ពីនេះ ពីនោះ
អន្តរជាតិ
×![]()
សម្រាប់អ្នកដែលចង់ធ្វើការជាមួយទូរទស្សន៍Bloomberg ដែលជាទីភ្នាក់ងារព័ត៌មានសេដ្ឋកិច្ចមួយដ៏ល្បីនៅទូទាំងពិភពលោក អ្នករាយការណ៍ព័ត៌មានដែលមកធ្វើសម្ភាសន៍ ត្រូវឆ្លើយសំណួរដ៏សំខាន់ចំនួនបីពីនិពន្ធនាយកBloomberg លោក Matthew Winkler ឲ្យបាន នោះអ្នកសម្ភាសន៍នឹងអាចជាប់ជាបុគ្គលិក របស់ទូរទស្សន៍អាមេរិកដ៏ធំមួយនេះហើយ។
សំណួរទាំងបីខាងលើនេះ គឺជាដំណើរការសម្ភាសន៍ការងារនៅដំណាក់កាលចុងក្រោយ ដែលអ្នកមកសម្ភាសន៍ ត្រូវឆ្លើយសំណួរទាំងនេះ ឲ្យបានត្រឹមត្រូវដើម្បីទទួលបានការងារធ្វើ។ ចំពោះសំណួរដែលនិពន្ធនាយកBloombergចោទសួរនេះគឺបានមកពីបេក្ខជនម្នាក់ ដែលបានចូលទៅដល់ដំណាក់ចុងក្រោយនេះ ហើយបានប្រាប់ពីសំណួរ និងរបៀបឆ្លើយផងដែរ។
សំណួរទាំង ៣ នោះគឺមានដូចជា៖
ទី១៖ តើអ្វីជាតម្លៃដ៏សំខាន់បំផុត របស់សារព័ត៌មាន?
ចម្លើយដែលត្រូវឆ្លើយនោះគឺពាក្យតែមួយម៉ាត់គត់គឺ «ភាពត្រឹមត្រូវ»
ទី២៖ តើអ្នកមើលឃើញខ្លួនឯងនៅត្រង់ណា ក្នុងរយៈពេលប៉ុន្មានឆ្នាំខាងមុខទៀត?
សំណួរនេះគឺនិពន្ធនាយក ចង់ដឹងពីមហិច្ឆិតារបស់អ្នកមកសម្ភាសន៍ ក្នុងនាមជាបុគ្គលិកនៅក្នុងទូរទស្សន៍ Bloomberg ។ ប៉ុន្តែប្រសិនបើអ្នកឆ្លើយថា អ្នកមានក្ដីស្រម៉ៃចង់ធ្វើអ្វីផ្សេងក្រៅពីBloomberg នៅពេលអនាគតនោះអ្នកនឹងត្រូវធ្លាក់។ ចំពោះចម្លើយដែលទាក់ទាញនិពន្ធនាយកនោះគឺ ខ្ញុំចង់ធ្វើជានិពន្ធនាយក Bloomberg នៅថ្ងៃខាងមុខ។
ទី៣៖ តើអ្វីជាលក្ខណៈសំខាន់បំផុត នៃព័ត៌មានពីផ្នែកហិរញ្ញវត្ថុក្នុងសម័យទំនើបនេះ?
ចំពោះចម្លើយអ្នកអាចនិយាយថា គឺវាអាស្រ័យលើហេតុការណ៍ណាដែលធំបំផុត ក្នុងពេលនោះ ដូចជាកាលពីរដូវក្ដៅឆ្នាំមុន រឿងហិរញ្ញវត្ថុដែលធមបំផុតគឺវិបត្តិបំណុល របស់ប្រទេសក្រិច ប៉ុន្តែឥឡូវនេះគឺអាចជារឿងនៅក្នុងទីផ្សារនៃបណ្ដាប្រទេសកំពុងរីកចម្រើន។ នេះគឺមានន័យថាអ្នកបានដឹងរឿងគ្រប់យ៉ាងនៃការវិវត្តន៍ផ្នែកហិរញ្ញវត្ថុ ដើម្បីក្លាយជាអ្នករាយការណ៍ពីព័ត៌មានហិរញ្ញវត្ថុ នៅក្នុងទូរទស្សន៍អាមេរិកដ៏ធំមួយនេះ៕
© រក្សាសិទ្ធិដោយ thmeythmey.com
