ជាតិ
សង្គមជាតិ
×![]()
ភ្នំពេញ៖ គិតត្រឹមខែវិច្ឆិកា ឆ្នាំ២០១៤នេះ គណៈកម្មការសុរិយោដីបានទទួលករណីវិវាទដីធ្លី ទូទាំងប្រទេសសរុប ៦៥៥៨ ករណី ហើយអាជ្ញាធរបានដោះស្រាយបញ្ចប់វិវាទចំនួន ២៩១៦ ករណី។ នេះបើតាម លោក សរ សុវណ្ណ រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់។
នៅក្នុងវេទិកាថ្នាក់ជាតិស្តីពី ការគ្រប់គ្រងដីធ្លី និងធនធានធម្មជាតិ នាថ្ងៃទី២៥ ធ្នូ លោក សរ សុវណ្ណ រដ្ឋលេខាធិការក្រសួងរៀបចំដែនដីបានថ្លែងថា អាជ្ញាធរបានទទួលពាក្យបណ្តឹងវិវាទ ដីធ្លីជាង ៧ពាន់ករណីទូទាំងប្រទេសកម្ពុជានៅត្រឹមឆ្នាំ២០១៤នេះ ហើយករណីមួយចំនួន ទៀតនឹងបន្តដោះស្រាយ។
លោកអះអាងថា៖«មកទល់ខែវិច្ឆិកា ឆ្នាំ២០១៤នេះ តាមយន្តការគណៈកម្មការសុរិយោដី ករណីដែលទទួលបានទូទាំងប្រទេសសរុប ៦៥៥៨ករណី ចំនួនករណីដោះស្រាយបញ្ចប់ ២៩១៦ករណី និងចំនួនករណីកំពុងដោះស្រាយ ៨៤២ករណី»។
រដ្ឋលេខាធិការក្រសួងរៀបចំដែនដីរូបនេះ និយាយបន្ថែមថា នៅត្រឹមបំណាច់ខែវិច្ឆិកា ឆ្នាំ២០១៤នេះ អាជ្ញាធរបានចុះបញ្ជីដីធ្លីជាង ៣,៨ លានប័ណ្ណផងដែរ។
នៅដើមឆ្នាំ ២០១៥ខាងមុខនេះ អាជ្ញាធរនឹងបង្កើតក្រុមការងារអន្តរក្រសួងដែលមាន សភាព ៦ក្រសួង ក្នុងនោះ រួមមាន ក្រសួងដែនដី ក្រសួងមហាផ្ទៃ សេដ្ឋកិច្ច បរិស្ថាន កសិកម្ម និងរ៉ែ ដើម្បីជំរុញការងារចុះបញ្ជី និងកសាងផែនទីដីរដ្ឋឯកភាពតែមួយ៕
នៅក្នុងវេទិកាថ្នាក់ជាតិស្តីពី ការគ្រប់គ្រងដីធ្លី និងធនធានធម្មជាតិ នាថ្ងៃទី២៥ ធ្នូ លោក សរ សុវណ្ណ រដ្ឋលេខាធិការក្រសួងរៀបចំដែនដីបានថ្លែងថា អាជ្ញាធរបានទទួលពាក្យបណ្តឹងវិវាទ ដីធ្លីជាង ៧ពាន់ករណីទូទាំងប្រទេសកម្ពុជានៅត្រឹមឆ្នាំ២០១៤នេះ ហើយករណីមួយចំនួន ទៀតនឹងបន្តដោះស្រាយ។
លោកអះអាងថា៖«មកទល់ខែវិច្ឆិកា ឆ្នាំ២០១៤នេះ តាមយន្តការគណៈកម្មការសុរិយោដី ករណីដែលទទួលបានទូទាំងប្រទេសសរុប ៦៥៥៨ករណី ចំនួនករណីដោះស្រាយបញ្ចប់ ២៩១៦ករណី និងចំនួនករណីកំពុងដោះស្រាយ ៨៤២ករណី»។
រដ្ឋលេខាធិការក្រសួងរៀបចំដែនដីរូបនេះ និយាយបន្ថែមថា នៅត្រឹមបំណាច់ខែវិច្ឆិកា ឆ្នាំ២០១៤នេះ អាជ្ញាធរបានចុះបញ្ជីដីធ្លីជាង ៣,៨ លានប័ណ្ណផងដែរ។
នៅដើមឆ្នាំ ២០១៥ខាងមុខនេះ អាជ្ញាធរនឹងបង្កើតក្រុមការងារអន្តរក្រសួងដែលមាន សភាព ៦ក្រសួង ក្នុងនោះ រួមមាន ក្រសួងដែនដី ក្រសួងមហាផ្ទៃ សេដ្ឋកិច្ច បរិស្ថាន កសិកម្ម និងរ៉ែ ដើម្បីជំរុញការងារចុះបញ្ជី និងកសាងផែនទីដីរដ្ឋឯកភាពតែមួយ៕
© រក្សាសិទ្ធិដោយ thmeythmey.com
