ជាតិ
សង្គមជាតិ
គម្រោងបណ្ណាល័យពន្ធនាគារបណ្តុះបណ្តាលជំនាញដល់ទណ្ឌិតបានជាង៤០០នាក់ក្នុង១ឆ្នាំ
×![]()
ដោយ: ខន ចំប៉ា
សិក្ខាសាលាថ្នាក់ជាតិស្តីពីលទ្ធផលសម្រេចបានរយៈពេល៣ឆ្នាំ(២០១២-២០១៤)របស់ គម្រោងបណ្តាល័យពន្ធនាគារ និងផែនការសម្រាប់អនាគត អនុវត្តដោយអង្គការស៊ីប៉ា ត្រូវបានរៀបចំឡើង នៅថ្ងៃទី១៧ខែធ្នូនេះ នៅសណ្ឋាគារកាំបូឌីយ៉ាណា។ 
គម្រោងបណ្តាល័យពន្ធធនាគារ បង្កើតឡើងក្នុងគោលបំណងចូលរួមចំណែកផ្តល់ឱកាសអប់រំ អភិវឌ្ឍន៍ខ្លួនឯង បណ្តុះបណ្តាលជំនាញ វិជ្ជាជីវៈ និងធ្វើសមាហរណកម្មជនជាប់ឃុំទៅក្នុងសង្គមគ្រួសារ និងសង្គមជាតិ តាមរយៈការអភិវឌ្ឍសេវាកម្មបណ្ណាល័យដែលកំពុងដំណើរការ នៅក្នុងពន្ធនាគារចំនួន២៦នៅទូទាំងប្រទេសកម្ពុជា។
មានសៀវភៅជាច្រើនប្រភេទ ដែលរួមមានសៀវភៅប្រលោមលោក ទស្សនាវដ្តី សៀវភៅកសិកម្ម អក្សរសិល្បិ៍ សៀវភៅទាក់ទងនឹងនយោបាយ និងសិទ្ធមនុស្សជាដើម ដើម្បីឲ្យទណ្ឌិតអាន និងអាចផ្តល់ជាការកំសាន្តដល់ទណ្ឌិតផងដែរ។ ក្រៅពីការជំរុញការអានដល់ទណ្ឌិត គម្រោងក៏បានធ្វើការបណ្តុះបណ្តាលជំនាញ វិជ្ជាជីវៈ បានជាង៥០ភាគរយ នៃចំនួនទណ្ឌិតសរុបដែលផុតទោសប្រមាណ៨០០ទៅ៩០០នាក់ក្នុងមួយៗឆ្នាំ។
ថ្លែងនៅក្នុងឱកាសនោះ លោក ហុក សុទ្ធិ នាយកអង្គការស៊ីប៉ា បានមានប្រសាសន៍ថា៖«ចំណេះ ជំនាញ វិជ្ជាជីវៈ គឺ ជាមធ្យោបាយតែមួយគត់ ដើម្បីឲ្យទណ្ឌិតមានឯករាជ្យ ហើយអាចរកប្រាក់ចំណូលបាន ពេលពួកគាត់ចេញពីពន្ធនាគារ លើសពីនេះ នៅពេលគាត់មានចំណេះដឹង ធ្វើឲ្យគាត់ចៀសឆ្ងាយពីអំពើលួច ប្លន់ផ្សេងៗ ហើយនឹងមិនវិលត្រឡប់ទៅពន្ធនាគារវិញ។
សូមបញ្ជាក់ថា គម្រោងបណ្ណាល័យពន្ធធនាគាររយៈពេល៣ឆ្នាំ បង្កើតឡើងដោយអង្គការស៊ីប៉ា សហការជាមួយនាយកដ្ឋានពន្ធធនាគារ និងទទួលបានការឧបត្ថម្ភពីសហភាពអឺរ៉ុប និងទីភ្នាក់ងារបារាំងសម្រាប់ការអភិវឌ្ឍន៍ មានទឹកប្រាក់ប្រមាណ៦៤៥ពាន់ដុល្លារ៕
គម្រោងបណ្តាល័យពន្ធធនាគារ បង្កើតឡើងក្នុងគោលបំណងចូលរួមចំណែកផ្តល់ឱកាសអប់រំ អភិវឌ្ឍន៍ខ្លួនឯង បណ្តុះបណ្តាលជំនាញ វិជ្ជាជីវៈ និងធ្វើសមាហរណកម្មជនជាប់ឃុំទៅក្នុងសង្គមគ្រួសារ និងសង្គមជាតិ តាមរយៈការអភិវឌ្ឍសេវាកម្មបណ្ណាល័យដែលកំពុងដំណើរការ នៅក្នុងពន្ធនាគារចំនួន២៦នៅទូទាំងប្រទេសកម្ពុជា។
មានសៀវភៅជាច្រើនប្រភេទ ដែលរួមមានសៀវភៅប្រលោមលោក ទស្សនាវដ្តី សៀវភៅកសិកម្ម អក្សរសិល្បិ៍ សៀវភៅទាក់ទងនឹងនយោបាយ និងសិទ្ធមនុស្សជាដើម ដើម្បីឲ្យទណ្ឌិតអាន និងអាចផ្តល់ជាការកំសាន្តដល់ទណ្ឌិតផងដែរ។ ក្រៅពីការជំរុញការអានដល់ទណ្ឌិត គម្រោងក៏បានធ្វើការបណ្តុះបណ្តាលជំនាញ វិជ្ជាជីវៈ បានជាង៥០ភាគរយ នៃចំនួនទណ្ឌិតសរុបដែលផុតទោសប្រមាណ៨០០ទៅ៩០០នាក់ក្នុងមួយៗឆ្នាំ។ ថ្លែងនៅក្នុងឱកាសនោះ លោក ហុក សុទ្ធិ នាយកអង្គការស៊ីប៉ា បានមានប្រសាសន៍ថា៖«ចំណេះ ជំនាញ វិជ្ជាជីវៈ គឺ ជាមធ្យោបាយតែមួយគត់ ដើម្បីឲ្យទណ្ឌិតមានឯករាជ្យ ហើយអាចរកប្រាក់ចំណូលបាន ពេលពួកគាត់ចេញពីពន្ធនាគារ លើសពីនេះ នៅពេលគាត់មានចំណេះដឹង ធ្វើឲ្យគាត់ចៀសឆ្ងាយពីអំពើលួច ប្លន់ផ្សេងៗ ហើយនឹងមិនវិលត្រឡប់ទៅពន្ធនាគារវិញ។
សូមបញ្ជាក់ថា គម្រោងបណ្ណាល័យពន្ធធនាគាររយៈពេល៣ឆ្នាំ បង្កើតឡើងដោយអង្គការស៊ីប៉ា សហការជាមួយនាយកដ្ឋានពន្ធធនាគារ និងទទួលបានការឧបត្ថម្ភពីសហភាពអឺរ៉ុប និងទីភ្នាក់ងារបារាំងសម្រាប់ការអភិវឌ្ឍន៍ មានទឹកប្រាក់ប្រមាណ៦៤៥ពាន់ដុល្លារ៕
© រក្សាសិទ្ធិដោយ thmeythmey.com
