ពីនេះ ពីនោះ
អន្តរជាតិ
JamesBondទទួលបានរថយន្តថ្មីគ្មានលក់លើទីផ្សារដើម្បីថតខ្សែភាពយន្តទី២៤
×
លោក Daniel Craig ដែលត្រូវបានគេស្គាល់ថាជាតួអង្គJamesBond ឬមានរហ័សនាម 007 នោះ នឹងត្រូវទទួលបានរថយន្តថ្មីដ៏ទំនើបមួយគ្រឿងទៀត ម៉ាក DB10 ដែលផលិតដោយក្រុមហ៊ុន Aston Martin ដើម្បីថតខ្សែភាពយន្តទី២៤ របស់លោកដែលមានចំណងជើងថា«Spectre»។ នេះបើយោងតាមការផ្សាយរបស់ CNBC ។
ប្រភពដដែលបានផ្សាយថា តួអង្គចារជន JamesBond នឹងក្លាយជាម្ចាស់របស់រថយន្តថ្មីស្រឡាងនេះតែម្នាក់គត់ បើទោះបីជាអ្នកមានប្រាក់ក៏មិនអាចទិញរថយន្តមួយគ្រឿងនេះបានដែរ។ លក្ខណៈពិសេសរបស់រថយន្តនោះ គឺបានរចនាម៉ូដដោយផ្ទាល់ដៃជាពិសេសពីសំណាក់ នាយកប្រតិបត្តិក្រុមហ៊ុនAston Martin គឺលោក Andy Palmer ដោយរូបលោកគឺជាអ្នកធ្វើការដោយផ្ទាល់ជាមួយវិស្វករ និងអ្នករចនាម៉ូដ ដើម្បីផលិតរថយន្តថ្មីនេះឡើង។
រថយន្តម៉ាក DB10 នេះគឺនឹងមិនមានលក់ក្នុងទីផ្សារនោះទេ ដោយក្រុមហ៊ុនគ្រោងផលិតតែ ១០ គ្រឿងប៉ុណ្ណោះ តាមរយៈកុងត្រាជាមួយផលិតកម្ម EON Productions ដែលជាអ្នកថតរឿងស៊ើបអង្កេតថ្មីនេះ។
ខណៈពេលដែលម៉ូដែលថ្មីនេះមិនមានកំណត់តម្លៃនោះរថយន្តម៉ាកDB9ដែលដាក់លក់កាលពីឆ្នាំ ២០១៤ របស់ក្រុមហ៊ុននេះបានដាក់លក់ចាប់ពីតម្លៃ ១៨៣ ៧០០ ដុល្លារឡើងទៅ។ក្រុមហ៊ុន Aston Martinបានរាយការណ៍ថាប្រាក់ចំណូលពីការលក់រថយន្ត គឺមានប្រមាណជា ៨០៩,៥ លានដុល្លារកាលពីឆ្នាំ ២០១៣ដោយបានលក់រថយន្តចេញចំនួន ៥៧៥គ្រឿង៕
© រក្សាសិទ្ធិដោយ thmeythmey.com