ជាតិ
សង្គមជាតិ
សេដ្ឋកិច្ច
×![]()
ដោយ: លីម តុលា
ភ្នំពេញ៖ ប្រជាជនខ្មែរទៅកម្សាន្តនៅបរទេសកាន់តែច្រើនឡើងៗនៅពេលបុណ្យទានក្នុងស្រុកម្តង។ ប្រទេសម៉ាឡេស៊ី ប្រទេសសិង្ហបុរី ប្រទេសចិន វៀតណាម ថៃ គឺជាគោលដៅទេសចរណ៍របស់ខ្មែរ។ ប៉ុន្តែនៅក្នុងប៉ុន្មានឆ្នាំចុងក្រោយនេះ បណ្តាប្រទេសនៅមជ្ឈិមបូព៌ា បណ្តាប្រទេសអឺរ៉ុប គឺជាគោលដៅទេសចរណ៍ថ្មីរបស់ជនជាតិខ្មែរទៅវិញ។ 
ប្រជាជនខ្មែរដែលមានជីវភាពធូរធារធ្វើដំណើរទៅកម្សាន្តនៅប្រទេសក្រៅកាន់តែច្រើនឡើងៗពីមួយឆ្នាំទៅមួយឆ្នាំ។ ការដើរកម្សាន្តទៅក្រៅប្រទេសភាគច្រើនបានធ្វើឡើងនៅក្នុងអំឡុងបុណ្យប្រពៃណីធំៗនៅក្នុងប្រទេសនិងថ្ងៃឈប់សម្រាកច្រើនថ្ងៃ ដូចជា ករណីបុណ្យដាច់ឆ្នាំជាដើម។
ពិធីបុណ្យធំៗដែលប្រជាជនខ្មែរឆ្លៀតឱកាសទៅកម្សាន្តនៅបរទេសនោះជារួមមាន៖ពិធីបុណ្យចូលឆ្នាំខ្មែរ ពិធីបុណ្យអុំទូក និងពិធីបុណ្យភ្ជុំបិណ្ឌ និងពិធីបុណ្យចូលឆ្នាំសកលជាដើម។ ប្រទេសដែលប្រជាជនខ្មែរទៅកម្សាន្តច្រើន គឺប្រទេសជាសមាជិកអាស៊ានដូចជា៖ប្រទេសវៀតណាម ប្រទេសម៉ាឡេស៊ី ប្រទេសសិង្ហបុរី ថៃ និងប្រទេសមួយចំនួនផ្សេងទៀត។ ក្រៅពីប្រទេសក្នុងសមាជិកអាស៊ាន ប្រទេសចិនក៏ជាគោលដៅនៃការកម្សាន្ត និងការរកស៊ីរបស់ប្រជាជនខ្មែរដែរ។
លោក អាង គីមអៀង ប្រធានសមាគមទីភ្នាក់ងារទេសចរណ៍កម្ពុជាបានប្រាប់អោយដឹងថា ជាទម្លាប់ដូចសព្វដង ប្រជាជនខ្មែរទៅកម្សាន្តនៅក្នុងប្រទេសថៃ វៀតណាម ម៉ា់ឡេស៊ី សិង្ហបុរី និងប្រទេសចិនច្រើនគួរសមនៅដំណាច់ឆ្នាំ២០១៤នេះ។ ប៉ុន្តែ ចំណុចគួរអោយកត់សម្គាល់មួយទៀត គឺថា អ្នកទេសចរខ្មែរជាច្រើននាក់ផ្សេងទៀត បានប្តូរទិសដៅទៅកម្សាន្តនៅបណ្តាប្រទេសមជ្ឈិមបូព៌ា ជាពិសេស ប្រទេសអារ៉ាប់រួមអេមីរ៉េត និងបណ្តាប្រទេសអឺរ៉ុបកាន់តែច្រើន។
ការចាកចេញទៅក្រៅប្រទេសរបស់ប្រជាជនខ្មែរនៅពេលសម្រាកពីការងារ គឺមានគោលបំណងផ្សេងៗពីគ្នា។ ទីមួយ ៖ ការធ្វើដំណើរកំសាន្តសុទ្ធសាធ។ ទីពីរ ៖ ការដើរកម្សាន្តគួបផ្សំនិងការពិនិត្យសុខភាព និងទីបីគឺជាការដើរកម្សាន្តរកដៃគូរពាណិជ្ជកម្ម។ ហេតុផលបីនេះបានជំរុញអោយប្រជាជនខ្មែរដែលមានធនធានចាកចេញទៅប្រទេសក្រៅកាន់តែច្រើនឡើងៗពីមួយឆ្នាំទៅមួយឆ្នាំជាពិសេសនៅថ្ងៃបុណ្យទានតែម្តង។
គេពុំមានតួលេខបញ្ជាក់ច្បាស់លាស់នៅក្នុងពិធីបុណ្យនីមួយៗទេ ប៉ុន្តែតួលេខប្រចាំឆ្នាំបានបញ្ជាក់ថា ជារៀងរាល់ឆ្នាំ ប្រជាជនខ្មែរប្រមាណជា១លាននាក់បានចាកចេញទៅកម្សាន្ត ឬទៅបំពេញការងារផ្សេងៗនៅក្រៅប្រទេស។
អ្នកជំនាញនៅក្នុងវិស័យទេសចរណ៍បានពន្យល់ថា ការធ្វើដំណើររបស់ប្រជាជនខ្មែរកាន់តែច្រើនទៅកាន់បរទេសនោះ គឺដោយសារហេតុផលមួយចំនួនក្នុងនោះមាន៖ការលុបចោលទិដ្ឋាការរបស់ប្រទេសកម្ពុជាជាមួយប្រទេសចំនួនធំនៅក្នុងសមាគមអាស៊ាន កម្រិតជីវភាពនៃគ្រួសារអ្នកធូរធារកាន់ប្រសើរជាងមុន តម្លៃធ្វើដំណើរពីប្រទេសមួយទៅប្រទេសមួយកាន់តែថោកជាងមុននិងចុងក្រោយបង្អស់គឺដោយសារប្រជាជនខ្មែរមួយចំនួនចាប់ផ្តើមអោយតម្លៃជីវិតទៅលើភាពសប្បាយរីករាយជាជាងការក្តោបប្រាក់កាសនៅនឹងដៃរហូតដល់វ័យចំណាស់៕
ប្រជាជនខ្មែរដែលមានជីវភាពធូរធារធ្វើដំណើរទៅកម្សាន្តនៅប្រទេសក្រៅកាន់តែច្រើនឡើងៗពីមួយឆ្នាំទៅមួយឆ្នាំ។ ការដើរកម្សាន្តទៅក្រៅប្រទេសភាគច្រើនបានធ្វើឡើងនៅក្នុងអំឡុងបុណ្យប្រពៃណីធំៗនៅក្នុងប្រទេសនិងថ្ងៃឈប់សម្រាកច្រើនថ្ងៃ ដូចជា ករណីបុណ្យដាច់ឆ្នាំជាដើម។
ពិធីបុណ្យធំៗដែលប្រជាជនខ្មែរឆ្លៀតឱកាសទៅកម្សាន្តនៅបរទេសនោះជារួមមាន៖ពិធីបុណ្យចូលឆ្នាំខ្មែរ ពិធីបុណ្យអុំទូក និងពិធីបុណ្យភ្ជុំបិណ្ឌ និងពិធីបុណ្យចូលឆ្នាំសកលជាដើម។ ប្រទេសដែលប្រជាជនខ្មែរទៅកម្សាន្តច្រើន គឺប្រទេសជាសមាជិកអាស៊ានដូចជា៖ប្រទេសវៀតណាម ប្រទេសម៉ាឡេស៊ី ប្រទេសសិង្ហបុរី ថៃ និងប្រទេសមួយចំនួនផ្សេងទៀត។ ក្រៅពីប្រទេសក្នុងសមាជិកអាស៊ាន ប្រទេសចិនក៏ជាគោលដៅនៃការកម្សាន្ត និងការរកស៊ីរបស់ប្រជាជនខ្មែរដែរ។
លោក អាង គីមអៀង ប្រធានសមាគមទីភ្នាក់ងារទេសចរណ៍កម្ពុជាបានប្រាប់អោយដឹងថា ជាទម្លាប់ដូចសព្វដង ប្រជាជនខ្មែរទៅកម្សាន្តនៅក្នុងប្រទេសថៃ វៀតណាម ម៉ា់ឡេស៊ី សិង្ហបុរី និងប្រទេសចិនច្រើនគួរសមនៅដំណាច់ឆ្នាំ២០១៤នេះ។ ប៉ុន្តែ ចំណុចគួរអោយកត់សម្គាល់មួយទៀត គឺថា អ្នកទេសចរខ្មែរជាច្រើននាក់ផ្សេងទៀត បានប្តូរទិសដៅទៅកម្សាន្តនៅបណ្តាប្រទេសមជ្ឈិមបូព៌ា ជាពិសេស ប្រទេសអារ៉ាប់រួមអេមីរ៉េត និងបណ្តាប្រទេសអឺរ៉ុបកាន់តែច្រើន។
ការចាកចេញទៅក្រៅប្រទេសរបស់ប្រជាជនខ្មែរនៅពេលសម្រាកពីការងារ គឺមានគោលបំណងផ្សេងៗពីគ្នា។ ទីមួយ ៖ ការធ្វើដំណើរកំសាន្តសុទ្ធសាធ។ ទីពីរ ៖ ការដើរកម្សាន្តគួបផ្សំនិងការពិនិត្យសុខភាព និងទីបីគឺជាការដើរកម្សាន្តរកដៃគូរពាណិជ្ជកម្ម។ ហេតុផលបីនេះបានជំរុញអោយប្រជាជនខ្មែរដែលមានធនធានចាកចេញទៅប្រទេសក្រៅកាន់តែច្រើនឡើងៗពីមួយឆ្នាំទៅមួយឆ្នាំជាពិសេសនៅថ្ងៃបុណ្យទានតែម្តង។
គេពុំមានតួលេខបញ្ជាក់ច្បាស់លាស់នៅក្នុងពិធីបុណ្យនីមួយៗទេ ប៉ុន្តែតួលេខប្រចាំឆ្នាំបានបញ្ជាក់ថា ជារៀងរាល់ឆ្នាំ ប្រជាជនខ្មែរប្រមាណជា១លាននាក់បានចាកចេញទៅកម្សាន្ត ឬទៅបំពេញការងារផ្សេងៗនៅក្រៅប្រទេស។
អ្នកជំនាញនៅក្នុងវិស័យទេសចរណ៍បានពន្យល់ថា ការធ្វើដំណើររបស់ប្រជាជនខ្មែរកាន់តែច្រើនទៅកាន់បរទេសនោះ គឺដោយសារហេតុផលមួយចំនួនក្នុងនោះមាន៖ការលុបចោលទិដ្ឋាការរបស់ប្រទេសកម្ពុជាជាមួយប្រទេសចំនួនធំនៅក្នុងសមាគមអាស៊ាន កម្រិតជីវភាពនៃគ្រួសារអ្នកធូរធារកាន់ប្រសើរជាងមុន តម្លៃធ្វើដំណើរពីប្រទេសមួយទៅប្រទេសមួយកាន់តែថោកជាងមុននិងចុងក្រោយបង្អស់គឺដោយសារប្រជាជនខ្មែរមួយចំនួនចាប់ផ្តើមអោយតម្លៃជីវិតទៅលើភាពសប្បាយរីករាយជាជាងការក្តោបប្រាក់កាសនៅនឹងដៃរហូតដល់វ័យចំណាស់៕
© រក្សាសិទ្ធិដោយ thmeythmey.com
