អន្តរជាតិ
បច្ចេកវិទ្យា
ក្រុមហ៊ុន Sony ក្រោយពីត្រូវបានវាយប្រហាររកឃើញបាត់បង់ឡើងជ្រួលច្របល់
× នាយកប្រតិបត្តិ ផ្នែក Hollywood movie studio របស់ក្រុមហ៊ុន Sony ខូចចិត្តជាខ្លាំងក្រោយពីរកឃើញមានការវាយប្រហារពីជនមិនស្គាល់មុខលើ emails ក្នុងក្រុមហ៊ុន និងទិន្ន័យសំខាន់របស់បុគ្គលិកមួយចំនួន ប៉ុន្តែលោកបានលើកទឹកចិត្តបុគ្គលិកឱ្យធ្វើការជាធម្មតា។
លោក Michael Lynton ជាអគ្គនាយក និងជាប្រធានផ្នែកគ្រប់គ្រងរូបភាពកំសាន្ត(Sony Pictures Entertainment )របស់ក្រុមហ៊ុន Sony ជាមួយនឹងប្រធានរង Amy Pascal បានកោះហៅបុគ្គលិកមកប្រជុំជាពីក្រុមក្នុងទីក្រុង Culver រដ្ឋកាលីហ្វ័ញ៉ា។
អ្នកនាំពាក្យរបស់ក្រុមហ៊ុន Sony បានឱ្យដឹងថា លោក Lynton បានប្រាប់ទៅកាន់បុគ្គលិកឱ្យប្រុងប្រយ័ត្នលើផ្នែក studio នៅថ្ងៃមុខទៀត។ គាត់ក៏បានលើកទឹកចិត្តឱ្យបុគ្គលិកខិតខំបន្តធ្វើការ ក្រោយពីទទួលការវាយប្រហារ ក្នុងនោះទាំងលោក Lynton និងលោក Pascal ទទួលបានការទះដៃគាំទ្រយ៉ាងខ្លាំងពីសំណាក់បុគ្គលិក។
និយាយពីការវាយប្រហារចូលក្នុងបណ្តាញកុំព្យូទ័ររបស់ក្រុមហ៊ុន Sony កាលពីថ្មីៗនេះវិញ វាបានកើតឡើងលើឯកសារសំខាន់ៗរបស់ក្រុមហ៊ុនត្រូវបានលួចចេញក្រៅ។ រឿងរ៉ាវពាក់ព័ន្ធនឹងឯកសារដែលលួចទៅ បានធ្វើឱ្យមានការជ្រួលច្របល់មិនស្ងប់នៅ studio ភាគ Sony Corp របស់ជប៉ុន។ ទាក់ទងបញ្ហាឯកសារដែលលួចចេញទៅមានដូចជា៖ ឯកសារសំណុំប្រាក់ខែបុគ្គលិក ពត៌មានហិរញ្ញវិត្ថុ កោលដៅទីផ្សារសំខាន់ៗ និងបញ្ចីទំនាក់ទំនងមុខជំនួញ។ ក្រោយមកភ្លាមៗ ក្រុមហ៊ុនបានប្រមូលផ្តុំគ្នារកគន្លឹះពិភាក្សារកដំណោះស្រាយ.
កាន់តែពិសេស ឯកសារកំប្លែងដែលលោក Pascal បានសរសេរលេងសើចពីលោក ប្រធានាធិបតី Obama ក៏បានបាត់ដែរ។ ពាក់ព័ន្ធនឹងរឿងកំប្លែង ក្រោយពីកើតមានបញ្ហាលោក Pascal បានចេញមុខសុំទោសដោយប្រើ emails សមរម្យមួយឱ្យជាសាធារណះបានដឹង។
ទាំងលោក Lynton និងលោក Pascal ទទួលសំពាធយ៉ាងខ្លាំង ប៉ុន្តែវិធីសាស្ត្រដំបូងបំផុតគឺលៃលកឱ្យបាត់ភាពចលាចល ដើម្បីឱ្យបុគ្គលិកប្រឹងប្រែងធ្វើការ៕
© រក្សាសិទ្ធិដោយ thmeythmey.com