ជាតិ
បទវិភាគ
សង្គមជាតិ
២០១៥ ជាឱកាស ឬជាការប្រឈមសម្រាប់កម្ពុជាក្នុងក្របខ័ណ្ឌសហគមន៍អាស៊ានរួម?
×![]()
ភ្នំពេញ៖ សមាគមប្រជាជាតិអាស៊ីអាគ្នេយ៍ឬហៅកាត់ថា អាស៊ាន គ្រោងនឹងបង្កើតសហគមន៍រួមនៅចុងឆ្នាំ២០១៥ខាងមុខនេះ។ ការបង្កើតសហគមន៍រួមនេះនឹងបើកផ្លូវអោយប្រទេសជាសមាជិកទាំងអស់អាចចរាចរណ៍ទំនិញដោយគ្មានពន្ធគយ។ ប្រជាជនអាចធ្វើដំណើរពីប្រទេសមួយទៅប្រទេសមួយផ្សេងទៀតដោយសេរី និងអាចធ្វើការក្នុងប្រទេសណាក៏បានដែរ។ ប៉ុន្តែសំណួរដែលកំពុងចោទសួរឡើងគឺថា តើប្រទេសកម្ពុជានឹងអាចទទួល បានផលច្រើនពីសហគមន៍រួមនេះ ឬផ្ទុយទៅវិញកម្ពុជាខាតច្រើនជាងចំណេញ? 
សមាគមប្រជាជាតិអាស៊ីអាគ្នេយ៍ឬហៅកាត់ថា អាស៊ាន ត្រូវបានបង្កើតឡើងនៅឆ្នាំ១៩៦៧នៅក្នុងប្រទេសថៃ។ សមាជិកចាស់របស់អាស៊ានមាន៦ប្រទេសក្នុងនោះមាន៖ ប្រទេសថៃ ប្រ៊ុយណេ ឥណ្ឌូនេស៊ី សិង្ហបុរី ម៉ាឡេស៊ីនិងហ្វីលីពីន។ រីឯសមាជិក៤ថ្មីមាន៤ប្រទេសដូចជា៖វៀតណាម ឡាវ ភូមានិងប្រទេសកម្ពុជា។ កម្ពុជាគឺជាកូនពៅរបស់អាស៊ានដែលបានសម្រេចចិត្តចូលជាសមាជិក ក្រោយគេនៅឆ្នាំ១៩៩៩។
រហូតមកដល់ឆ្នាំ២០១៥នេះ មានរយៈពេល១៦ឆ្នាំហើយដែលប្រទេសក្រីក្រកម្ពុជាបានក្លាយជាសមាជិកពេញសិទ្ធិរបស់សមាគមអាស៊ាន។ ក្នុងរយៈពេល១៦ឆ្នាំនេះ ប្រទេសកម្ពុជាបានធ្វើជាប្រធានអាស៊ានពីរដង។ លើកទីមួយនៅឆ្នាំ ២០០២និងលោកទីពីរនៅឆ្នាំ២០១២កន្លងមកនេះ។
ចូលជាសមាជិកអាស៊ានគឺជាមោទនភាពមួយរបស់កម្ពុជា ប៉ុន្តែនៅចុងឆ្នាំ២០១៥ខាងមុខនេះ សហគមន៍អាស៊ានរួមនឹងត្រូវបង្កើតឡើង។ នៅពេលនោះ ការចរាចរណ៍ទំនិញ និងមនុស្សអាចប្រព្រឹត្តឡើងដោយគ្មានពន្ធគយនិង ដោយគ្មានទិដ្ឋាការរវាងប្រទេសជាសមាជិក។ ចំពោះនិន្នាការថ្មីនេះ សំណួរជាច្រើនបានលើកឡើងថា តើកម្ពុជាដែលជាប្រទេសក្រីក្រជាងគេមួយនៅអាស៊ានអាចទាញប្រយោជន៍បានច្រើនឬក៏ខាតប្រយោជន៍ច្រើនទៅវិញពីសហគមន៍អាស៊ានរួមនេះ?
ទាក់ទងទៅនឹងសំណួរនេះ អ្នកវិភាគសង្គមមួយចំនួនបានពន្យល់ថា ប្រទេសកម្ពុជាប្រឈមនឹងការខាតបង់ច្រើនជាងការទាញបានផលប្រយោជន៍មកវិញ។ ខាតបង់ច្រើនពីព្រោះប្រទេសក្រីក្រកម្ពុជាមិនទាន់មានសមត្ថភាពគ្រប់គ្រាន់ក្នុងការផលិត។ ប្រទេសកម្ពុជាផលិតបានតិចបំផុត បើប្រៀបធៀបទៅនឹងការប្រើប្រាស់របស់ខ្លួន។ ដូច្នេះនិ្ននាការថ្មីអាចរុញច្រានទីផ្សារកម្ពុជាអោយក្លាយទៅជាទីផ្សារនៃផលិតផលប្រទេសជាសមាជិកអាស៊ាន។
រីឯផលិតផលខ្មែរប្រហែលជាពិបាកឈរជើងនៅលើទីផ្សាររបស់ខ្លួនថែមទៀតហើយនេះមិនទាន់ទាំងនិយាយអំពីការនាំចេញទៅក្រៅផងអ្នកវិភាគនានានិយាយថាដោយសារតែតម្លៃថ្លៃនិងស្តង់ដារផ្សេងៗនៅមានកម្រិតផលិតផលខ្មែរពិតជាពិបាកនាំចេញទៅកាន់ទីផ្សារនៃសមាជិកអាស៊ានដទៃទៀត។
ការរកទីតាំងឈរជើងសម្រាប់ទំនិញខ្មែរពិតជាលំបាកក្នុងចុងឆ្នាំ២០១៥នេះ។
ចំណុចមួយទៀតដែលជាការព្រួយបារម្ភខ្លាំងដែរនោះ គឺការប្រកួតប្រជែងរវាងក្រុមហ៊ុនខ្មែរ និងក្រុមហ៊ុនបរទេសកាន់តែមានសភាពខ្លាំងក្លាជាងមុន។ អ្នកវិភាគមួយចំនួនព្រមានទុកជាមុនថា ក្រុមហ៊ុនខ្មែរមួយចំនួនដែលរកស៊ីជាលក្ខណៈគ្រួសារ គ្មានគោលការណ៍ច្បាស់លាស់ អាចប្រឈមនឹងការដួលបះជើងជាក់ជាពុំខាន ពីព្រោះក្រុមហ៊ុនបរទេសដែលមានបទដ្ឋានអន្តរជាតិនឹងចូលមកទីផ្សារកម្ពុជាកាន់តែច្រើន។ មិនត្រឹមតែប៉ុណ្ណោះ ក្រុមហ៊ុនខ្មែរដែលធ្លាប់ប្រើប្រាស់បុគ្គលិកខ្មែរដោយអោយប្រាក់ខែមិនគ្រប់គ្រាន់ អាចប្រឈមនឹងកង្វះកម្លាំងពលកម្ម ពីព្រោះក្រុមហ៊ុនបរទេសនឹងទាញយកបុគ្គលិកល្អៗពីក្រុមហ៊ុនខ្មែរដែលគ្មានស្តង់ដា។
ចំពោះបញ្ហាលំហូរធនធានមនុស្សវិញ។ នៅចុងឆ្នាំ២០១៥នេះ ប្រជាជនក្នុងសមាគមអាស៊ានទាំងមូលជាគោលការណ៍នឹងអាចធ្វើដំណើរដោយគ្មានទិដ្ឋាការរវាងប្រទេសនិងប្រទេស។ ពេលនោះ លំហូរពលកម្មពីប្រទេសមួយទៅប្រទេសមួយនឹងអាចធ្វើឡើងដោយសេរី។ ចំណុចនេះគឺជាក្តីកង្វល់មួយទៀតសម្រាប់កម្លាំងពលកម្មខ្មែរ។
អ្នកវិភាគជាច្រើនបាននិយាយថា កម្លាំងពលកម្មខ្មែរពិតជាមិនអាចប្រកួតប្រជែងជាមួយកម្លាំងពលកម្មនៃប្រទេសថៃ ម៉ាឡេស៊ី សិង្ហបុរី ប្រទេសឥណ្ឌូនេស៊ី វៀតណាមឬប្រ៊ុយណេបានទេ។ ពីព្រោះអ្នកជំនាញនៃប្រទេសទាំងនោះ មានចំណេះដឹងជំនាញខ្ពស់ជាងធនធានមនុស្សខ្មែរ។ អ៊ីចឹង នៅពេលអាស៊ានមានសហគមន៍រួម ពេលនោះ អ្នកជំនាញបរទេសទាំងនោះនឹងមានឳកាសកាន់តែច្រើន មានន័យថា ពួកគេអាចមកដណ្ដើមការងារនៅក្នុងប្រទេសកម្ពុជាបន្ថែមទៀត។ រីឯ អ្នកជំនាញខ្មែរភាគច្រើនប្រហែលជាពិបាកនឹងទៅដណ្តើមការងារនៅក្នុងប្រទេសគេណាស់ បើទោះជាមានអ្នកជំនាញខ្មែរមួយចំនួន«តូចបំផុត»អាចឈោងទៅចាប់ការងារនៅក្រៅប្រទេសបានក៏ដោយក្តី។ ចំណេះដឹងជំនាញរបស់ខ្មែរនៅមានកម្រិតជារឿងម្យ៉ាង ប៉ុន្តែរឿងម្យ៉ាងទៀត គឺដោយសារតម្លៃសញ្ញាបត្រខ្មែរនៅមិនទាន់ត្រូវបានគេទទួលស្គាល់ពិតប្រាកដនៅឡើយទេ។
ក្នុងរយៈពេលខ្លី ប្រទេសកម្ពុជាពិតជាបាត់បង់ប្រយោជន៍ច្រើនពីការបង្កើតសហគមន៍រួមនេះ ប៉ុន្តែអ្នកវិភាគនានាអត្ថាធិប្បាយថា ក្នុងរយៈពេលវែង ប្រទេសក្រីក្រកម្ពុជាពិតជានឹងទទួលបានផលត្រឡប់មកវិញខ្លះ។ ផលត្រឡប់មកវិញនោះគឺកើតឡើងតាមរយៈការខិតខំប្រឹងប្រែងរបស់ប្រទេសកម្ពុជាក្នុងបរិបទការប្រកួតប្រជែងជាសកល។
ការប្រកួតប្រជែងកាន់តែខ្លាំងនឹងជំរុញអោយប្រទេសទន់ខ្សោយកម្ពុជាកាន់តែមានទឹកចិត្តរត់តាមគេ។ ម្យ៉ាងទៀត កម្ពុជានឹងទទួលបានបទពិសោធន៍ពីលំហូរធនធានមនុស្សពីប្រទេសដទៃក្នុងអាស៊ាន។លើសពីនេះទៅទៀត ចំណុចមួយទៀតដែលកម្ពុជាអាចទទួលបានផលប្រយោជន៍ដែរនោះ គឺឳកាសបង្កើតការងារមានកាន់តែច្រើនជាងមុនតាមរយៈវត្តមានក្រុមហ៊ុនបរទេស។ វត្តមាននេះជំរុញអោយកម្លាំងពលកម្មខ្មែរអាចនឹងទទួលបានប្រាក់ខែខ្ពស់ជាងមុន។
សរុបសេចក្តីមកវិញ សហគមន៍អាស៊ានរួមឆ្នាំ២០១៥ នឹងរុញច្រានកម្ពុជាអោយប្រឈមខ្លាំងជាងឱកាស ប្រសិនបើប្រទេសក្រីក្រមួយនេះ មិនត្រៀមខ្លួនអោយគ្រប់លក្ខណៈក្នុងការប្រកួតប្រជែងនោះទេ៕
សមាគមប្រជាជាតិអាស៊ីអាគ្នេយ៍ឬហៅកាត់ថា អាស៊ាន ត្រូវបានបង្កើតឡើងនៅឆ្នាំ១៩៦៧នៅក្នុងប្រទេសថៃ។ សមាជិកចាស់របស់អាស៊ានមាន៦ប្រទេសក្នុងនោះមាន៖ ប្រទេសថៃ ប្រ៊ុយណេ ឥណ្ឌូនេស៊ី សិង្ហបុរី ម៉ាឡេស៊ីនិងហ្វីលីពីន។ រីឯសមាជិក៤ថ្មីមាន៤ប្រទេសដូចជា៖វៀតណាម ឡាវ ភូមានិងប្រទេសកម្ពុជា។ កម្ពុជាគឺជាកូនពៅរបស់អាស៊ានដែលបានសម្រេចចិត្តចូលជាសមាជិក ក្រោយគេនៅឆ្នាំ១៩៩៩។
រហូតមកដល់ឆ្នាំ២០១៥នេះ មានរយៈពេល១៦ឆ្នាំហើយដែលប្រទេសក្រីក្រកម្ពុជាបានក្លាយជាសមាជិកពេញសិទ្ធិរបស់សមាគមអាស៊ាន។ ក្នុងរយៈពេល១៦ឆ្នាំនេះ ប្រទេសកម្ពុជាបានធ្វើជាប្រធានអាស៊ានពីរដង។ លើកទីមួយនៅឆ្នាំ ២០០២និងលោកទីពីរនៅឆ្នាំ២០១២កន្លងមកនេះ។
ចូលជាសមាជិកអាស៊ានគឺជាមោទនភាពមួយរបស់កម្ពុជា ប៉ុន្តែនៅចុងឆ្នាំ២០១៥ខាងមុខនេះ សហគមន៍អាស៊ានរួមនឹងត្រូវបង្កើតឡើង។ នៅពេលនោះ ការចរាចរណ៍ទំនិញ និងមនុស្សអាចប្រព្រឹត្តឡើងដោយគ្មានពន្ធគយនិង ដោយគ្មានទិដ្ឋាការរវាងប្រទេសជាសមាជិក។ ចំពោះនិន្នាការថ្មីនេះ សំណួរជាច្រើនបានលើកឡើងថា តើកម្ពុជាដែលជាប្រទេសក្រីក្រជាងគេមួយនៅអាស៊ានអាចទាញប្រយោជន៍បានច្រើនឬក៏ខាតប្រយោជន៍ច្រើនទៅវិញពីសហគមន៍អាស៊ានរួមនេះ?
ទាក់ទងទៅនឹងសំណួរនេះ អ្នកវិភាគសង្គមមួយចំនួនបានពន្យល់ថា ប្រទេសកម្ពុជាប្រឈមនឹងការខាតបង់ច្រើនជាងការទាញបានផលប្រយោជន៍មកវិញ។ ខាតបង់ច្រើនពីព្រោះប្រទេសក្រីក្រកម្ពុជាមិនទាន់មានសមត្ថភាពគ្រប់គ្រាន់ក្នុងការផលិត។ ប្រទេសកម្ពុជាផលិតបានតិចបំផុត បើប្រៀបធៀបទៅនឹងការប្រើប្រាស់របស់ខ្លួន។ ដូច្នេះនិ្ននាការថ្មីអាចរុញច្រានទីផ្សារកម្ពុជាអោយក្លាយទៅជាទីផ្សារនៃផលិតផលប្រទេសជាសមាជិកអាស៊ាន។
រីឯផលិតផលខ្មែរប្រហែលជាពិបាកឈរជើងនៅលើទីផ្សាររបស់ខ្លួនថែមទៀតហើយនេះមិនទាន់ទាំងនិយាយអំពីការនាំចេញទៅក្រៅផងអ្នកវិភាគនានានិយាយថាដោយសារតែតម្លៃថ្លៃនិងស្តង់ដារផ្សេងៗនៅមានកម្រិតផលិតផលខ្មែរពិតជាពិបាកនាំចេញទៅកាន់ទីផ្សារនៃសមាជិកអាស៊ានដទៃទៀត។
ការរកទីតាំងឈរជើងសម្រាប់ទំនិញខ្មែរពិតជាលំបាកក្នុងចុងឆ្នាំ២០១៥នេះ។
ចំណុចមួយទៀតដែលជាការព្រួយបារម្ភខ្លាំងដែរនោះ គឺការប្រកួតប្រជែងរវាងក្រុមហ៊ុនខ្មែរ និងក្រុមហ៊ុនបរទេសកាន់តែមានសភាពខ្លាំងក្លាជាងមុន។ អ្នកវិភាគមួយចំនួនព្រមានទុកជាមុនថា ក្រុមហ៊ុនខ្មែរមួយចំនួនដែលរកស៊ីជាលក្ខណៈគ្រួសារ គ្មានគោលការណ៍ច្បាស់លាស់ អាចប្រឈមនឹងការដួលបះជើងជាក់ជាពុំខាន ពីព្រោះក្រុមហ៊ុនបរទេសដែលមានបទដ្ឋានអន្តរជាតិនឹងចូលមកទីផ្សារកម្ពុជាកាន់តែច្រើន។ មិនត្រឹមតែប៉ុណ្ណោះ ក្រុមហ៊ុនខ្មែរដែលធ្លាប់ប្រើប្រាស់បុគ្គលិកខ្មែរដោយអោយប្រាក់ខែមិនគ្រប់គ្រាន់ អាចប្រឈមនឹងកង្វះកម្លាំងពលកម្ម ពីព្រោះក្រុមហ៊ុនបរទេសនឹងទាញយកបុគ្គលិកល្អៗពីក្រុមហ៊ុនខ្មែរដែលគ្មានស្តង់ដា។
ចំពោះបញ្ហាលំហូរធនធានមនុស្សវិញ។ នៅចុងឆ្នាំ២០១៥នេះ ប្រជាជនក្នុងសមាគមអាស៊ានទាំងមូលជាគោលការណ៍នឹងអាចធ្វើដំណើរដោយគ្មានទិដ្ឋាការរវាងប្រទេសនិងប្រទេស។ ពេលនោះ លំហូរពលកម្មពីប្រទេសមួយទៅប្រទេសមួយនឹងអាចធ្វើឡើងដោយសេរី។ ចំណុចនេះគឺជាក្តីកង្វល់មួយទៀតសម្រាប់កម្លាំងពលកម្មខ្មែរ។
អ្នកវិភាគជាច្រើនបាននិយាយថា កម្លាំងពលកម្មខ្មែរពិតជាមិនអាចប្រកួតប្រជែងជាមួយកម្លាំងពលកម្មនៃប្រទេសថៃ ម៉ាឡេស៊ី សិង្ហបុរី ប្រទេសឥណ្ឌូនេស៊ី វៀតណាមឬប្រ៊ុយណេបានទេ។ ពីព្រោះអ្នកជំនាញនៃប្រទេសទាំងនោះ មានចំណេះដឹងជំនាញខ្ពស់ជាងធនធានមនុស្សខ្មែរ។ អ៊ីចឹង នៅពេលអាស៊ានមានសហគមន៍រួម ពេលនោះ អ្នកជំនាញបរទេសទាំងនោះនឹងមានឳកាសកាន់តែច្រើន មានន័យថា ពួកគេអាចមកដណ្ដើមការងារនៅក្នុងប្រទេសកម្ពុជាបន្ថែមទៀត។ រីឯ អ្នកជំនាញខ្មែរភាគច្រើនប្រហែលជាពិបាកនឹងទៅដណ្តើមការងារនៅក្នុងប្រទេសគេណាស់ បើទោះជាមានអ្នកជំនាញខ្មែរមួយចំនួន«តូចបំផុត»អាចឈោងទៅចាប់ការងារនៅក្រៅប្រទេសបានក៏ដោយក្តី។ ចំណេះដឹងជំនាញរបស់ខ្មែរនៅមានកម្រិតជារឿងម្យ៉ាង ប៉ុន្តែរឿងម្យ៉ាងទៀត គឺដោយសារតម្លៃសញ្ញាបត្រខ្មែរនៅមិនទាន់ត្រូវបានគេទទួលស្គាល់ពិតប្រាកដនៅឡើយទេ។
ក្នុងរយៈពេលខ្លី ប្រទេសកម្ពុជាពិតជាបាត់បង់ប្រយោជន៍ច្រើនពីការបង្កើតសហគមន៍រួមនេះ ប៉ុន្តែអ្នកវិភាគនានាអត្ថាធិប្បាយថា ក្នុងរយៈពេលវែង ប្រទេសក្រីក្រកម្ពុជាពិតជានឹងទទួលបានផលត្រឡប់មកវិញខ្លះ។ ផលត្រឡប់មកវិញនោះគឺកើតឡើងតាមរយៈការខិតខំប្រឹងប្រែងរបស់ប្រទេសកម្ពុជាក្នុងបរិបទការប្រកួតប្រជែងជាសកល។
ការប្រកួតប្រជែងកាន់តែខ្លាំងនឹងជំរុញអោយប្រទេសទន់ខ្សោយកម្ពុជាកាន់តែមានទឹកចិត្តរត់តាមគេ។ ម្យ៉ាងទៀត កម្ពុជានឹងទទួលបានបទពិសោធន៍ពីលំហូរធនធានមនុស្សពីប្រទេសដទៃក្នុងអាស៊ាន។លើសពីនេះទៅទៀត ចំណុចមួយទៀតដែលកម្ពុជាអាចទទួលបានផលប្រយោជន៍ដែរនោះ គឺឳកាសបង្កើតការងារមានកាន់តែច្រើនជាងមុនតាមរយៈវត្តមានក្រុមហ៊ុនបរទេស។ វត្តមាននេះជំរុញអោយកម្លាំងពលកម្មខ្មែរអាចនឹងទទួលបានប្រាក់ខែខ្ពស់ជាងមុន។
សរុបសេចក្តីមកវិញ សហគមន៍អាស៊ានរួមឆ្នាំ២០១៥ នឹងរុញច្រានកម្ពុជាអោយប្រឈមខ្លាំងជាងឱកាស ប្រសិនបើប្រទេសក្រីក្រមួយនេះ មិនត្រៀមខ្លួនអោយគ្រប់លក្ខណៈក្នុងការប្រកួតប្រជែងនោះទេ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
