ជាតិ
ពីនេះ ពីនោះ
វិធីសាស្ត្រ ដើម្បីឆ្លុះបញ្ចាំងពីសកម្មភាពប្រចាំថ្ងៃរបស់អ្នកក្នុងឆ្នាំ២០១៤នេះ?
×![]()
ដោយ: ថ្មីៗ
ដើម្បីដឹងថាអ្នកសម្រេចបានសមិទ្ធផលអ្វីខ្លះនោះ អ្នកគួរតែឆ្លុះបញ្ចាំង (រំលឹក ឬស្រមៃដោយផ្ចង់អារម្មណឲ្យបានម៉ត់ចត់) លើសកម្មភាពប្រចាំថ្ងៃរបស់អ្នក ចាប់តាំងពីដើមឆ្នាំរហូតដល់ចុងឆ្នាំ២០១៤នេះ ដោយឆ្លើយតបនឹងសំណួរដូចខាងក្រោម៖
មុននឹងឆ្លើយសំណួរទាំងនេះ អ្នកត្រូវត្រៀមខ្លួនឲ្យរួចរាល់ និងរកកន្លែងដែលមានបរិយាកាសល្អ ខ្យល់បរិសុទ្ធ និងកន្លែងស្ងប់ស្ងាត់មិនមាននរណាមករំខាន បន្ទាប់មកចាប់ផ្តើមធ្វើការឆ្លុះបញ្ចាំងសកម្មភាពប្រចាំថ្ងៃរបស់អ្នក។
១. តើផែនការ ឬគោលបំណងអ្វីខ្លះ ដែលអ្នកបានកំណត់ក្នុងឆ្នាំ២០១៤នេះ? ហើយអ្នកទទួលបានសមិទ្ធផលអ្វីខ្លះ? ចុះផែនការ ឬគោលបំណងផ្សេងទៀត ហេតុអ្វីបានជាអ្នកមិនអាចសម្រេចវាបាន?
២. តើសកម្មភាពអ្វីខ្លះ ដែលអ្នកបានធ្វើ ហើយធ្វើឲ្យអ្នកសប្បាយចិត្ត និងមិនសប្បាយចិត្ត?
៣. តើសកម្មភាពអ្វីខ្លះ ដែលធ្វើឲ្យអ្នកសោកស្តាយ ប្រសិនបើអ្នកបានធ្វើវា?
៤. តើសកម្មភាពអ្វីខ្លះ ដែលធ្វើឲ្យអ្នកសោកស្តាយ ប្រសិនបើអ្នកមិនបានធ្វើវា?
៥. ក្រោយពីឆ្លុះបញ្ចាំងសកម្មភាពទាំងអស់ហើយ តើអ្នកមានការអភិវឌ្ឍខ្លួនជាងមុនដែរឬទេ?
៦. តើអ្នកនឹងធ្វើអ្វីបន្តទៀតសម្រាប់ឆ្នាំ២០១៥? តើអ្នកនឹងធ្វើខ្លួនជាមនុស្សបែបណាចាប់ពីឆ្នាំ២០១៥ ឡើងទៅ?
© រក្សាសិទ្ធិដោយ thmeythmey.com
