ជាតិ
សង្គមជាតិ
សប្បុរសជនអ្នកវាយកូនគោលប្រមូលថវិកាបានជិត៦០ម៉ឺនដុល្លារជួយមន្ទីរពេទ្យគន្ធបុប្ផា
× សហព័ន្ធកីឡាវាយកូនគោលកម្ពុជា បានរៀបចំរាត្រីសមោលសរមួយអមជាមួយការបើកការប្រកួតវាយកូនគោល ដើម្បីប្រមូលថវិកាសប្បុរសធម៌ជួយមន្ទីរពេទ្យគន្ធបុប្ជា។ កម្មវិធីសមោលសរត្រូវបានរៀបចំធ្វើនៅសណ្ឋាគារកាំបូឌីយ៉ាណានាយប់ថ្ងៃទី២៥ធ្នូ។
ថវិកាសប្បុរសធម៌ជិត៦០ម៉ឺនដុល្លារ ត្រូវបានប្រមូលនៅក្នុងកម្មវិធីសមោសរ នៃការប្រកូតកីឡាវាយកូនគោលលើកទី៣ ដើម្បីផ្តល់ទៅឲ្យមន្ទីរពេទ្យគន្ធបុប្ជា។ មន្ត្រីជាន់ខ្ពស់ជាច្រើនបានចូលរួមក្នុងកម្មវិធីសមោលសរនោះ ដូចជាលោកឧបនាយករដ្ឋមន្ត្រី ស ខេង លោក រដ្ឋមន្ត្រីក្រសួងទេសច ក្រសួងសុខាភិបាល ជាដើម។
តាមរបាយការណ៍ដែលបង្ហាញដោយលោកវេជ្ជបណ្ឌិត បេអាត រីចឆ្នឺ ស្ថាបនិក និងជាប្រធានមន្ទីរពេទ្យគន្ធបុប្ផាបានឲ្យដឹងថា ក្នុងរយៈពេល២៣ឆ្នាំមកនេះ មន្ទីពេទ្យគន្ធបុប្ផាបានពិនិត្យព្យាបាលកុមារបានចំនួន ១៣លានករណី នៅក្នុងផ្នែកពិគ្រោះជំងឺក្រៅ និងបានព្យាបាលកុមារឈឺធ្ងន់សម្រាកនៅក្នុងមន្ទីពេទ្យបានចំនួន១.៥៦លាននាក់។ លោកវេជ្ជបណ្ឌិត បានមានប្រសាសន៍ទៀតថា៖ «តាំងពីឆ្នាំ១៩៩២មកមូលនិធិរបស់យើងបានចំណាយថវិកាអស់៥៦០លានដុល្លារហើយ ទឹកប្រាក់ប្រមាណ៣ភាគរយនៃថវិកាសរុបបានមកពីរដ្ឋាភិបាលកម្ពុជា ៤ ភាគរយ បានមកពីរដ្ឋាភិបាលស្វីស និង៩២.៥ ភាគរយបានមកពីសប្បុរជន»៕
© រក្សាសិទ្ធិដោយ thmeythmey.com