ជាតិ
សង្គមជាតិ
×![]()
គ្មានឡើយសញ្ញានៃសភាពអ៊ូអរសម្រាប់បុណ្យចូលឆ្នាំសកលនៅក្នុងទីក្រុងស្ទឹងសែននៃខេត្តកំពង់ធំ។ ពលរដ្ឋមួយចំនួនបាននិយាយថា ភាពស្ងប់ស្ងាត់ពេលចូលឆ្នាំសកល តែងមានជារៀងរាល់ឆ្នាំ ហើយថាវាស្ងាត់ស្ងៀមជាងពិធីបុណ្យណូអែលទៀតផង។
ពលរដ្ឋនៅក្នុងក្រុងស្ទឹងសែននៃខេត្តកំពង់ធំ នៅចាំមិនភ្លេចឡើយពីទិដ្ឋភាពអ៊ូអរល្មមនៃការជួបជុំនៃយុវជនយុវនារីក្នុងថ្ងៃបុណ្យណូអែលនៅតាមហាងទំនិញ។ ហាងទំនិញមិនតិចឡើយបានដាក់តាំងរូបដើម Christmas(ជាភាសាអង់គ្លេស) ឬដើម Sapin (ជាភាសាបារាំង) និងរូប Santa Claus ឬ Père Noel និងបានចាក់បទភ្លេង Jiggle Bells យ៉ាងទ្រហឹង អឺងកង។ផ្ទុយទៅវិញ ក្រុងស្ទឹងសែនបានប្រែស្ងប់ស្ងាត់វិញនៅពេលនេះ ហើយក៏មិនមានសញ្ញានៃការរៀបចំរបស់អាជ្ញាធរ ដើម្បីឲ្យពលរដ្ឋបានប្រារព្ធពិធីចូលឆ្នាំសកលរួមគ្នា ឬជួបជុំគ្នាឡើយ។ មិនមានការរៀបចំពីអាជ្ញាធរដែនដី ហើយក្រុមហ៊ុនឯកជនមួយចំនួនក៏មិនមានការរៀបចំពិធីសប្បាយរីករាយអ្វីដែរ។
អ្នកស្រី គង់ ចាន់ហៀក បុគ្គលិកនៅស្ថាប័នមីក្រូហិរញ្ញវត្ថុ អេអឹមខេ បានប្រាប់ថា៖ «ឆ្លងឆ្នាំសកលនេះ ជាធម្មតានៅអេអឹមខេ មិនមានរៀបចំកម្មវិធីអបអរនោះទេ។ ប៉ុន្តែបើសម្រាប់
បុណ្យចូលឆ្នាំប្រពៃណីខ្មែរវិញ ស្ថាប័ននេះ មានរៀបចំកម្មវិធីជប់លៀងឱ្យបុគ្គលិកក៏ដូចជាសម្រាប់អបអរឆ្នាំថ្មីផងដែរ»។ អ្នកស្រីក៏បន្ថែមដែរថា វាក៏ហាក់ដូចជាទម្លាប់ទៅហើយដែលមិនមានរៀបចំកម្មវិធីអ្វីសម្រាប់ឆ្លងឆ្នាំសកល សូម្បីតែគ្រួសារអ្នកស្រីផ្ទាល់ក៏មិនដែលធ្វើដូចគ្នាដែរ។ចំណែកលោក លឹម ប៊ុនថង អ្នកលក់កាហ្វេក្នុងក្រុងស្ទឹងសែនបានប្រាប់ដែរថា ដោយសារបញ្ហាជីវភាពរបស់ក្រុមគ្រួសារគាត់ អាជីវករនៃក្រុងស្ទឹងសែនរូបនេះ មិនបានគិតដល់ពីការរៀបចំពិធីឆ្លងឆ្នាំសកលឡើយ។ លោក ប៊ុនថង ពន្យល់ថា៖«យើងមានកូន មានប្រពន្ធ ក្នុងបន្ទុក។ អ៊ីចឹងហើយ ទោះឆ្លងឆ្នាំសកលក៏ដោយ ក៏យើងនៅតែបន្តលក់កាហ្វេជូនដល់អតិថិជនយើងដដែល ពោលគឺមិនឈប់សម្រាកអ្វីនោះទេ»។ អ្នកលក់កាហ្វេដដែល រម្លឹកថា កាលពីមុនគាត់ក៏ធ្លាប់នាំប្រពន្ធកូនដើរកម្សាន្តនៅក្នុងថ្ងៃឆ្លងឆ្នាំសកលដែរ តែកាលនោះ គាត់មានជីវភាពធូរធា។
មិនខុសពីអាជីវករលក់កាហ្វេនេះ លោក ម៉ែន កាយ ជាមេការសំណង់ក្នុងខេត្តកំពង់ធំ ក៏គ្មានគម្រោងរៀបចំការជួបជុំគ្រួសារអបអរឆ្នាំសកល ឆ្នាំថ្មីទេ។
បើទោះជាកម្ពុជា មានពិធីចូលឆ្នាំថ្មីរបស់ខ្លួនហើយក៏ដោយ កម្ពុជាក៏ចូលរួមចូលឆ្នាំសកលមួយទៀតដែរ ហើយក៏បានយកថ្ងៃ១មករាជាថ្ងៃឈប់សំរាកផ្លូវការរបស់រដ្ឋទៀតផង។ អាជ្ញាធរតាមខេត្ត និងរាជធានី គួរតែផ្តួចផ្តើមគំនិតបង្កើតកម្មវិធី និងតុបតែងរចនាទីក្រុងរបស់ខ្លួនបន្តិចបន្តួច ឬច្រើន ដើម្បីការជួបជុំនៃពលរដ្ឋខ្លួននៅតាមទីក្រុងធំនៃខេត្តរបស់ខ្លួន៕
ពលរដ្ឋនៅក្នុងក្រុងស្ទឹងសែននៃខេត្តកំពង់ធំ នៅចាំមិនភ្លេចឡើយពីទិដ្ឋភាពអ៊ូអរល្មមនៃការជួបជុំនៃយុវជនយុវនារីក្នុងថ្ងៃបុណ្យណូអែលនៅតាមហាងទំនិញ។ ហាងទំនិញមិនតិចឡើយបានដាក់តាំងរូបដើម Christmas(ជាភាសាអង់គ្លេស) ឬដើម Sapin (ជាភាសាបារាំង) និងរូប Santa Claus ឬ Père Noel និងបានចាក់បទភ្លេង Jiggle Bells យ៉ាងទ្រហឹង អឺងកង។ផ្ទុយទៅវិញ ក្រុងស្ទឹងសែនបានប្រែស្ងប់ស្ងាត់វិញនៅពេលនេះ ហើយក៏មិនមានសញ្ញានៃការរៀបចំរបស់អាជ្ញាធរ ដើម្បីឲ្យពលរដ្ឋបានប្រារព្ធពិធីចូលឆ្នាំសកលរួមគ្នា ឬជួបជុំគ្នាឡើយ។ មិនមានការរៀបចំពីអាជ្ញាធរដែនដី ហើយក្រុមហ៊ុនឯកជនមួយចំនួនក៏មិនមានការរៀបចំពិធីសប្បាយរីករាយអ្វីដែរ។
អ្នកស្រី គង់ ចាន់ហៀក បុគ្គលិកនៅស្ថាប័នមីក្រូហិរញ្ញវត្ថុ អេអឹមខេ បានប្រាប់ថា៖ «ឆ្លងឆ្នាំសកលនេះ ជាធម្មតានៅអេអឹមខេ មិនមានរៀបចំកម្មវិធីអបអរនោះទេ។ ប៉ុន្តែបើសម្រាប់
បុណ្យចូលឆ្នាំប្រពៃណីខ្មែរវិញ ស្ថាប័ននេះ មានរៀបចំកម្មវិធីជប់លៀងឱ្យបុគ្គលិកក៏ដូចជាសម្រាប់អបអរឆ្នាំថ្មីផងដែរ»។ អ្នកស្រីក៏បន្ថែមដែរថា វាក៏ហាក់ដូចជាទម្លាប់ទៅហើយដែលមិនមានរៀបចំកម្មវិធីអ្វីសម្រាប់ឆ្លងឆ្នាំសកល សូម្បីតែគ្រួសារអ្នកស្រីផ្ទាល់ក៏មិនដែលធ្វើដូចគ្នាដែរ។ចំណែកលោក លឹម ប៊ុនថង អ្នកលក់កាហ្វេក្នុងក្រុងស្ទឹងសែនបានប្រាប់ដែរថា ដោយសារបញ្ហាជីវភាពរបស់ក្រុមគ្រួសារគាត់ អាជីវករនៃក្រុងស្ទឹងសែនរូបនេះ មិនបានគិតដល់ពីការរៀបចំពិធីឆ្លងឆ្នាំសកលឡើយ។ លោក ប៊ុនថង ពន្យល់ថា៖«យើងមានកូន មានប្រពន្ធ ក្នុងបន្ទុក។ អ៊ីចឹងហើយ ទោះឆ្លងឆ្នាំសកលក៏ដោយ ក៏យើងនៅតែបន្តលក់កាហ្វេជូនដល់អតិថិជនយើងដដែល ពោលគឺមិនឈប់សម្រាកអ្វីនោះទេ»។ អ្នកលក់កាហ្វេដដែល រម្លឹកថា កាលពីមុនគាត់ក៏ធ្លាប់នាំប្រពន្ធកូនដើរកម្សាន្តនៅក្នុងថ្ងៃឆ្លងឆ្នាំសកលដែរ តែកាលនោះ គាត់មានជីវភាពធូរធា។
មិនខុសពីអាជីវករលក់កាហ្វេនេះ លោក ម៉ែន កាយ ជាមេការសំណង់ក្នុងខេត្តកំពង់ធំ ក៏គ្មានគម្រោងរៀបចំការជួបជុំគ្រួសារអបអរឆ្នាំសកល ឆ្នាំថ្មីទេ។
បើទោះជាកម្ពុជា មានពិធីចូលឆ្នាំថ្មីរបស់ខ្លួនហើយក៏ដោយ កម្ពុជាក៏ចូលរួមចូលឆ្នាំសកលមួយទៀតដែរ ហើយក៏បានយកថ្ងៃ១មករាជាថ្ងៃឈប់សំរាកផ្លូវការរបស់រដ្ឋទៀតផង។ អាជ្ញាធរតាមខេត្ត និងរាជធានី គួរតែផ្តួចផ្តើមគំនិតបង្កើតកម្មវិធី និងតុបតែងរចនាទីក្រុងរបស់ខ្លួនបន្តិចបន្តួច ឬច្រើន ដើម្បីការជួបជុំនៃពលរដ្ឋខ្លួននៅតាមទីក្រុងធំនៃខេត្តរបស់ខ្លួន៕
© រក្សាសិទ្ធិដោយ thmeythmey.com
