ជាតិ
ពីនេះ ពីនោះ
ពេលណាត់ជួបគ្នា គួរសួរអ្វីខ្លះទើបល្អ?
×
អ្នកនឹងទៅជួបគ្នាជាមួយមនុស្ស ដែលអ្នកតែងតែប្រាថ្នាចង់ជួបតែពីរនាក់ហើយមែនទេ? មនុស្សដែលកំពុងតែអង្គុយនៅទល់មុខនោះ ប្រហែលជាចម្រៀងដែលអ្នកចង់បាន ព្រមទាំងមិនចង់អោយបរិយាកាសមានភាពអាប់អួរដែរ ហើយអ្វីដែលសំខាន់នោះ គឺត្រង់ថា អ្នកគួរចោទជាសំណួរអ្វីខ្លះ ដើម្បីកុំអោយមានភាពរញ៉េរញ៉ៃ ឬរំខានដល់ការណាត់ជួបគ្នានេះ។ ដូច្នេះ ចូរធ្វើវាដូចធម្មតាៗ ប៉ុន្តែ យើងនៅតែមានសំណួរខ្លះៗ ដែលអាចជួយដល់អ្នក ដើម្បីបើកទំព័រកម្មវិធីពេលជួបមុខគ្នា។
ទាក់ទងនឹងកុមារភាព
កុមារភាព គឺជាពិភពមួយដែលអ្នកទាំងពីរត្រូវតែរំលឹកឡើងវិញ។ របៀបនៃការបង្ហាញអំពីរឿងនេះ គឺមិនទៀងទាត់នោះទេ ហើយក៏គ្មានអ្វីដែលជាការសង្ស័យដែរ បើសិនជារឿងរបស់អ្នកទាំងពីរមានលក្ខណៈខុសគ្នា។ ប៉ុន្តែ មនុស្សគ្រប់រូបតែងតែមើលរំលងវាទៅវិញ។ ដូច្នេះ អ្នកអាចផ្តើមសួរថា តើការធំធាត់របស់អ្នក មានអ្វីកើតឡើងខ្លះទៅ? សំណួរនេះ តែងតែត្រឹមត្រូវជានិច្ច។ ចូរចាំថា ថ្ងៃណាត់ជួបគ្នា គឺជាពេលវេលាដែលអ្នកស្គាល់មនុស្សម្នាក់នោះ ហើយក៏ជារឿងគ្រប់គ្រាន់ដែរ ដើម្បីសួរជាសំណួរទៅគេ។ បើសិនជាគេមិនចង់និយាយទេ ក៏កុំបង្ខំគេអោយឆ្លើយដែរ។
ចំណាប់អារម្មណ៍
ចូរព្យាយាម និងស្វែងយល់ថាតើ គេចូលចិត្តអ្វីជាងគេ។ តើចម្រៀង រឿងភាពយន្ត សៀវភៅ កំណាព្យ ឬអ្វីទៅ ដែលគេចូលចិត្ត។ ដល់ពេលនោះ អ្នកពិតជាអាចបង្កើតជាសំណួរបានហើយ។ សំណួរនេះនឹងផ្តល់អោយអ្នក នូវគំនិតសមរម្យអំពីរបៀបរស់នៅរបស់មនុស្សផ្សេងៗទៀត ព្រមទាំងការគិតរបស់គេផងដែរ។ ចូរចងចាំថា មនុស្សយើងគ្រាន់តែចូលចិត្តនូវអ្វីដែលគេអាចទៅដល់ប៉ុណ្ណោះ។ ចំណាប់អារម្មណ៍ គឺជាវិធីសាស្ត្រដ៏ច្បាស់លាស់មួយ ដើម្បីអាចដឹងច្បាស់អំពីមនុស្សម្នាក់ទៀត។
មិត្តភក្តិ
មនុស្សយើងតែងតែនិយាយច្រើន នៅពេលនិយាយទាក់ទងនឹងមិត្តភក្តិរបស់ពួកគេ។ ពួកគេចូលចិត្តនិយាយអំពីភាពឆ្គួតៗរបស់ខ្លួន ភាពឡូយៗដែលកើតមាន ភាពជំនាញដែលពួកគេអាចធ្វើបាន និងអ្វីផ្សេងៗទៀត។ ជាមូលដ្ឋាន អ្នកនឹងអាចអោយនរណាម្នាក់ទៀតនិយាយកាន់តែច្រើន នៅពេលអ្នកកំពុងតែសួរសំណួរទាក់ទងនឹងមិត្តភក្តិរបស់គេ។ ជឿខ្ញុំទៅ ពេលយើងនិយាយដល់មិត្តភក្តិ យើងនឹងមានសំណួររាប់លានសំណួរ ដើម្បីជជែកគ្នាបន្តទៀត៕
© រក្សាសិទ្ធិដោយ thmeythmey.com