ជាតិ
សង្គមជាតិ
×![]()
ដោយ: ខន ចំប៉ា
គណៈកម្មាធិការសុវត្ថិភាពចរាចរណ៍ផ្លូវគោកបានប្រគល់ពានរង្វាន់ឆ្នើមដល់ក្រុមការងាររបស់សហភាពសហព័ន្ធយុវជនកម្ពុជា(UYFC)នៅក្នុងក្រសួងចំនួន៣ ដែលបានចូលរួមលើកកម្ពស់សុវត្ថិភាពចរាចរណ៍ផ្លូវគោកបានល្អតាមរយៈការជំរុញឱ្យមន្ត្រីក្រោមឱវាទពាក់មួកសុវត្ថិភាពក្នុងពេលបើកបរនិងកុំបើកបរក្នុងស្ថានភាពស្រវឹង។
ក្រសួងទាំង៣នោះរួមមានក្រសួងធម្មការនិងសាសនាក្រសួងសាធារណៈការនិងដឹកជញ្ជូននិងក្រសួងសង្គមកិច្ចអតីតយុទ្ធជននិងយុនីតិសម្បទា។ការប្រគល់រង្វាន់នេះបានធ្វើឡើងកាលពីថ្ងៃទី២៩ខែធ្នូ ក្រោមអធិបតីភាពរបស់លោកស្រីមឹនម៉ាណវី រដ្ឋលេខាធិការក្រសួងសាធារណៈការនិងដឹកជញ្ជូន។
លោកស្រីមឹនម៉ាណវី បានមានប្រសាសន៍ នៅក្នុងឱកាសនោះថា៖«ការសម្រេចផ្តល់ពានរង្វាន់ដល់ក្រុមការងារUYFCនៅក្នុងក្រសួងទាំងបីនេះដោយសារតែពួកគេបានអនុវត្តន៍ល្អលើសកម្មភាពជំរុញការពាក់មួកសុវត្ថិភាពបាន១០០% ក្នុងពេលធ្វើដំណើរនិងការបើកបរមិនក្រោមឥទ្ធិពលនៃគ្រឿងស្រវឹង។
លោកស្រីបានបញ្ជាក់ទៀតថាក្រុមការងារទាំងនោះក៏បានអប់រំបណ្តុះបណ្តាលមន្ត្រីក្រោមឱវាទនឹងការបង្កើតឱ្យមានបទបញ្ជាផ្ទៃក្នុងឬសេចក្តីណែនាំនានាដើម្បីជំរុញឱ្យមន្ត្រីរបស់ខ្លួនអនុវត្តន៍ឱ្យខ្ជាប់ខ្ជួនលើសកម្មភាពសុវត្ថិភាពចរាចរណ៍តាមរយៈមានការផាកពិន័យចំពោះមន្ត្រីដែលមិនបានគោរពច្បាប់ចរាចរណ៍។
ដំណើរការនៃការវាយតម្លៃជ័យលាភីនេះធ្វើឡើងជាពីរដំណាក់កាលចាប់ពីខែកញ្ញាដល់ខែវិច្ឆិកាឆ្នាំ២០១៣និងចាប់ពីខែកក្កដាដល់ខែតុលាឆ្នាំ២០១៤ដោយមានការអង្កេតនិងសម្ភាសន៍មន្ត្រីរាជការនៅតាមក្រសួងទាំង៣១ដែលជាសមាជិក។
សូមបញ្ជាក់ថាក្នុងឆ្នាំ២០១៣មានមនុស្សចំនួន១៩៥០នាក់បានស្លាប់និង៥៦៧១នាក់របួសធ្ងន់ដោយសារគ្រោះថ្នាក់ចរាចរណ៍ក្នុងចំណោមជនរងគ្រោះចំនួន១៦.២២៧នាក់ក្នុងនោះមាន៦៩%ស្លាប់ដោយប៉ះទង្គិចក្បាល។បើគិតក្នុងរយៈពេល៥ឆ្នាំចុងក្រោយ(២០០៩-២០១៣) កម្ពុជាខាតបង់ថវិកាអស់ជាង១៥០០លានដុល្លាអាមេរិកដោយសារគ្រោះថ្នាក់ចរាចរណ៍៕
ក្រសួងទាំង៣នោះរួមមានក្រសួងធម្មការនិងសាសនាក្រសួងសាធារណៈការនិងដឹកជញ្ជូននិងក្រសួងសង្គមកិច្ចអតីតយុទ្ធជននិងយុនីតិសម្បទា។ការប្រគល់រង្វាន់នេះបានធ្វើឡើងកាលពីថ្ងៃទី២៩ខែធ្នូ ក្រោមអធិបតីភាពរបស់លោកស្រីមឹនម៉ាណវី រដ្ឋលេខាធិការក្រសួងសាធារណៈការនិងដឹកជញ្ជូន។
លោកស្រីមឹនម៉ាណវី បានមានប្រសាសន៍ នៅក្នុងឱកាសនោះថា៖«ការសម្រេចផ្តល់ពានរង្វាន់ដល់ក្រុមការងារUYFCនៅក្នុងក្រសួងទាំងបីនេះដោយសារតែពួកគេបានអនុវត្តន៍ល្អលើសកម្មភាពជំរុញការពាក់មួកសុវត្ថិភាពបាន១០០% ក្នុងពេលធ្វើដំណើរនិងការបើកបរមិនក្រោមឥទ្ធិពលនៃគ្រឿងស្រវឹង។
លោកស្រីបានបញ្ជាក់ទៀតថាក្រុមការងារទាំងនោះក៏បានអប់រំបណ្តុះបណ្តាលមន្ត្រីក្រោមឱវាទនឹងការបង្កើតឱ្យមានបទបញ្ជាផ្ទៃក្នុងឬសេចក្តីណែនាំនានាដើម្បីជំរុញឱ្យមន្ត្រីរបស់ខ្លួនអនុវត្តន៍ឱ្យខ្ជាប់ខ្ជួនលើសកម្មភាពសុវត្ថិភាពចរាចរណ៍តាមរយៈមានការផាកពិន័យចំពោះមន្ត្រីដែលមិនបានគោរពច្បាប់ចរាចរណ៍។
ដំណើរការនៃការវាយតម្លៃជ័យលាភីនេះធ្វើឡើងជាពីរដំណាក់កាលចាប់ពីខែកញ្ញាដល់ខែវិច្ឆិកាឆ្នាំ២០១៣និងចាប់ពីខែកក្កដាដល់ខែតុលាឆ្នាំ២០១៤ដោយមានការអង្កេតនិងសម្ភាសន៍មន្ត្រីរាជការនៅតាមក្រសួងទាំង៣១ដែលជាសមាជិក។
សូមបញ្ជាក់ថាក្នុងឆ្នាំ២០១៣មានមនុស្សចំនួន១៩៥០នាក់បានស្លាប់និង៥៦៧១នាក់របួសធ្ងន់ដោយសារគ្រោះថ្នាក់ចរាចរណ៍ក្នុងចំណោមជនរងគ្រោះចំនួន១៦.២២៧នាក់ក្នុងនោះមាន៦៩%ស្លាប់ដោយប៉ះទង្គិចក្បាល។បើគិតក្នុងរយៈពេល៥ឆ្នាំចុងក្រោយ(២០០៩-២០១៣) កម្ពុជាខាតបង់ថវិកាអស់ជាង១៥០០លានដុល្លាអាមេរិកដោយសារគ្រោះថ្នាក់ចរាចរណ៍៕
© រក្សាសិទ្ធិដោយ thmeythmey.com
