កីឡាជាតិ
ជាតិ
Hun Sen Cup ឈប់ទទួលពាក្យត្រឹមម៉ោង៤ ល្ងាចស្អែក
× សហព័ន្ធកីឡាបាល់ទាត់កម្ពុជាបានចេញសេចក្ដីជូនដំណឹងមួយថាឈប់ទទួលបានពាក្យសុំចុះឈ្មោះចូលរួមប្រកួតក្នុងពានរង្វាន់លំដាប់ទី២ប្រចាំប្រទេសកម្ពុជា Hun Sen Cup 2015 នៅថ្ងៃទី១៧ ខែ ធ្នូ ស្អែកនេះវេលាម៉ោង៤ ល្ងាចពោលគឺក្រុមទាំងអស់ត្រូវមានឯកសារគ្រប់គ្រាន់ត្រឹមថ្ងៃឈប់ទទួលពាក្យ។
យោងតាមលិខិតលេខ៥០៤/១៤ស.ប.កចុះថ្ងៃទី ១២ ធ្នូ ឆ្នាំ២០១៤ ខាងលើនេះក្រោយពេលបិទលែងទទួលពាក្យចំនួន២ ថ្ងៃ គឺនៅថ្ងៃទី ១៩ ខែធ្នូ វេលាម៉ោង ៩ ព្រឹកនិងមានប្រជុំចាប់ឆ្នោតជ្រើសរើសពូលនៅស្នាក់ការរបស់សហព័ន្ធក្នុងបរិវេណពហុកីឡដ្ឋានជាតិ។
ពានរង្វាន់នេះនឹងចាប់ផ្ដើមពីថ្ងៃទី៨ ខែ មករា ដល់ ១៩ ខែ មីនា ឆ្នាំ២០១៥ ខាងមុខ។ ដោយចែកជា២ ដំណាក់កាល។ដំណាក់កាលដំបូងធ្វើឡើងនៅតាមតំបន់នានាមកពីជុំវិញប្រទេសចាប់ពីថ្ងៃទី ០៨ ដល់ថ្ងៃទី១៤ខែមករា និង ដំណាក់កាលចុងក្រោយធ្វើឡើងបន្ទាប់ពីស្វែងរកក្រុមខ្លាំងតាមតំបន់ឡើងមកប្រកួតជាមួយក្រុមផ្សេងទៀតដែលមានឈ្មោះក្នុងលីកកំពូលកម្ពុជាមានកៅអីរួចជាស្រេចចាប់ពីថ្ងៃទី២១ ខែមករាដល់ថ្ងៃទី១៤ ខែមិនា ឆ្នាំ២០១។
តាមគម្រោងវគ្គជម្រុះដំបូងបានបែងចែកជា៦ ផ្សេងគ្នាមាន៖
១) តំបន់រាជធានីភ្នំពេញ (៣ ពូល)៖១.ខណ្ឌ៧មករា ២.ចំការមន៣.ទួលគោក៤.ដូនពេញ៥.ឫស្សីកែវ៦.សែនសុខ៧.ពោធិ៍សែនជ័យ៨.ដង្កោ៩.មានជ័យ ១០.ជ្រោយចង្វារ១១.ច្បារអំពៅ១២.ព្រែកព្នៅ១៣.ក្រសួងការពារជាតិ១៤.សាកលវិទ្យាល័យវេស្ទើន១៥.គិរីវង់សុខសែនជ័យនិង ១៦. អាល់ប៊ីរិចនីហ្គាតាភ្នំពេញ។
២) តំបន់ខាងកើត៖ព្រៃវែង, ស្វាយរៀង, កំពង់ចាម, កណ្តាល, ត្បូងឃ្មុំ
៣) តំបន់ខាងលិច៖ប៉ៃលិន, បាត់ដំបង, ពោធិ៍សាត់, កំពង់ឆ្នាំង, កំពង់ស្ពឺ
៤) តំបន់កណ្ដាល៖កំពង់ធំ, សៀមរាប, បន្ទាយមានជ័យ, ឧត្តរមានជ័យ, ព្រះវិហារ
៥) តំបន់ខាងត្បូង៖តាកែវ, កំពត, កែប, ព្រះសីហនុ, កោះកុង
៦) តំបន់ខាងជើង៖មណ្ឌលគីរី, រតនៈគីរី, ក្រចេះ, ស្ទឹងត្រែង។
សម្រាប់ក្រុមនៅមិនទាន់ដាក់ពាក្យឬ នៅខ្វះឯកសារសូមរួសរាន់ទាក់ទងទៅលោកយាន ឈាង តាមលេខទូរសព្ទ (+៨៥៥) ០១៦/០១១-៨២០៨៨២ ឬ អ៊ីម៉ែល៕
© រក្សាសិទ្ធិដោយ thmeythmey.com