ជាតិ
សង្គមជាតិ
ស្លាប់៦នាក់របួស១៤នាក់ក្នុងគ្រោះថ្នាក់ចរាចរណ៍ទូទាំងប្រទេសកាលពីម្សិលមិញ
×
គិតត្រឹមម៉ោង២រសៀលថ្ងៃទី១១ខែធ្នូឆ្នាំ២០១៤ មានមនុស្ស៦នាក់បានស្លាប់ និង១៤នាក់របួសធ្ងន់ស្រាល នៅក្នុងហេតុការណ៍គ្រោះថ្នាក់ចរាចរណ៍ដែលបានកើតឡើងចំនួន១១លើកនៅទូទាំងប្រទេសកម្ពុជា។ នេះបើយោងតាមការផ្សព្វផ្សាយនៅក្នុងគេហទំព័ររបស់អគ្គស្នងការនគរបាលជាតិ។
ប្រភពដដែលបន្តថា ក្នុងគ្រោះថ្នាក់ចរាចរណ៍ដែលបានកើតឡើងទាំង១១លើកនោះ បានបណ្តាលឲ្យខូចខាតយានយន្តចំនួន១៧គ្រឿង ក្នុងនោះមានម៉ូតូចំនួន១៣គ្រឿង រថយន្តធុនធំ០២គ្រឿង រថយន្តធុនតូច០២គ្រឿង។
មូលហេតុដែលនាំឲ្យកើតមានគ្រោះថ្នាក់ចរាចរណ៍ គឺបណ្តាលមកពីការបើកបរហួសល្បឿនចំនួន០៦លើក ប្រជែងគ្រោះថ្នាក់០១លើក បត់គ្រោះថ្នាក់០១លើក និងស្រវឹង០១លើក ចតគ្មានភ្លើងសញ្ញា០១លើក និងកត្តាយានយន្ត០១លើក ក្នុងនោះអ្នកគ្រោះថ្នាក់ជិះម៉ូតូមិនពាក់មួកសុវត្ថិភាពចំនួន២០នាក់។
ដោយឡែកយានយន្តដែលទទួលរងការផាកពិន័យនៅអង្គភាពមានចំនួន១១០គ្រឿង រួមមានរថយន្តទេសចរណ៍គ្រួសារ១២គ្រឿង រថយន្តដឹកអ្នកដំណើរធុនតូចចំនួន៣៣គ្រឿង រថយន្តដឹកទំនិញធុនតូច២៤គ្រឿង រថយន្ត ដឹកទំនិញធុនធំ៤១គ្រឿង៕
© រក្សាសិទ្ធិដោយ thmeythmey.com