ជាតិ
សុខភាព
ផ្ទុះការឆ្លងមេរោគអេដស៏ជាក្រុមនៅបាត់ដំបង៖ ៧២នាក់ឆ្លងមេរោគអេដស៏ក្នុងភូមិរកា
លោកវេជ្ជបណ្ឌិត តែង គន្ធី អគ្គលេខាធិការអាជ្ញាធរជាតិប្រយុទ្ធនឹងជំងឹអេដស៏
×![]()
ក្នុងចំណោមអ្នកភូមិ៥៥៦នាក់ដែលត្រូវបានក្រុមគ្រូពេទ្យពិសេសធ្វើតេស្តឈាមនោះ ៧២នាក់ត្រូវបានរកឃើញថាបានឆ្លងមេរោគអេដស៏ ដែលក្នុងនោះមានកុមារចំនួន១៤នាក់។ នេះបើតាមការអះអាងរបស់លោកវេជ្ជបណ្ឌិត តែង គន្ធី អគ្គលេខាធិកានៃអាជ្ញាធរជាតិប្រយុទ្ធនឹងជំងឺអេដស៏ ដែលបញ្ជាក់បន្តថា ជនរងគ្រោះទាំង៧២នាក់ ត្រូវបានផ្តល់កញ្ចប់សេវាថែរក្សាសុខភាពហើយ។
សោកនាដកម្មគួរតែបានកើតឡើងក្នុងរយៈពេលយូរហើយ ដោយបង្កឡើងគ្រូពេទ្យប្រចាំភូមិរកា២នាក់ ដែលទំនងជាបានប្រើប្រាស់សឺរ៉ាំងមិនស្អាត ឬប្រើប្រាស់សឺរ៉ាំងដដែលៗ ទៅលើអ្នកជំងឺបន្តបន្ទាប់គ្នានៅក្នុងភូមិ។ ក្រុមការងារពិសេសពីអាជ្ញាធរជាតិប្រយុទ្ធនឹងជំងឺអេដស៏កំពុងដាក់ការសង្ស័យទៅលើគ្រូពេទ្យទាំងពីរនាក់នេះ ដែលបានរត់គេចខ្លួនបាត់ហើយ។
ពន្យល់ប្រាប់សារព័ត៌មានថ្មីៗ ពីខេត្តបាត់ដំបង ជាទីដែលលោកកំពុងដឹកនាំការងារតាមដានរកមូលហេតុនៃការឆ្លងជាក្រុមនេះ លោកវេជ្ជបណ្ឌិត តែង គន្ធី បានប្រាប់អោយដឹងថា ការឆ្លងតាមមធ្យោបាយសម្ភារៈ អាចជាការសន្និដ្ឋានចម្បងមួយនៃមូលហេតុនៃការឆ្លងនេះ។ លោកអគ្គលេខាធិការនៃអាជ្ញាធរជាតិប្រយុទ្ធនឹងជំងឺអេដស៏បានអះអាងយ៉ាងដូច្នេះថា៖«យើងបានធ្វើសម្ភាសន៍ហើយ ភូមិនេះមិនមានករណីការប្រើប្រាស់គ្រឿងញៀន ដែលអាចជាប្រភពនៃការចម្លងមេរោគអេដស៏ឡើយ។ យើងសង្ស័យមន្ទីរព្យាបាលឯកជន២កន្លែង ដែលគ្រូពេទ្យនោះគ្រាន់តែជាអ្នកធ្លាប់អនុវត្តមុខវិជ្ជាពេទ្យតាំងពីមុនសម័យសមាហរណកម្មមកម្លេះ។ យើងចង់ជួបសម្ភាសន៍ពួកគេ ប៉ុន្តែ ពួកគេរត់គេចខ្លួនហើយ»។ ទោះយ៉ាងយ៉ាងក៏ដោយ លោកវេជ្ជបណ្ឌិត តែង គន្ធី បញ្ជាក់ថាក្រុមការងាររបស់លោក នៅបន្តស្វែងរកមូលហេតុពិតប្រាកដនៃការឆ្លងជាក្រុមបែបនេះ។
«វាគឺជាការគួរឲ្យសោកស្តាយមួយ។ យើងនឹងរកមូលហេតុនេះឲ្យឃើញ និងដោះស្រាយបញ្ហា។ ទន្ទឹមគ្នានេះ យើងក៏ត្រូវផ្តល់ការអប់រំនៅក្នុងភូមិរកានេះដល់អ្នកភូមិ ដល់អាជ្ញាធរផងដែរ»។ នេះជាការអធិប្បាយរបស់លោកវេជ្ជបណ្ឌិត តែង គន្ធី។
កាលពីចុងខែវិច្ឆិកា នៅក្នុងក្របខណ្ឌនៃការពង្រីកសេវាធ្វើតេស្តឈាមរកមេរោគអេដស៏ ក្នុងខេត្តបាត់ដំបង ក្រុមការងារបានជួបប្រទះករណីឆ្លងមេរោគអេដស៏ខុសធម្មតានៅក្នុងភូមិរកា នៃស្រុកសង្កែ ខេត្តបាត់ដំបងនេះ។ ការសង្ស័យនេះបានតម្រូវអោយក្រុមការងារថ្នាក់ជាតិបញ្ជូនកម្លាំងមកបន្ថែមដើម្បីតាមដានការផ្ទុះឡើងនៃការឆ្លងមេរោគដែលគេមិនអាចព្យាបាលបាននេះ៕
សោកនាដកម្មគួរតែបានកើតឡើងក្នុងរយៈពេលយូរហើយ ដោយបង្កឡើងគ្រូពេទ្យប្រចាំភូមិរកា២នាក់ ដែលទំនងជាបានប្រើប្រាស់សឺរ៉ាំងមិនស្អាត ឬប្រើប្រាស់សឺរ៉ាំងដដែលៗ ទៅលើអ្នកជំងឺបន្តបន្ទាប់គ្នានៅក្នុងភូមិ។ ក្រុមការងារពិសេសពីអាជ្ញាធរជាតិប្រយុទ្ធនឹងជំងឺអេដស៏កំពុងដាក់ការសង្ស័យទៅលើគ្រូពេទ្យទាំងពីរនាក់នេះ ដែលបានរត់គេចខ្លួនបាត់ហើយ។
ពន្យល់ប្រាប់សារព័ត៌មានថ្មីៗ ពីខេត្តបាត់ដំបង ជាទីដែលលោកកំពុងដឹកនាំការងារតាមដានរកមូលហេតុនៃការឆ្លងជាក្រុមនេះ លោកវេជ្ជបណ្ឌិត តែង គន្ធី បានប្រាប់អោយដឹងថា ការឆ្លងតាមមធ្យោបាយសម្ភារៈ អាចជាការសន្និដ្ឋានចម្បងមួយនៃមូលហេតុនៃការឆ្លងនេះ។ លោកអគ្គលេខាធិការនៃអាជ្ញាធរជាតិប្រយុទ្ធនឹងជំងឺអេដស៏បានអះអាងយ៉ាងដូច្នេះថា៖«យើងបានធ្វើសម្ភាសន៍ហើយ ភូមិនេះមិនមានករណីការប្រើប្រាស់គ្រឿងញៀន ដែលអាចជាប្រភពនៃការចម្លងមេរោគអេដស៏ឡើយ។ យើងសង្ស័យមន្ទីរព្យាបាលឯកជន២កន្លែង ដែលគ្រូពេទ្យនោះគ្រាន់តែជាអ្នកធ្លាប់អនុវត្តមុខវិជ្ជាពេទ្យតាំងពីមុនសម័យសមាហរណកម្មមកម្លេះ។ យើងចង់ជួបសម្ភាសន៍ពួកគេ ប៉ុន្តែ ពួកគេរត់គេចខ្លួនហើយ»។ ទោះយ៉ាងយ៉ាងក៏ដោយ លោកវេជ្ជបណ្ឌិត តែង គន្ធី បញ្ជាក់ថាក្រុមការងាររបស់លោក នៅបន្តស្វែងរកមូលហេតុពិតប្រាកដនៃការឆ្លងជាក្រុមបែបនេះ។
«វាគឺជាការគួរឲ្យសោកស្តាយមួយ។ យើងនឹងរកមូលហេតុនេះឲ្យឃើញ និងដោះស្រាយបញ្ហា។ ទន្ទឹមគ្នានេះ យើងក៏ត្រូវផ្តល់ការអប់រំនៅក្នុងភូមិរកានេះដល់អ្នកភូមិ ដល់អាជ្ញាធរផងដែរ»។ នេះជាការអធិប្បាយរបស់លោកវេជ្ជបណ្ឌិត តែង គន្ធី។
កាលពីចុងខែវិច្ឆិកា នៅក្នុងក្របខណ្ឌនៃការពង្រីកសេវាធ្វើតេស្តឈាមរកមេរោគអេដស៏ ក្នុងខេត្តបាត់ដំបង ក្រុមការងារបានជួបប្រទះករណីឆ្លងមេរោគអេដស៏ខុសធម្មតានៅក្នុងភូមិរកា នៃស្រុកសង្កែ ខេត្តបាត់ដំបងនេះ។ ការសង្ស័យនេះបានតម្រូវអោយក្រុមការងារថ្នាក់ជាតិបញ្ជូនកម្លាំងមកបន្ថែមដើម្បីតាមដានការផ្ទុះឡើងនៃការឆ្លងមេរោគដែលគេមិនអាចព្យាបាលបាននេះ៕
© រក្សាសិទ្ធិដោយ thmeythmey.com
