ជាតិ
សង្គមជាតិ
សហគមន៍ក្រីក្រនៅភ្នំពេញ មាន៣៣៥កន្លែង
× សាលារាជធានីភ្នំពេញក៏ចូលរួមប្រារព្ធទិវាសិទ្ធិមនុស្សអន្តរជាតិ១០ធ្នូដែរ។ នៅលើទីតាំងកោះពេជ្រ ពិធីដែលមានការចូលរួមពីអង្គការសិទ្ធិមនុស្សជាតិ និងអន្តរជាតិ តំណាងអង្គការ សហប្រជាជាតិ និងសហភាពអឺរ៉ុបផងនោះ ត្រូវប្រព្រឹត្តទៅក្រោមប្រធានបទ«ការអភិវឌ្ឍរាជធានីភ្នំពេញ និងសិទ្ធិជាមូលដ្ឋានរបស់សហគមន៍ក្រីក្រ»។
លោក ប៉ា សុជាតិវង្ស អភិបាលរាជធានីភ្នំពេញ បានថ្លែងអោយដឹងថា មានសហគមន៍ក្រីក្រចំនួន៣៣៥សហគមន៍នៅក្នុងរាជធានី ដែលអាជ្ញាធរត្រូវយកចិត្តទុកដាក់ និងមានវិធានការដោះស្រាយបញ្ហាការរស់នៅរបស់ពួកគេ។ ការដោះស្រាយទាំងនោះរួមមាន ទឹកស្អាត អគ្គិសនី សំរាមជាដើម។ លោក ប៉ា សុជាតិវង្ស បន្តថាលោកនឹងបង្កើតវេទិកាសាធារណៈ ដើម្បីពង្រឹងគោលនយោបាយឃុំសង្កាត់មានសុវត្ថិភាពនៅតាមសហគមន៍ទាំងនោះ។
បើតាមការបញ្ជាក់របស់លោកអភិបាលរាជធានីដដែល ពលរដ្ឋនៃសហគមន៍ក្រីក្រភាគច្រើន គឺជាពលរដ្ឋចំណាកស្រុកមកពីបណ្តាខេត្តនានា ហើយដែលកំពុងរស់នៅក្បែរផ្លូវទឹក ផ្លូវរថភ្លើង ក្បែរផ្លូវជាតិ និងនៅតាមសហគមន៍សំណង់អនាធិបតេយ្យ៕
© រក្សាសិទ្ធិដោយ thmeythmey.com