ជាតិ
សេដ្ឋកិច្ច
EU ជួយ៥១០លានដុល្លារ ដើម្បីអភិវឌ្ឍន៍កសិកម្ម អប់រំ និងអភិបាលកិច្ចនៅកម្ពុជា
លោកស្រី Federica Mogherini ប្រមុខការទូតសហភាពអឺរ៉ុប
×![]()
សហភាពអឺរ៉ុប (EU) បានប្រកាសថាខ្លួនបានបែងចែកទឹកប្រាក់ចំនួន៤១០លានអឺរ៉ូ (ប្រហែល៥១០លានដុល្លារ) នៅក្រោមកិច្ចសហប្រតិបត្តិការទេ្វភាគីសម្រាប់រយៈពេលចាប់ពីឆ្នាំ២០១៤ ដល់ ២០២០ ដើម្បីបន្តកិច្ចគាំទ្ររបស់ខ្លួនចំពោះវឌ្ឍនភាពរបស់ប្រទេសកម្ពុជា។ ជំនួយឥតសំណងនេះ នឹងជួយពង្រឹងដល់ផ្នែកកសិកម្មនិងការគ្រប់គ្រងធនធាន ធម្មជាតិ ផ្តល់ការអប់រំកាន់តែប្រសើរ និងអនុវត្តកំណែទម្រង់អភិបាលកិច្ច និងរដ្ឋបាល។
លោកស្រី Federica Mogherini ដែលជាអនុប្រធានគណៈកម្មាធិការអឺរ៉ុប និងជាតំណាងជាន់ខ្ពស់របស់សហភាពអឺរ៉ុបសម្រាប់គោលនយោបាយការបរទេស និងសន្តិសុខ បានមាន ប្រសាសន៍ថា ការបង្កើនជំនួយទ្វេភាគីក្នុងចំនួនដ៏ច្រើននេះ គឺជាសញ្ញានៃការប្តេជ្ញាចិត្តរបស់សហភាពអឺរ៉ុបចំពោះការអភិវឌ្ឍសេដ្ឋកិច្ច សង្គម និងនយោបាយរបស់ប្រទេសកម្ពុជា។ លោកស្រីប្រមុខការទូតសហភាពអឺរ៉ុបបានបន្តថា៖«នៅក្នុងពេលថ្មីៗនេះ ប្រទេសកម្ពុជាបានសម្រេចបាននូវវឌ្ឍនភាពនៅក្នុងវិស័យទាំងអស់នេះ ហើយខ្ញុំសង្ឃឹមថា ការគាំទ្រដ៏រឹងមាំរបស់យើងនឹងចូលរួមចំណែកបន្ថែមទៀតនៅក្នុងការជំរុញកំណើនសេដ្ឋកិច្ចដែលមានលក្ខណៈរួមបញ្ចូល និងប្រកបដោយចីរភាព ព្រមទាំងជួយពង្រឹងដល់ដំណើរការលទ្ធិប្រជាធិបតេយ្យផងដែរ»។
លោក Neven Mimica ដែលជាស្នងការទទួលបន្ទុកកិច្ចសហប្រតិបត្តិការ និងការអភិវឌ្ឍអន្តរជាតិក៏បានគូសបញ្ជាក់បន្ថែមថា កម្មវិធីចង្អុលបង្ហាញពហុប្រចាំឆ្នាំនេះ ឆ្លុះបញ្ចាំងឲ្យឃើញថាជំនួយរបស់សហភាពអឺរ៉ុបបានកើនឡើងចំនួនបីដង បើប្រៀបធៀបជាមួយរយៈពេលមុនគឺចាប់ពីឆ្នាំ២០០៧ ដល់ ២០១៣ ។ លោក Mimica បន្តថាកម្មវិធីថ្មីនេះ នឹងបន្តជួយគាំទ្រដល់កិច្ចខិតខំប្រឹងប្រែងក្នុងការកាត់បន្ថយភាពក្រីក្រប្រកបដោយភាពជោគជ័យរបស់ប្រទេសកម្ពុជា រួមទាំងការក្លាយជាប្រទេសកំពុងអភិវឌ្ឍន៍ឈានមុខគេមួយនៅក្នុងការ សម្រេចបាននូវគោលដៅអភិវឌ្ឍន៍សហសវត្សរ៍ទៀតផង។
«ទោះជាយ៉ាងណាក៏ដោយនៅតែមានបញ្ហាប្រឈមជាច្រើនដែលមិនទាន់ដោះស្រាយ ហើយសហភាពអឺរ៉ុបប្តេជ្ញាចិត្តថានឹងបន្តជួយដល់ប្រទេសកម្ពុជាដើម្បីសម្រេចបាននូវរបៀបវារៈកំណែទម្រង់ដែលជាមហិច្ឆតាដ៏ធំធេងរបស់ខ្លួន ជាពិសេសនៅក្នុងវិស័យអប់រំ និងជំនាញវិជ្ជាជីវៈ កសិកម្ម និងការគ្រប់គ្រងធនធានធម្មជាតិ ព្រមទាំងអភិបាលកិច្ចល្អ និងរដ្ឋបាលផងដែរ»។ នេះជាការសន្យារបស់ស្នងការរបស់EU។
យោងតាមសេចក្តីថ្លែងការណ៍របស់សហភាព៊អឺរ៉ុប ប្រទេសកម្ពុជាបានសម្រេចនូវវឌ្ឍនភាពសង្គមសេដ្ឋកិច្ចគួរឲ្យកត់សម្គាល់នៅក្នុងរយៈពេលជាង១០ឆ្នាំចុងក្រោយនេះ។ សេចក្តីថ្លែងការណ៍ដដែលសរសេរបន្តថា ថ្វីដ្បិតតែប្រជាជនភាគច្រើនបានរំដោះខ្លួនចេញពីភាពក្រីក្រ ប៉ុន្តែពួកគេនៅតែប្រឈមខ្ពស់នឹងភាពងាយរងគ្រោះនៅឡើយ ហេតុដូច្នេះហើយបានជាសហភាពអឺរ៉ុបបានសម្រេចបង្កើនកិច្ចគាំទ្ររបស់ខ្លួនដល់ប្រទេសកម្ពុជាដើម្បីជួយឲ្យប្រទេសកម្ពុជាសម្រេចមហិច្ឆិតាដ៏ធំធេងរបស់ខ្លួនក្នុងការបន្តកាត់បន្ថយភាពក្រីក្រ ការលើកកម្ពស់កំណើនសេដ្ឋកិច្ចប្រកបដោយសមធម៌ និងចីរភាព ព្រមទាំងលើកកម្ពស់អភិបាលកិច្ចល្អ លទ្ធិប្រជាធិបតេយ្យ និងនីតិរដ្ឋ ដូចដែលបានរៀបរាប់នៅក្នុងរបៀបវារៈកំណែទម្រង់របស់ប្រទេសកម្ពុជាខ្លួនឯង ដែលមានឈ្មោះថា យុទ្ធសាស្ត្រចតុកោណដំណាក់កាលទី III៕
លោកស្រី Federica Mogherini ដែលជាអនុប្រធានគណៈកម្មាធិការអឺរ៉ុប និងជាតំណាងជាន់ខ្ពស់របស់សហភាពអឺរ៉ុបសម្រាប់គោលនយោបាយការបរទេស និងសន្តិសុខ បានមាន ប្រសាសន៍ថា ការបង្កើនជំនួយទ្វេភាគីក្នុងចំនួនដ៏ច្រើននេះ គឺជាសញ្ញានៃការប្តេជ្ញាចិត្តរបស់សហភាពអឺរ៉ុបចំពោះការអភិវឌ្ឍសេដ្ឋកិច្ច សង្គម និងនយោបាយរបស់ប្រទេសកម្ពុជា។ លោកស្រីប្រមុខការទូតសហភាពអឺរ៉ុបបានបន្តថា៖«នៅក្នុងពេលថ្មីៗនេះ ប្រទេសកម្ពុជាបានសម្រេចបាននូវវឌ្ឍនភាពនៅក្នុងវិស័យទាំងអស់នេះ ហើយខ្ញុំសង្ឃឹមថា ការគាំទ្រដ៏រឹងមាំរបស់យើងនឹងចូលរួមចំណែកបន្ថែមទៀតនៅក្នុងការជំរុញកំណើនសេដ្ឋកិច្ចដែលមានលក្ខណៈរួមបញ្ចូល និងប្រកបដោយចីរភាព ព្រមទាំងជួយពង្រឹងដល់ដំណើរការលទ្ធិប្រជាធិបតេយ្យផងដែរ»។
លោក Neven Mimica ដែលជាស្នងការទទួលបន្ទុកកិច្ចសហប្រតិបត្តិការ និងការអភិវឌ្ឍអន្តរជាតិក៏បានគូសបញ្ជាក់បន្ថែមថា កម្មវិធីចង្អុលបង្ហាញពហុប្រចាំឆ្នាំនេះ ឆ្លុះបញ្ចាំងឲ្យឃើញថាជំនួយរបស់សហភាពអឺរ៉ុបបានកើនឡើងចំនួនបីដង បើប្រៀបធៀបជាមួយរយៈពេលមុនគឺចាប់ពីឆ្នាំ២០០៧ ដល់ ២០១៣ ។ លោក Mimica បន្តថាកម្មវិធីថ្មីនេះ នឹងបន្តជួយគាំទ្រដល់កិច្ចខិតខំប្រឹងប្រែងក្នុងការកាត់បន្ថយភាពក្រីក្រប្រកបដោយភាពជោគជ័យរបស់ប្រទេសកម្ពុជា រួមទាំងការក្លាយជាប្រទេសកំពុងអភិវឌ្ឍន៍ឈានមុខគេមួយនៅក្នុងការ សម្រេចបាននូវគោលដៅអភិវឌ្ឍន៍សហសវត្សរ៍ទៀតផង។
«ទោះជាយ៉ាងណាក៏ដោយនៅតែមានបញ្ហាប្រឈមជាច្រើនដែលមិនទាន់ដោះស្រាយ ហើយសហភាពអឺរ៉ុបប្តេជ្ញាចិត្តថានឹងបន្តជួយដល់ប្រទេសកម្ពុជាដើម្បីសម្រេចបាននូវរបៀបវារៈកំណែទម្រង់ដែលជាមហិច្ឆតាដ៏ធំធេងរបស់ខ្លួន ជាពិសេសនៅក្នុងវិស័យអប់រំ និងជំនាញវិជ្ជាជីវៈ កសិកម្ម និងការគ្រប់គ្រងធនធានធម្មជាតិ ព្រមទាំងអភិបាលកិច្ចល្អ និងរដ្ឋបាលផងដែរ»។ នេះជាការសន្យារបស់ស្នងការរបស់EU។
យោងតាមសេចក្តីថ្លែងការណ៍របស់សហភាព៊អឺរ៉ុប ប្រទេសកម្ពុជាបានសម្រេចនូវវឌ្ឍនភាពសង្គមសេដ្ឋកិច្ចគួរឲ្យកត់សម្គាល់នៅក្នុងរយៈពេលជាង១០ឆ្នាំចុងក្រោយនេះ។ សេចក្តីថ្លែងការណ៍ដដែលសរសេរបន្តថា ថ្វីដ្បិតតែប្រជាជនភាគច្រើនបានរំដោះខ្លួនចេញពីភាពក្រីក្រ ប៉ុន្តែពួកគេនៅតែប្រឈមខ្ពស់នឹងភាពងាយរងគ្រោះនៅឡើយ ហេតុដូច្នេះហើយបានជាសហភាពអឺរ៉ុបបានសម្រេចបង្កើនកិច្ចគាំទ្ររបស់ខ្លួនដល់ប្រទេសកម្ពុជាដើម្បីជួយឲ្យប្រទេសកម្ពុជាសម្រេចមហិច្ឆិតាដ៏ធំធេងរបស់ខ្លួនក្នុងការបន្តកាត់បន្ថយភាពក្រីក្រ ការលើកកម្ពស់កំណើនសេដ្ឋកិច្ចប្រកបដោយសមធម៌ និងចីរភាព ព្រមទាំងលើកកម្ពស់អភិបាលកិច្ចល្អ លទ្ធិប្រជាធិបតេយ្យ និងនីតិរដ្ឋ ដូចដែលបានរៀបរាប់នៅក្នុងរបៀបវារៈកំណែទម្រង់របស់ប្រទេសកម្ពុជាខ្លួនឯង ដែលមានឈ្មោះថា យុទ្ធសាស្ត្រចតុកោណដំណាក់កាលទី III៕
© រក្សាសិទ្ធិដោយ thmeythmey.com
