ជាតិ
សង្គមជាតិ
កិច្ចប្រជុំថ្នាក់តំបន់ស្តីពីឋបនីយជីវមណ្ឌលអាស៊ីអាគ្នេយ៍និងប៉ាស៊ីហ្វិករៀបចំធ្វើនៅសៀមរាប
× កិច្ចប្រជុំថ្នាក់តំបន់លើកទី៨ស្តីពីឋបនីយជីវមណ្ឌលអាស៊ីអាគ្នេយ៍កិច្ចប្រជុំលើទី២នៃបណ្តាញឋបនីយជីវមណ្ឌលអាស៊ី-ប៉ាស៊ីហ្វិកនិងសិក្ខាសាលាលើកទី៣ស្តីពីការពង្រឹងសមត្ថភាពគ្រប់គ្រងឋបនីយជីវមណ្ឌលនិងតំបន់ការពារធម្មជាតិបានចាប់ផ្តើមហើយកាលពីថ្ងៃទី១៥ខែធ្នូម្សិលមិញ។កិច្ចប្រជុំនេះមានរយៈពេល៥ថ្ងៃគឺពីថ្ងៃទី១៥ដល់ថ្ងៃទី១៩ខែធ្នូឆ្នាំ២០១៤រៀបចំធ្វើនៅទឹកដីអង្គរខេត្តសៀមរាបរៀបចំក្រសួងបរិស្ថានសហការជាមួយអង្គការយូណេស្កូនិងដៃគូអភិវឌ្ឍន៍នានា។
គោលបំណងនៃកិច្ចប្រជុំនេះគឺដើម្បីកំណត់តម្រូវការនៃឋបនីយជីវមណ្ឌលកំណត់អត្តសញ្ញាណតំបន់ការពារប្រព័ន្ធអេកូឡូស៊ីកំណត់តម្លៃនិងអត្ថប្រយោជន៍នៃហេតុប៉ះពាល់បរិស្ថានសេដ្ឋកិច្ចសង្គមនិងវប្បធម៌នៅក្នុងតំបន់ឋបនីយជីវមណ្ឌលសំដៅប្រែក្លាយតំបន់ទាំងនោះឱ្យទៅជាគោលដៅអេកូទេសចរណ៍និងតំបន់អភិវឌ្ឍន៍ប្រកបដោយនិរន្តរភាពដើម្បីជាប្រយោជន៍ដល់ការរស់នៅរបស់ប្រជាសហគមន៍ក្នុងមូលដ្ឋាន។
សមាជិកតំណាងមកពីបណ្តាប្រទេសនៃអាស៊ីអាគ្នេយ៍អ្នកជំនាញដែលមកពីប្រទេស កូរ៉េចិនឥណ្ឌូនេស៊ីម៉ាឡេស៊ីមីយ៉ាន់ម៉ាហ្វីលីពីនថៃវៀតណាមម៉ុងហ្គោលីរុស្ស៊ីឥណ្ឌាអ៊ីរ៉ង់កាហ្សាក់ស្ថានណេប៉ាល់និងអូស្ត្រាលីជាដើមនឹងធ្វើការពិភាក្សាគ្នាលើប្រធានបទសំខាន់ៗមួយចំនួនដូចជាអេកូទេសចរណ៍និងធម្មជាតិនិងការបំពាក់ស្លាកថាតំបន់អេកូទេសចរណ៍ នៅជុំវិញជីវមណ្ឌលបម្រុងដើម្បីអ្នកទេសចរណ៍អាចចូលទៅទស្សនាតំបន់ទាំងនោះ៕
© រក្សាសិទ្ធិដោយ thmeythmey.com