ពីនេះ ពីនោះ
អន្តរជាតិ
ច្រាស់ដុសធ្មេញថ្លៃជាងគេនៅលើពិភពលោក តម្លៃ ៤២០០ ដុល្លារ
×
នៅពេលដែលឃើញតម្លៃរបស់ច្រាស់ដុសធ្មេញនេះ មនុស្សម្នាជាច្រើនបានស្រម៉ៃថា វាប្រហែលជាធ្វើមកពីមាសហើយមើលទៅ ប៉ុន្តែអ្នកប្រហែលជាគិតខុសហើយ តាមពិតទៅច្រាស់ដុសធ្មេញតម្លៃកប់ពពកនេះ គឺធ្វើពីធាតុទីតានីញ៉ូម ដែលជារ៉ែកម្រម្យ៉ាងនៅលើពិភពលោក។
យោងតាម Business Insider ក្រុមហ៊ុនផលិតច្រាស់ដុសធ្មេញប្រណិត Reinast បានផលិតច្រាស់ដុសធ្មេញធ្វើពីធាតុទីតានីញ៉ូមនេះឡើង ដោយមានការរចនារូបរាងយ៉ាងស្រស់ស្អាត មានភាពធន់ និងជាពិសេស វាមានជាតិថ្នាំការពារបាក់តេរី គ្រប់ប្រភេទ។ កត្តាទាំងអស់នេះហើយ បានជាធ្វើឲ្យច្រាស់ដុសធ្មេញនេះ មានតម្លៃសម្រាប់ការដាក់លក់រាយរហូតដល់ ៤២០០ ដុល្លារអាមេរិក។
លក្ខណៈពិសេសមួយទៀត របស់ច្រាស់ដុសធ្មេញReinast គឺគេអាចផ្លាស់ប្ដូរសរសៃសម្រាប់ដុសធ្មេញបាន ហើយក្រុមហ៊ុននេះបានធានាផ្ដល់សេវាផ្លាស់ប្ដូរសរសៃច្រាស់ ដោយឥតគិតថ្លៃចំនួន ៣ ឆ្នាំ។ មុនពេលការផ្ដល់ជូនពិសេសនេះ គឺរាល់ការផ្លាស់ប្ដូរសរសៃច្រាស់គឺមានតម្លៃ ៤០០ ដុល្លារសម្រាប់រយៈពេល ៥ ឆ្នាំ ៨០០ ដុល្លារសម្រាប់រយៈពេល ៧ ឆ្នាំ និង ១៦០០ ដុល្លារសម្រាប់ការប្ដូរសរសៃច្រាស់ក្នុងរយៈពេល ១១ ឆ្នាំ៕
© រក្សាសិទ្ធិដោយ thmeythmey.com