អន្តរជាតិ
×![]()
កូរ៉េខាងជើងបានថ្លែងរិះគន់អង្គការសហប្រជាជាតិដែលបន្តទាមទារអោយមានការបញ្ជូនសំណុំរឿងកូរ៉េខាងជើងទៅកាន់តុលាការព្រហ្មទណ្ឌអន្តរជាតិ។ ក្រៅពរិះគន់អង្គការសហប្រជាជាតិ រដ្ឋាភិបាលក្រុងព្យុងយ៉ាងក៏បានព្រមានថា ខ្លួននឹងបន្តការបង្កើនសមត្ថភាពនៃអាវុធនុយក្លេអ៊ែររបស់ខ្លួននាពេលខាងមុខ។
សៅ ផលនិស្ស័យ លម្អិតព័ត៌មាននេះ៖
រដ្ឋាភិបាលកូរ៉េខាងជើងបានរិះគន់អង្គការសហប្រជាជាតិដែលបន្តទាមទារអោយក្រុមប្រឹក្សាសន្តិសុខបញ្ជូនសំណុំរឿងឧក្រិដ្ឋកម្មសង្គ្រាមកូរ៉េខាងជើងទៅកាន់តុលាការព្រហ្មទណ្ឌអន្តរជាតិ។ កូរ៉េខាងជើងហាក់បីដូចជាខឹងសម្បារអង្គការសហប្រជាជាតិជាខ្លាំងដោយប្រកាសថាខ្លួនបន្តបង្កើនសមត្ថភាពផលិតអាវុធនុយក្លេអ៊ែររបស់ខ្លួននាពេលខាងមុខបន្ថែមទៀត។ មហាសន្និបាតអង្គការសហប្រជាជាតិកាលពីថ្ងៃព្រហស្បតិ៍ បានអនុម័តដំណោះស្រាយមូយដែលស្នើសុំអោយមានការបញ្ជូនសំណុំរឿងរំលោភសិទ្ធិមនុស្សប្រព្រឹត្តដោយកូរ៉េខាងជើងទៅកាន់តុលាការព្រហ្មទណ្ឌអន្តរជាតិ ព្រមទាំងពិចារណាលើការរៀបចំដាក់ទណ្ឌកម្មបន្ថែមប្រឆាំងក្រុងព្យុងយ៉ាងថែមទៀតផង។
ឆ្លើយតបនឹងដំណោះស្រាយកាលពីថ្ងៃសៅរ៍ម្សិលមិញរបបដឹកនាំក្រុងព្យុងយ៉ាងបានព្រមានថា ដំណោះស្រាយអង្គការសហប្រជាជាតិគ្រាន់តែជាយុទ្ធសាស្ត្រលោកខាងលិចជាពិសេសក្រុងវ៉ាស៊ីនតោនដើម្បីប្រឆាំងកូរ៉េខាងជើងតែប៉ុណ្ណោះ។ កូរ៉េខាងជើងតែងតែចោទប្រកាន់រដ្ឋាភិបាលអាមេរិក ថាព្យាយាមធ្វើយ៉ាងណាដើម្បីផ្តួលរំលំរបបដឹកនាំក្រុងព្យុងយ៉ាងដោយប្រើស្តង់ដាពីរជាន់ ហើយមិនត្រឹមតែប៉ុណ្ណោះទេកូរ៉េខាងជើងក៏បានស្នើសុំអោយអង្គការសហប្រជាជាតិពិចារណាសំណុំរឿងធ្វើទារុណកម្មរបស់ភ្នាក់ងារចារកម្មអាមេរិករយៈពេលប៉ុន្មានក្រោយព្រឹត្តការណ៍ថ្ងៃ ១១កញ្ញា។
បញ្ហារបាយការណ៍ធ្វើទារុណកម្មរបស់ភ្នាក់ងារចារកម្មអាមេរិកបានធ្វើអោយពិភពលោកភ្ងាក់ផ្អើល និងធ្វើអោយរដ្ឋាភិបាលកូរ៉េខាងជើងដែលធ្លាប់តែអាមេរិករិះគន់ឥតឈប់នោះ អាចរិះគន់អាមេរិកវិញម្តង។ ដោយឡែកបន្ទាប់ពីមានដំណោះស្រាយស្នើអោយបញ្ជូនសំណុំរឿងកូរ៉េខាងជើងទៅតុលាការព្រហ្មទណ្ឌអន្តរជាតិ នៅថ្ងៃចន្ទស្អែកនេះក្រុមប្រឹក្សាសន្តិសុខអង្កការសហប្រជាជាតិនឹងបើកកិច្ចប្រជុំដើម្បីជជែកពិភាក្សាក្នុងចំណោមសមាជិកទាំង១៥របស់ខ្លួនពីបញ្ហាសិទ្ធមនុស្សនៅក្នុងប្រទេសកូរ៉េខាងជើង ប៉ុន្តែគេមិនរំពឹងថាសមាជិកទាំងអស់នឹងពិភាក្សាពីកាបញ្ជូនសំណុំរឿងទៅកាន់តុលាការព្រហ្មទណ្ឌឡើយ។ នៅក្នុងចំណោមសមាជិកអចិន្ត្រៃយ៍ទាំងប្រាំនៃក្រុមប្រឹក្សាសន្តិសុខអង្គការសហប្រជាជាតិ គេដឹងថាចិននឹងប្រើប្រាស់សិទ្ធជំទាស់ ទាត់ចោលការទាមទារបញ្ជូនសំណុំរឿងកូរ៉េខាងជើងទៅតុលាការព្រហ្មទណ្ឌ។
ដោយឡែក់ បើតាមការប្រកាសរបស់រដ្ឋាភិបាលកកូរ៉េខាងជើង ប្រទេសនេះនឹងព្យាយាមធ្វើគ្រប់យ៉ាងដើម្បីបង្កើនសមត្ថភាពការពារខ្លួនរួមទាំងបន្តបង្កើនសមត្ថភាពនុយក្លេអ៊ែរផងដែរ។ ការប្រកាសបន្តសកម្មភាពបង្កើសមត្ថភាពនុយក្លេអ៊ែររបស់កូរ៉េខាងជើង នេះត្រូវបានគេមើលឃើញថាជាសញ្ញាគ្រោះថ្នាក់មួយដែលគំរាមកំហែងសន្តិសុខនិងសន្តិភាពពិភពលោក។ ការដាក់សម្ពាធបន្ថែមរបស់សហគមន៍អន្តរជាតិអាចនឹងធ្វើអោយកូរ៉េខាងជើងចាប់ផ្តើមបាញ់សាកល្បងអាវុធនុយក្លេអ៊ែររបស់ខ្លួនជាថ្មីទៀតនាពេលឆាប់ៗខាងមុខ ហើយវានឹងធ្វើអោយពិភពលោកឈឺក្បាលជាថ្មីទៀតជាក់ជាមិនខាន។ កូរ៉េខាងជើងបានបាញ់សាកល្បងអាវុធរបស់នុយក្លេអ៊ែររបស់ខ្លួនបីដងរួចមកហើយ ហើយចុងក្រោយបំផុតនៃការបាញ់សាកល្បងនោះគឺកាលពីឆ្នាំ ២០១៣៕
សៅ ផលនិស្ស័យ លម្អិតព័ត៌មាននេះ៖
រដ្ឋាភិបាលកូរ៉េខាងជើងបានរិះគន់អង្គការសហប្រជាជាតិដែលបន្តទាមទារអោយក្រុមប្រឹក្សាសន្តិសុខបញ្ជូនសំណុំរឿងឧក្រិដ្ឋកម្មសង្គ្រាមកូរ៉េខាងជើងទៅកាន់តុលាការព្រហ្មទណ្ឌអន្តរជាតិ។ កូរ៉េខាងជើងហាក់បីដូចជាខឹងសម្បារអង្គការសហប្រជាជាតិជាខ្លាំងដោយប្រកាសថាខ្លួនបន្តបង្កើនសមត្ថភាពផលិតអាវុធនុយក្លេអ៊ែររបស់ខ្លួននាពេលខាងមុខបន្ថែមទៀត។ មហាសន្និបាតអង្គការសហប្រជាជាតិកាលពីថ្ងៃព្រហស្បតិ៍ បានអនុម័តដំណោះស្រាយមូយដែលស្នើសុំអោយមានការបញ្ជូនសំណុំរឿងរំលោភសិទ្ធិមនុស្សប្រព្រឹត្តដោយកូរ៉េខាងជើងទៅកាន់តុលាការព្រហ្មទណ្ឌអន្តរជាតិ ព្រមទាំងពិចារណាលើការរៀបចំដាក់ទណ្ឌកម្មបន្ថែមប្រឆាំងក្រុងព្យុងយ៉ាងថែមទៀតផង។
ឆ្លើយតបនឹងដំណោះស្រាយកាលពីថ្ងៃសៅរ៍ម្សិលមិញរបបដឹកនាំក្រុងព្យុងយ៉ាងបានព្រមានថា ដំណោះស្រាយអង្គការសហប្រជាជាតិគ្រាន់តែជាយុទ្ធសាស្ត្រលោកខាងលិចជាពិសេសក្រុងវ៉ាស៊ីនតោនដើម្បីប្រឆាំងកូរ៉េខាងជើងតែប៉ុណ្ណោះ។ កូរ៉េខាងជើងតែងតែចោទប្រកាន់រដ្ឋាភិបាលអាមេរិក ថាព្យាយាមធ្វើយ៉ាងណាដើម្បីផ្តួលរំលំរបបដឹកនាំក្រុងព្យុងយ៉ាងដោយប្រើស្តង់ដាពីរជាន់ ហើយមិនត្រឹមតែប៉ុណ្ណោះទេកូរ៉េខាងជើងក៏បានស្នើសុំអោយអង្គការសហប្រជាជាតិពិចារណាសំណុំរឿងធ្វើទារុណកម្មរបស់ភ្នាក់ងារចារកម្មអាមេរិករយៈពេលប៉ុន្មានក្រោយព្រឹត្តការណ៍ថ្ងៃ ១១កញ្ញា។
បញ្ហារបាយការណ៍ធ្វើទារុណកម្មរបស់ភ្នាក់ងារចារកម្មអាមេរិកបានធ្វើអោយពិភពលោកភ្ងាក់ផ្អើល និងធ្វើអោយរដ្ឋាភិបាលកូរ៉េខាងជើងដែលធ្លាប់តែអាមេរិករិះគន់ឥតឈប់នោះ អាចរិះគន់អាមេរិកវិញម្តង។ ដោយឡែកបន្ទាប់ពីមានដំណោះស្រាយស្នើអោយបញ្ជូនសំណុំរឿងកូរ៉េខាងជើងទៅតុលាការព្រហ្មទណ្ឌអន្តរជាតិ នៅថ្ងៃចន្ទស្អែកនេះក្រុមប្រឹក្សាសន្តិសុខអង្កការសហប្រជាជាតិនឹងបើកកិច្ចប្រជុំដើម្បីជជែកពិភាក្សាក្នុងចំណោមសមាជិកទាំង១៥របស់ខ្លួនពីបញ្ហាសិទ្ធមនុស្សនៅក្នុងប្រទេសកូរ៉េខាងជើង ប៉ុន្តែគេមិនរំពឹងថាសមាជិកទាំងអស់នឹងពិភាក្សាពីកាបញ្ជូនសំណុំរឿងទៅកាន់តុលាការព្រហ្មទណ្ឌឡើយ។ នៅក្នុងចំណោមសមាជិកអចិន្ត្រៃយ៍ទាំងប្រាំនៃក្រុមប្រឹក្សាសន្តិសុខអង្គការសហប្រជាជាតិ គេដឹងថាចិននឹងប្រើប្រាស់សិទ្ធជំទាស់ ទាត់ចោលការទាមទារបញ្ជូនសំណុំរឿងកូរ៉េខាងជើងទៅតុលាការព្រហ្មទណ្ឌ។
ដោយឡែក់ បើតាមការប្រកាសរបស់រដ្ឋាភិបាលកកូរ៉េខាងជើង ប្រទេសនេះនឹងព្យាយាមធ្វើគ្រប់យ៉ាងដើម្បីបង្កើនសមត្ថភាពការពារខ្លួនរួមទាំងបន្តបង្កើនសមត្ថភាពនុយក្លេអ៊ែរផងដែរ។ ការប្រកាសបន្តសកម្មភាពបង្កើសមត្ថភាពនុយក្លេអ៊ែររបស់កូរ៉េខាងជើង នេះត្រូវបានគេមើលឃើញថាជាសញ្ញាគ្រោះថ្នាក់មួយដែលគំរាមកំហែងសន្តិសុខនិងសន្តិភាពពិភពលោក។ ការដាក់សម្ពាធបន្ថែមរបស់សហគមន៍អន្តរជាតិអាចនឹងធ្វើអោយកូរ៉េខាងជើងចាប់ផ្តើមបាញ់សាកល្បងអាវុធនុយក្លេអ៊ែររបស់ខ្លួនជាថ្មីទៀតនាពេលឆាប់ៗខាងមុខ ហើយវានឹងធ្វើអោយពិភពលោកឈឺក្បាលជាថ្មីទៀតជាក់ជាមិនខាន។ កូរ៉េខាងជើងបានបាញ់សាកល្បងអាវុធរបស់នុយក្លេអ៊ែររបស់ខ្លួនបីដងរួចមកហើយ ហើយចុងក្រោយបំផុតនៃការបាញ់សាកល្បងនោះគឺកាលពីឆ្នាំ ២០១៣៕
© រក្សាសិទ្ធិដោយ thmeythmey.com
