ព័ត៍មានសុខភាព
បើម្តាយកើតជំងឺស្វាយ តើអាចប៉ះពាល់ដល់ទារកក្នុងផ្ទៃ យ៉ាងដូចម្តេច?
× ស្វាយ គឺជាជំងឺកាមរោគ ដែលបង្ករឡើងដោយបាក់តេរី។ ជំងឺនេះ បានចាប់ផ្តើមដោយការមានដំបៅ ដោយមិនមានការឈឺចាប់ ដែលជាធម្មតា កើតនៅលើប្រដាប់ភេទ រន្ធគូថ ឬនៅលើមាត់។
ស្វាយ អាចរាលដាល ពីមនុស្សម្នាក់ទៅមនុស្សម្នាក់ទៀត តាមរយៈការប៉ះពាល់ស្បែក ឬភ្នាសដែលមានដំបៅ។ បន្ទាប់ពីការឆ្លងមេរោគដំបូង បាក់តេរី អាចសម្ងំស្ងៀម នៅក្នុងខ្លួនរបស់អ្នកជាច្រើនឆ្នាំ មុនពេល វាក្លាយជាសកម្មសារជាថ្មីម្តងទៀត ដែលនាំអោយមានជារោគសញ្ញាកើតមានឡើង។ បច្ចុប្បន្ន ជំងឺស្វាយ អាចព្យាបាលបានជាសះស្បើយ ពេលខ្លះ ដោយគ្រាន់តែជាការចាក់ពពួកប៉េនីស៊ីលីនត្រឹមតែមួយដូស។
បើមិនមានការព្យាបាលទេនោះ ជំងឺស្វាយ អាចធ្វើអោយប៉ះពាល់ដល់បេះដូង ខួរក្បាល ឬសរីរាង្គផ្សេងទៀត ហើយអាចគម្រាមកំហែង ដល់អាយុជីវិតផងដែរ។ អត្រានៃការឆ្លងជំងឺស្វាយ នៅក្នុងសហរដ្ឋអាមេរិច ត្រូវបានថយចុះ ក្នុងចំនោមស្ត្រី ចាប់តាំងពីឆ្នាំ ២០១០ មក ប៉ុន្តែ វាបានកើនឡើងនៅក្នុងចំនោមបុរស ជាពិសេស បុរសដែលរួមភេទជាមួយបុរស។ ដំបៅនៅលើប្រដាប់ភេទ ដោយសារតែជំងឺស្វាយ អាចជាហេតុធ្វើអោយវា មានភាពងាយស្រួលក្នុងការឆ្លងមេរោគអេដស៍។
ប្រសិនបើអ្នកមានផ្ទៃពោះ អ្នកអាចចម្លងជំងឺស្វាយ ទៅកូនរបស់អ្នកដែលមិនទាន់កើត។ ជំងឺស្វាយ ដែលកើតតាំងពីកំណើត អាចបង្កើននូវនូវហានិភ័យនៃការរលូតកូន ទារកស្លាប់ក្នុងផ្ទៃ ឬទារកស្លាប់ បន្ទាប់ពីកើតបានពីរបីថ្ងៃ៕
ផ្តល់សិទ្ធិដោយ www.health.com.kh © រក្សាសិទ្ធិដោយ thmeythmey.com