កីឡាអន្តរជាតិ
អន្តរជាតិ
អាល្លឺម៉ង់ក្លាយជាក្រុមអឺរ៉ុបទីមួយដែលលើកពាន World Cup នៅទឹកដីអាមេរិកឡាទីន
× កីឡាករបម្រុង Mario Götze បានស៊ុតបាល់បញ្ចូលទីនៅនាទី ទី១១៣ ដើម្បីនាំឲ្យអាល្លឺម៉ង់ក្លាយជាម្ចាស់ជើងឯក FIFA World Cup ឆ្នាំ២០១៤ តាមរយៈជ័យជម្នះ ១-០ លើអាហ្សង់ទីន នាការប្រកួតវគ្គផ្តាច់ព្រ័ត្រនៅកីឡដ្ឋាន Maracana Stadium ក្រុង Rio de Janeiro។
នេះជាការទទួលបានតំណែងជើងឯកលើកទីបួនរបស់អាល្លឺម៉ង់ ប៉ុន្តែវាជាពានលើកដំបូងផងដែររបស់ពួកគេ បើគិតចាប់តាំងពីការដួលរលំនៃជញ្ជាំងប៊ែរឡាំងក្នុងឆ្នាំ១៩៩០ ខណៈការឈ្នះបីលើកកន្លងមក គឺក្នុងនាមក្រុមជម្រើសជាតិអាល្លឺម៉ង់ខាងលិច ។ Gotze បានស៊ុតបាល់បញ្ចូលទីគ្រាប់ទី១៧១ ប្រចាំ World Cup ឆ្នាំ២០១៤ ដែលស្មើនឹងកំណត់ត្រានៅប្រទេសបារាំងកាលពីឆ្នាំ១៩៩៨។ នេះក៏ជាការឈ្នះពានលើកដំបូងផងដែររបស់ក្រុមប្រចាំតំបន់អឺរ៉ុបនៅលើទឹកដីអាមេរិកឡាទីន៕
© រក្សាសិទ្ធិដោយ thmeythmey.com