កីឡាអន្តរជាតិ
អន្តរជាតិ
អាល្លឺម៉ង់នៅតែមានជំនួបដ៏ស្វិតស្វាញ ទោះបីជាម្ចាស់ផ្ទះគ្មានវត្តមាន Neymar ក៏ដោយ
×![]()
ដោយ: ថ្មីៗ
ក្រុមបាល់ទាត់ជម្រើសជាតិអាល្លឺម៉ង់នឹងត្រូវជួបជាមួយនឹងក្រុមប្រេស៊ីល ក្នុងការប្រកួត World Cup វគ្គពាក់កណ្តាលផ្តាច់ព្រ័ត្រដ៏ស្វិតស្វាញនៅរាត្រីនេះ ស្របពេលដែលក្រុមម្ចាស់ផ្ទះមួយនេះ រំពឹងថា នឹងអាចឈ្នះពានដោយគ្មានតារាឆ្នើម Neymar។ 
ក្រុមជម្រើសជាតិអាល្លឺម៉ង់របស់លោក Joachim Loew នឹងមានបំណងធ្វើការសងសឹកចំពោះការបរាជ័យក្នុងការប្រកួតវគ្គផ្តាច់ព្រ័ត្រកាលពីឆ្នាំ២០០២របស់ពួកគេក្រោមថ្វីជើងក្រុមជម្រើសជាតិប្រេស៊ីលតាមរយៈការទម្លាក់ក្រុមម្ចាស់ផ្ទះមួយនេះឲ្យធ្លាក់ចេញក្នុងទីក្រុង Belo Horizonte ដើម្បីឈានទៅប្រកួតវគ្គផ្តាច់ព្រ័ត្រនៅថ្ងៃអាទិត្យខាងមុខនៅក្នុងទីក្រុង Rio de Janeiro។
ប្រេស៊ីលត្រូវបានបង្ខំឲ្យធ្វើការរៀបចំក្រុមសារជាថ្មីដោយសារតែគ្មានវត្តមានរបស់កីឡាករឆ្នើម Neymar និងប្រធានក្រុម Thiago Silva ខណៈដែលពួកគេសម្លឹងរកការបំពេញក្តីសុបិននៃការឈ្នះពានរង្វាន់ជាលើកទី៦លើទឹកដីខ្លួនឯងនៅកីឡដ្ឋាន Maracana។
អ្នកគាំទ្រទូទាំងប្រទេសបានសម្តែងនូវការខកចិត្តចំពោះការជួបសំណាងអាក្រក់របស់ Neymar ក្រោយពីកីឡាករវ័យ២២ឆ្នាំរូបនេះបានរងរបួសបាក់ឆ្អឹងខ្នងក្នុងពេលក្រុមរបស់ខ្លួនទទួលជ័យជម្នះក្នុងវគ្គ៨ក្រុមចុងក្រោយលើក្រុមជម្រើសជាតិកូឡុំប៊ីកាលពីថ្ងៃសុក្រ ប៉ុន្តែ ក្រុមជម្រើសជាតិអាល្លឺម៉ង់ជូនពរឲ្យរូបគេជាសះស្បើយដើម្បីប្រកួតជាមួយនឹងពួកគេ។
ខ្សែបម្រើអន្តរជាតិអាល្លឺម៉ង់ Bastian Schweinsteiger បានឲ្យដឹងថា៖ «វាតែងតែជារឿងដ៏ល្អប្រសើរនៅពេលដែលគូប្រជែងមានកីឡាករឆ្នើមៗរបស់ពួកគេទាំងអស់ ហើយវានឹងធ្វើឲ្យក្រុមប្រេស៊ីលមានការរួមសាមគ្គីគ្នា ហើយពួកគេនឹងចង់ឈ្នះពានសម្រាប់ Neymar»។
ក្រុមជម្រើសជាតិប្រេស៊ីល បានធ្វើការដាក់សម្ពាធយ៉ាងខ្លាំងក្លាទៅលើខ្សែបម្រើប្រយុទ្ធ James Rodriguez ខណៈដែលក្រុមកូឡុំប៊ីបានរងនូវការឈូសជើងដណ្តើមបាល់យ៉ាងច្រើន នៅមុនពេលការព្យាយាមដណ្តើមបាល់របស់ខ្សែការពារ Juan Zuniga ទៅលើ Neymar បានធ្វើឲ្យតារាឆ្នើមរូបនេះត្រូវសម្រាកនៅមន្ទីរពេទ្យ។
ខ្សែបម្រើ Willian របស់ប្រេស៊ីល បានឲ្យដឹងថា៖ «Neymar បង្កើតកម្រិតស្តង់ដារសម្រាប់យើង។ រូបគេអាចមានសមត្ថភាពក្នុងការកាត់សេចក្តីក្នុងការប្រកួតផ្សេងៗ ហេតុនេះ ការលេងដោយគ្មានរូបគេនឹងមានការលំបាក»។
Schweinsteiger បានចាប់ផ្តើមធ្វើឲ្យមានការចាប់អារម្មណ៍ទៅលើការប្រកួតនេះ តាមរយៈការបញ្ជាក់ថា លោកអាជ្ញាកណ្តាលត្រូវតែមានការយកចិត្តទុកដាក់យ៉ាងប្រកៀកទៅលើក្រុមប្រេស៊ីល ដែលបានប្រព្រឹត្តកំហុសចំនួន៥៩លើកក្នុងការប្រកួតពីរលើកចុងក្រោយ ខណៈដែលអាល្លឺម៉ង់បានប្រព្រឹត្តកំហុសត្រឹមតែ២៩លើកប៉ុណ្ណោះ។ ការប្រកួតនៅរាត្រីនេះ នឹងចាប់ផ្តើមនៅម៉ោង៣ទៀបភ្លឺ (ម៉ោងនៅកម្ពុជា)៕
ជំនួបបីលើកចុងក្រោយរវាងក្រុមទាំងពីរ
11/08/11 Germany 3-2 Brazil
25/06/05 Germany 2-3 Brazil
09/09/04 Germany 1-1 Brazil
ប្រែសម្រួលដោយ ផេង សំណាង
ក្រុមជម្រើសជាតិអាល្លឺម៉ង់របស់លោក Joachim Loew នឹងមានបំណងធ្វើការសងសឹកចំពោះការបរាជ័យក្នុងការប្រកួតវគ្គផ្តាច់ព្រ័ត្រកាលពីឆ្នាំ២០០២របស់ពួកគេក្រោមថ្វីជើងក្រុមជម្រើសជាតិប្រេស៊ីលតាមរយៈការទម្លាក់ក្រុមម្ចាស់ផ្ទះមួយនេះឲ្យធ្លាក់ចេញក្នុងទីក្រុង Belo Horizonte ដើម្បីឈានទៅប្រកួតវគ្គផ្តាច់ព្រ័ត្រនៅថ្ងៃអាទិត្យខាងមុខនៅក្នុងទីក្រុង Rio de Janeiro។
ប្រេស៊ីលត្រូវបានបង្ខំឲ្យធ្វើការរៀបចំក្រុមសារជាថ្មីដោយសារតែគ្មានវត្តមានរបស់កីឡាករឆ្នើម Neymar និងប្រធានក្រុម Thiago Silva ខណៈដែលពួកគេសម្លឹងរកការបំពេញក្តីសុបិននៃការឈ្នះពានរង្វាន់ជាលើកទី៦លើទឹកដីខ្លួនឯងនៅកីឡដ្ឋាន Maracana។
អ្នកគាំទ្រទូទាំងប្រទេសបានសម្តែងនូវការខកចិត្តចំពោះការជួបសំណាងអាក្រក់របស់ Neymar ក្រោយពីកីឡាករវ័យ២២ឆ្នាំរូបនេះបានរងរបួសបាក់ឆ្អឹងខ្នងក្នុងពេលក្រុមរបស់ខ្លួនទទួលជ័យជម្នះក្នុងវគ្គ៨ក្រុមចុងក្រោយលើក្រុមជម្រើសជាតិកូឡុំប៊ីកាលពីថ្ងៃសុក្រ ប៉ុន្តែ ក្រុមជម្រើសជាតិអាល្លឺម៉ង់ជូនពរឲ្យរូបគេជាសះស្បើយដើម្បីប្រកួតជាមួយនឹងពួកគេ។
ខ្សែបម្រើអន្តរជាតិអាល្លឺម៉ង់ Bastian Schweinsteiger បានឲ្យដឹងថា៖ «វាតែងតែជារឿងដ៏ល្អប្រសើរនៅពេលដែលគូប្រជែងមានកីឡាករឆ្នើមៗរបស់ពួកគេទាំងអស់ ហើយវានឹងធ្វើឲ្យក្រុមប្រេស៊ីលមានការរួមសាមគ្គីគ្នា ហើយពួកគេនឹងចង់ឈ្នះពានសម្រាប់ Neymar»។
ក្រុមជម្រើសជាតិប្រេស៊ីល បានធ្វើការដាក់សម្ពាធយ៉ាងខ្លាំងក្លាទៅលើខ្សែបម្រើប្រយុទ្ធ James Rodriguez ខណៈដែលក្រុមកូឡុំប៊ីបានរងនូវការឈូសជើងដណ្តើមបាល់យ៉ាងច្រើន នៅមុនពេលការព្យាយាមដណ្តើមបាល់របស់ខ្សែការពារ Juan Zuniga ទៅលើ Neymar បានធ្វើឲ្យតារាឆ្នើមរូបនេះត្រូវសម្រាកនៅមន្ទីរពេទ្យ។
ខ្សែបម្រើ Willian របស់ប្រេស៊ីល បានឲ្យដឹងថា៖ «Neymar បង្កើតកម្រិតស្តង់ដារសម្រាប់យើង។ រូបគេអាចមានសមត្ថភាពក្នុងការកាត់សេចក្តីក្នុងការប្រកួតផ្សេងៗ ហេតុនេះ ការលេងដោយគ្មានរូបគេនឹងមានការលំបាក»។
Schweinsteiger បានចាប់ផ្តើមធ្វើឲ្យមានការចាប់អារម្មណ៍ទៅលើការប្រកួតនេះ តាមរយៈការបញ្ជាក់ថា លោកអាជ្ញាកណ្តាលត្រូវតែមានការយកចិត្តទុកដាក់យ៉ាងប្រកៀកទៅលើក្រុមប្រេស៊ីល ដែលបានប្រព្រឹត្តកំហុសចំនួន៥៩លើកក្នុងការប្រកួតពីរលើកចុងក្រោយ ខណៈដែលអាល្លឺម៉ង់បានប្រព្រឹត្តកំហុសត្រឹមតែ២៩លើកប៉ុណ្ណោះ។ ការប្រកួតនៅរាត្រីនេះ នឹងចាប់ផ្តើមនៅម៉ោង៣ទៀបភ្លឺ (ម៉ោងនៅកម្ពុជា)៕
ជំនួបបីលើកចុងក្រោយរវាងក្រុមទាំងពីរ
11/08/11 Germany 3-2 Brazil
25/06/05 Germany 2-3 Brazil
09/09/04 Germany 1-1 Brazil
ប្រែសម្រួលដោយ ផេង សំណាង
© រក្សាសិទ្ធិដោយ thmeythmey.com
