ជាតិ
សង្គមជាតិ
អ្នកសារព័ត៌មានជាតួឯកក្នុងការកម្ចាត់អំពើពុករលួយ
× ក្នុងទិវាជាតិប្រយុទ្ធប្រឆាំងអំពើពុករលួយ៩ធ្នូម្សិលមិញលោកឱមយ៉ិនទៀងប្រធានអង្គភាពប្រឆាំងអំពើពុករលួយបានសរសើរសកម្មភាពរបស់អ្នកសារព័ត៌មានក្នុងការបោសសម្អាតអំពើពុករលួយនៅកម្ពុជា។សម្រាប់លោកឱមយ៉ិនទៀងអ្នកសារព័ត៌មានគឺជាតួអង្គឯកក្នុងរឿងប្រឆាំងអំពើពុករលួយដែលមិនអាចខ្វះបាន។
លោកប្រធានអង្គភាពប្រឆាំងអំពើពុករលួយរូបនេះក៏បានសរសើរចំៗចំពោះប្រព័ន្ធផ្សព្វផ្សាយមួយចំនួនដែលបានចូលរួមប្រឆាំងអំពើពុករលួយយ៉ាងសកម្មនៅកម្ពុជា។ប្រព័ន្ធផ្សព្វផ្សាយទាំងនោះមានដូចជាកាសែតរស្មីកម្ពុជានិងសារព័ត៌មានថ្មីៗជាដើម។
ក្នុងទិវាជាតិប្រឆាំងអំពើពុករលួយដែលប្រារព្ធឡើងក្រោមប្រធានបទតួនាទីដ៏វិសេសវិសាលរបស់អ្នកសារព័ត៌មានកាលពីម្សិលមិញលោកឱមយ៉ិនទៀងបានបញ្ជាក់ដច្នេះថា៖« ប្រព័ន្ធផ្សព្វផ្សាយគឺជាតួឯកក្នុងការប្រឆាំងអំពើពុករលួយ។ហើយព្រឹកមិញខ្ញុំបានឃើញអត្ថបទមួយរបស់សារព័ត៌មានថ្មីៗមានចំណងជើងថាវិធីសាស្ត្របំបាត់អំពើពុករលួយដ៏មានប្រសិទ្ធិភាព។អត្ថបទនេះអង្គភាពប្រឆាំងអំពើពុករលួយបានយកមកសិក្សានិងពិចារណារក្នុងការបំពេញតួនាទីរបស់ខ្លួន»។
© រក្សាសិទ្ធិដោយ thmeythmey.com