វិទ្យាសាស្រ្ត និង បច្ចេកវិទ្យា
អន្តរជាតិ
ក្រុមហ៊ុន Google ព្រមថាបើដាក់ហ្គេមលក់នឹងមិនប្រើពាក្យ Free
× នៅពេលឆាប់ៗនេះ ក្រុមហ៊ុន Google នឹងមិនអនុញ្ញាតិអោយអ្នកលេងហ្គេមដោយឥតគិតថ្លៃ ទៀត ទេប្រសិនបើក្រុមហ៊ុនត្រូវចំណាយលើ Content ឬត្រូវការ Upgrade ។ យោងតាមពត៌ មានមួយបាន អោយដឹងថាគណៈកម្មការ European Commission បានប្រកាសពីគោល ការណ៍ណែនាំថ្មីសម្រាប់ ការទិញដូចនៅក្នុងកម្មវិធី។
នៅក្នុងសេចក្តីប្រកាសរបស់គណៈកម្មការ European Commission បានលើកឡើងពីចំណុច គោល Upgrade កម្មវិធី:
•ហ្គេម ដែលដាក់ចំណងជើងថា "Free" មិនគួរដាក់តម្លៃអោយអតិថិជនមានការភាន់ច្រលំនោះ ទេ។
•ហ្គេម មិនគួរបញ្ចុះបញ្ចូលកុមារដោយផ្ទាល់ដើម្បីទិញ Item នៅក្នុងការប្រកួតហ្គេម ឬបញ្ចុះ បញ្ចូលមនុស្សពេញវ័យដើម្បីអោយទិញItemសម្រាប់ក្មេងៗនោះទេ។
•អតិថិជនគួរតែត្រូវបានជូនដំណឹងអំពីការបង់ប្រាក់សម្រាប់ការទិញ និងមិនគួរកាត់ប្រាក់ របស់ ពួកគេដោយគ្មានការអនុញ្ញាតិនោះទេ។
•អ្នកចែកចាយ គួរតែផ្ដល់នូវអាស័យដ្ឋានអ៊ីម៉ែលមួយដើម្បីអោយអតិថិជនសួរសំនួរ ឬធ្វើការ ស្នើរសុំ។
ក្រុមហ៊ុន Google បានយល់ព្រមជាមួយគណៈកម្មការ European Commission ថានឹងមិនប្រើ អក្សរ Free បើសិនជាហ្គេមដាក់លក់គិតថ្លៃ និងបង្កើតគោលការណ៍ណែនាំសម្រាប់អ្នក អភិវឌ្ឍន៍កម្មវិធីដើម្បីអនុវត្ត តាមវិធានការគណៈកម្មការ EU ព្រមទាំងបង្កើតសមាជិកតាម ដានការរំលោភច្បាប់របស់សហភាពអឺរ៉ុប (EU) ហើយថែមទាំងការផ្លាស់ប្តូរការកំណត់លំនាំ ដើមដោយអោយអតិថិជនដឹងពីតម្លៃទិញមុនរាល់ ពេលមានការបញ្ចាការទិញ។
តាមរបាយការរបស់ក្រុម Android Police បានអោយដឹងថាក្រុមហ៊ុនបានធ្វើការយ៉ាងជិតស្និទ្ធ ជាមួយគណៈកម្មាការអឺរ៉ុប និងទីភ្នាក់ងារការពារអតិថិជន ដើម្បីធ្វើឱ្យមានភាពប្រសើរឡើង ទាក់ទងទៅនឹង Google Play ហើយក៏ទទួលបានលទ្ធផលល្អសម្រាប់អ្នកលេង ថែមទាំងអាច ផ្តល់ជូននូវការការពារល្អប្រសើរជាងមុនសម្រាប់កុមារ។
ក្រុមហ៊ុន Google មិនបានចង្អុលបង្ហាញពីផលប៉ះពាល់ដល់កម្មវិធីលេងហ្គេមនៅក្នុង Play Store នៅសហរដ្ឋអាមេរិកទេ ។ បច្ចុប្បន្ននេះ Federal Trade Commision បានផ្តួចផ្តើមដាក់ ពាក្យបណ្តឹងប្រឆាំងជាមួយនឹងក្រុមហ៊ុន Amazon ដើម្បីទាមទារសំណងជូនអតិថិជន។ រឿងស្រដៀងគ្នានេះ ក្រុមហ៊ុន Apple បានដោះស្រាយជាមួយក្រុម FTC ដោយសងប្រាក់ចំនួន 32.5 លានដុល្លារ ។
ប្រភពៈ PCWorld
ផ្តល់សិទ្ធិដោយ www.itcity.com.kh
© រក្សាសិទ្ធិដោយ thmeythmey.com