com
