កីឡាជាតិ
ជាតិ
ជម្រុះ MCL ៖ រសៀលនេះរវាង ស៊ីម៉ាក និង គីរីវង់ មានអ្នកសើចហើយមានអ្នកយំ កីឡាករក្រុមស៊ីម៉ាក
× នៅម៉ោង ៣ រសៀលថ្ងៃទី ១៩ ធ្នូ នេះលើទីលានបាល់ទាត់មជ្ឍមណ្ឌល និង សាលាបាល់ទាត់ជាតិបាទី នឹងកាត់សេចក្ដី រវាងស៊ីម៉ាក និង គីរីវង់សុខសែនជ័យ ត្រូវមានក្រុមមួយរបូតចេញពីវគ្គជម្រុះដណ្ដើមចំណាត់ថ្នាក់ (Play Off) ទៅលេងក្នុងពានរង្វាន់លីកកំពូលកម្ពុជារដូវកាលឆ្នាំ ២០១៥ ខាងមុខ។
ក្រុមគីរីវង់សុខសែនជ័យ ដែលជាម្ចាស់ទឹកដីខេត្តតាកែវ កំពុងមានប្រៀបជាងដៃគូព្រោះមាន ១ ពិន្ទុក្នុងដៃក្រោយប្រកួតស្មើគ្នា ១ ទល់ ១ ជាមួយក្រុម Albirex Niigata Phnom Penh កាលពីថ្ងៃបើកឆាក។ ស្របពេលក្រុមស៊ីម៉ាក់ ប្រកួតចាញ់ Albirex Niigata PP ២ ទល់ ០ នៅមិនទាន់មានពិន្ទុកាន់នៅឡើយ។
គិតត្រឹមពេលនេះក្រុម Albirex Niigata PP បានកក់កៅអីឡើងទៅមុនហើយ ក្រោយ ២ ប្រកួតឈ្នះ ១ ស្មើ ១ មាន ៤ ពិន្ទុ ដោយរង់ចាំមើលកាត់រវាងក្រុមទាំង ២ រសៀលនេះ។
វគ្គជម្រុះនៅឆ្នាំនេះរៀបចំនៅបាទី ខេត្តតាកែវ ព្រោះកីឡដ្ឋានជាតិជាប់ជួសជុលក្រាលស្មៅសិប្បនិមិត្ត ដោយមានក្រុមចូលរួមចំនួន ៣ គឺ ក្រុមស៊ីម៉ាក, គីរីវង់សុខសែនជ័យ និង Albirex Niigata PP ខណៈក្រុមខេត្តព្រះសីហនុ មិនបានចុះឈ្មោះចូលរួមប្រកួត។ ក្រុមមានពិន្ទុច្រើនជាងគេចំនួន ២ មានតំណែងឡើងទៅជំនួសកៅអីដែលទំនេរក្នុងលីកកម្ពុជា រដូវកាលក្រោយ៕
ឈ្នះ ឬ ស្មើ គីរីវង់មានប្រៀបច្រើនជាង។ ដូច្នេះ រសៀលនេះ រវាង ស៊ីម៉ាក និង គីរីវង់សុខសែនជ័យ តើក្រុមមួយណានឹងដឹកដៃ Albirex Niigata PP ទៅវគ្គបន្ទាប់បាន?
© រក្សាសិទ្ធិដោយ thmeythmey.com