ជាតិ
នយោបាយជាតិ
គណបក្សសង្គ្រោះជាតិ សម្រេចដកលោកស្រី ឡាក់ សុភាព ចេញពីបក្ស
×
នៅទីបំផុតទៅរឿងដ៏ចម្រូងចម្រាសរបស់អ្នកស្រី ឡាក់ សុភាព មន្ត្រីគណបក្សសង្គ្រោះជាតិ ដែលចោទប្រកាន់លោក សម រង្ស៊ី និងលោក កឹម សុខា ថា បានប្រព្រឹត្តអំពើពុករលួយនោះ ត្រូវបានគណៈកម្មាធិការវិន័យរបស់គណបក្សសង្គ្រោះជាតិសម្រេចដកចេញពីសមាជិកភាពរបស់បក្ស។ សេចក្តីសម្រេច ដែលផ្សព្វផ្សាយប៉ុន្មាននាទីមុននេះ ធ្វើឡើងនៅថ្ងៃទី ៣០ ខែធ្នូ ឆ្នាំ ២០១៤ ចុះហត្ថលេខាដោយលោក អ៊ូ ចន្ទឫទ្ធិ ប្រធានគណៈកម្មាធិការវិន័យគណបក្សសង្គ្រោះជាតិ។
ជុំវិញបញ្ហានេះ លោក អ៊ូ ចន្ទឫទ្ធិ ប្រធានគណៈកម្មាធិការវិន័យគណបក្សសង្គ្រោះជាតិ មិនអាចទាក់ទងសុំការអត្ថាធិប្បាយបានទេនៅថ្ងៃនេះ តែលោកស្រី មូ សុខហួរ តំណាងរាស្រ្តគណសង្គ្រោះជាតិ អះអាងថា ការសម្រេចពេលនេះ គឺដោយសារអ្នកស្រី ឡាក់ សុភាព និយាយមិនពិត។ « យើងជួបគាត់ឲ្យបង្ហាញភស្តុតាង ដែលចោទប្រកាន់មេដឹកនាំបក្ស តែគាត់គ្មានភស្តុតាងផង ។ ដូច្នេះយើងមានតែបញ្ចប់សមាជិកភាពរបស់គាត់» ។ នេះជាការបញ្ជាក់របស់លោក ស្រី មូ សុខហួរ ។
© រក្សាសិទ្ធិដោយ thmeythmey.com